У И

У И
	У И;
Гражданлығы:	Ҡытай
Партия:	Ҡытай коммунистар партияһы[d]
Эшмәкәрлек төрө:	сәйәсмән, инженер
	У И Викимилектә

У И (ҡыт. упр. 吴仪, пиньинь: Wú Yí; 1938 йылда, Хубэй провинцияһының Ухань ҡалаһында тыуған) — Ҡытай Халыҡ Республикаһының сәйәси эшмәкәре. Бығаса Пекин мэры урынбаҫары, һаулыҡ һаҡлау министры, ҠХР-ҙың вице-премьеры һәм башҡа вазифаларҙы биләүсе. Ҡытай Коммунистар фирҡәһе Үҙәк комитетының Сәйәси бюроһында берҙән-бер ҡатын-ҡыҙ ағза.

2004 һәм 2005 йылдарҙа «Forbes» журналы уны донъялағы иң абруйлы икенсе ҡатын-ҡыҙ тип билдәләне (тәүгеһе — АҠШ-тың Дәүләт сәркәтибе Кондолиза Райс)^[1]. 2006 йылда шул уҡ исемлектә У И өсөнсө урынға лайыҡ тип табылды.

Көньяҡ-Көнсығыш Азияла атипик пневмония эпидемияһы ваҡытында У И, һаулыҡ һаҡлау министры итеп тәғәйенләнеп, киң билдәлелек ала. Уның эшмәкәрлеге Көнбайышта ла юғары баһалана.

Шәхси тормошо

Ғаиләһе

У И бер ҡасан да кейәүҙә булмаған. Был хәл йәмғиәттә күп ҡыҙыҡһыныу тыуҙыра. Шәхси һорауҙарға У И ошолай яуап бирә: «Әлбиттә, никахһыҙлыҡ яҡлы түгелмен, әммә тормошта миңә никах насип булмағандыр. Еңел-елпе, уйлар-уйламаҫ мөнәсәбәткә ваҡытым да, теләгем дә юҡ ине, шуға ла тормошома етди рәүештә бер кеше лә инмәне»^[1].

Яратҡан шөғөлдәре

Ҡытай традицион медицинаһын өйрәнә, урыҫ әҙәбиәтен рәхәтләнеп уҡый.

Шәхсиәте

У И күп кенә Ҡытай һәм ғәрби баҫмаларында «Ҡытайҙың тимер ханымы» тип аталған^[1].

Маҡтаулы исемдәре һәм башҡа бүләктәре

Рәсәйҙең Дуҫлыҡ ордены (8 ноябрь (ҡырпағай) 2006 йыл) — РФ менән ҠХР араһындағы дуҫлыҡ һәм хеҙмәттәшлекте нығытыуға тос өлөш индергәне өсөн^[2].

Иҫкәрмәләр

↑ ^1,0 ^1,1 ^1,2 Женщины на руководящих постах, Международное радио Китая (25 февраль 2005). 8 ғинуар 2013 тикшерелгән.
↑ Указ Президента Российской Федерации от 8 ноября 2006 года № 1245 «О награждении государственными наградами Российской Федерации»

Сығанаҡтар

«Ҡытай» айлыҡ журналы — № 5 (31)/Май 2008

[autogenerated1-1] 1,0 ^1,1 ^1,2 Женщины на руководящих постах, Международное радио Китая (25 февраль 2005). 8 ғинуар 2013 тикшерелгән.

[2] Указ Президента Российской Федерации от 8 ноября 2006 года № 1245 «О награждении государственными наградами Российской Федерации»

[1]

[2]