Тарас Шевченко һәйкәле (Ялта)

Тышҡы һүрәттәр
Фото памятника Т.Г.Шевченко в Ялте
	https://gdb.rferl.org/90CDA20F-A6CB-4E12-9951-5C647967F71E_w1023_r1_s.jpg

Тарас Шевченко һәйкәле
	Тарас Шевченко һәйкәле
Нигеҙләү датаһы	2007
Дәүләт	Украина; Рәсәй
Административ-территориаль берәмек	Ялта[d]
Жанр	паблик-арт[d]
Архитектор	Лео Мол[d]
Мираҫ статусы	Төбәк әһәмиәтендәге Рәсәй мәҙәни мираҫ объекты[d]

Тарас Шевченко һәйкәле — украин шағиры, рәссам һәм яҙыусы Тарас Шевченкоға Ялта (Ҡырым) ҡалаһында 2007 йылда Шевченко исемендәге скверҙа асылған һәйкәл^[1]^[2].

Тарихы[үҙгәртергә | сығанаҡты үҙгәртеү]

Һәйкәл «Фундация им. Т. Шевченко» БөтәУкраина хәйриә фонды инициативаһы буйынса 2005 йылда эшләнә. Бағыусы булып Торонтола (Канада) йәшәгән доктор Василий Иваницкий һәм Наталия Бундза ғаиләһе сығыш яһай.

Йәш шағир һәйкәленең авторы — Виннипег ҡалаһынан билдәле украин скульпторы, Шевченкоға Вашингтонда, Буэнос-Айреста, Санкт-Петербургта ҡуйылған һәйкәлдәрҙе эшләүсе Лео Мал.

Монумент Аргентинала бронзанан эшләнә, уның ауырлығы 2,5 тонна, бейеклеге — 3 метр^[3]. Аргентинанан уны карапта Одессаға килтерәләр, һуңынан Ялтаға оҙаталар. Унда ул, властар ҡала үҙәгендә лайыҡлы урын тапҡансы, ике йыл тирәһе складта ята. Бындай урын булып Мәскәү урамындағы Цирк скверы тора, һуңынан ул рәсми рәүештә Шевченко скверы исемен ала^[3].

Тантанала ҡатнашыусылар «Украина менән һәм Украина тип йәшәгән» кешенең ҙур әһәмиәтен билдәләй. Шулай уҡ һәйкәлде эшләүҙә, ҡуйыуҙа әүҙем ярҙам итеүселәргә рәхмәт һүҙҙәре еткерелә һәм монументтың тап Ялтала, «йылына донъяның төрлө илдәренән тиҫтәләгән мең кеше киләгән», украин мәҙәниәтен хөрмәт иткән һәм ихтирам күрһәткән ҡалала урынлашыуының символик мәғәнәгә эйә булыуы ла билдәләнә^[1].