Торт

Торт
Ашамлыҡтар
Авторы
Тыуған иле	Испания
Компоненттар
Төп	Он, аҡ май, ҡамыр йомшартҡыс, йомортҡа, шоҡолад, һөт, сәтләүек, ҡара емеш
Булыуы мөмкин	сода, һеркә
Оҡшаш аҙыҡтар
Кекс, пирожный, бәлеш
Викимилектә медиафайлдар Торт

Торт (итал. torta, ранее от лат. tōrta, йоморо икмәк) — крем йәки джем һеңдерелгән бер нисә ҡамыр йәймәһенән торған десерт; һөт, май, шәкәр, йомортҡаға баҫылған сөсө ҡамырға крем, еләк-емеш һ. б. ҡушып бешергән татлы ашамлыҡ.

Ҡатнашмалар өлөшө

Торт бешереү өсөн: он, аҡ май, шәкәр, ҡамыр йомшартҡыс, йомортҡа, шоколад, ҡуйыртылған һөт, сәтләүек, ҡара емеш, ҡурай һәм ер еләктәре, шыйыҡ сыр кәрәк буласаҡ.

Биҙәү

• Байрамса торт, туйҙа, тыуған көндә аштан һуң бирелә торған тәм-том.
• Торт эшләй башлағанда, йомшарған аҡ май менән шәкәрҙе ҡушып бутайбыҙ. Килеп сыҡҡан ҡатнашмаға он, ҡамыр йомшартҡыс, ике-өс йомортҡа өҫтәп, шыйыҡ ҡамыр туҡыйбыҙ. 160- 170 градуслы мейескә йәки духовкаға ҡуйып 40-45 минутта бешереп алабыҙ. Араһына крем яғыр өсөн йәймәне ҡатлы- ҡатлы итеп теләбеҙ.
• Шыйыҡ сырға ҡуйыртылған һөт ҡушып крем яһайбыҙ. Йәймәләрҙең араһына мул итеп һылайбыҙ, ҡурай, ер еләге лә ҡушабыҙ. Торттың өҫтөн онталған сәтләүек, ҡара емеш, эретелгән шоколад менән биҙәйбеҙ.

Төрҙәре

• «Ҡош һөтө»;
• «Коcмос»;
• «Полет»;
• «Бисквет»

Һылтанмалар

20 июль көнө - Халыҡ-ара Торт байрамы - Донъя кимәлендә билдәләнә.