Иҙрисов Фәрит Фәтих улы

Википедия — ирекле энциклопедия мәғлүмәте
(Фарит Идрисов битенән йүнәлтелде)
Перейти к навигации Перейти к поиску
Иҙрисов Фәрит Фәтих улы
Тыуған

12 июнь 1954({{padleft:1954|4|0}}-{{padleft:6|2|0}}-{{padleft:12|2|0}}) (63 йәш)

Тыуған урыны

Ырымбур ҡалаһы

Ил

Рәсәй

Һөнәрҙәре

дирижёр

Жанрҙар

опера, балет

Иҙрисов Фәрит Фәтих улы (12 июнь 1954) — дирижёр, композитор, Башҡортостан Республикаһының халыҡ артисы (1997), Башҡортостан Республикаһының Дәүләт гимны музыкаһы авторы[1].

Биографияһы[үҙгәртергә | вики-тексты үҙгәртергә]

Фәрит Фәтих улы Иҙрисов 1954 йылдың 12 июнендә Ырымбур ҡалаһында тыуған. 1980 йылда П. И. Чайковский исемендәге Мәскәү дәүләт консерваторияһының хәрби-дирижерлыҡ факультетын (Рәсәйҙең атҡаҙанған сәнғәт эшмәкәре В. С. Петров класы) тамамлай. Консерваторияны тамамлағас Ульяновск ҡалаһының юғары хәрби-команда элемтә училищеһына оркестр дирижеры итеп ебәрелә, был вазифала 1985 йылға тиклем эшләй. 1986 йылда ул Өфө юғары хәрби авиация летчиктар училищеһының беренсе профессиональ тынлы оркестрын ойоштора, үҙе 1986—1999 йылдарҙа оркестрҙың етәксеһе һәм баш дирижёры була. 2002 йылда Ҙур театрҙа Рәсәй Федерацияһының халыҡ артисы, профессор М. Эрмлерҙа стажировка үтә. Стажировка үткәндән һуң 2002 йылда Ф. Иҙрисов Башҡорт дәүләт опера һәм балет театры симфоник оркестрына дирижёр итеп эшкә саҡырыла[1]. Бер үк ваҡытта 2004—2010 йылдарҙа Башҡортостан Республикаһының Милли симфоник оркестры дирижеры һәм 2011 йылға тиклем Өфө дәүләт сәнғәт институты уҡытыусыһы булып эшләй.

Ижады[үҙгәртергә | вики-тексты үҙгәртергә]

Фәрит Фәтих улы Иҙрисов «Фауст» (Ш. Гуно), «Бал-маскарад» (Дж. Верди), «Ауыл намыҫы» (П. Масканьи) һәм «Кәмитселәр» (Р. Леонкавалло), «Ҡарһылыу» (Н. Римский-Корсаков), «Урал илселәре» һәм «Аҡмулла» (З. Исмәғилев) һәм башҡа спектаклдәрҙе ҡуйыуҙа ҡатнаша[1] Фәрит Фәтих улының әйтеүенсә, ул Башҡортостан Республикаһының Дәүләт гимны музыкаһын республиканың суверенитетын иғлан итер алдынан, 1993 йылда 11-нән 12 октябрға ҡарай төндә яҙған[2]. Гимн музыкаһы башҡорт халыҡ йыры «Урал» нигеҙендә яҙылған. Бынан тыш, Фәрит Фәтих улы Иҙрисов башҡорт шағирҙары һүҙҙәренә ижад иткән ҡырҡҡа яҡын йыр һәм романс авторы. Башҡорт композиторҙары әҫәрҙәрен, башҡорт халыҡ көйҙәрен тынлы һәм симфоник оркестр өсөн эшкәртә. рус, башҡорт һәм татар композиторҙарының тынлы һәм симфоник оркестр өсөн әҫәрҙәренең аранжировкаларын яҙған.

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 1,2 Фәрит Иҙрисов. bashopera.ru. 21 март 2015 тикшерелгән.
  2. Нина Руцкая Башҡортостан гимны авторҙары бер тин дә гонорар алмаясаҡ  (рус.). mkset.ru (23.09.2008). 21 март 2015 тикшерелгән.

Һылтанмалар[үҙгәртергә | вики-тексты үҙгәртергә]