Ҡаҙаҡбаев Филүз Хәсән улы

Википедия — ирекле энциклопедия мәғлүмәте
Перейти к навигации Перейти к поиску
Ҡаҙаҡбаев Филүз Хәсән улы
Тыуған ваҡыты:

31 июль 1971({{padleft:1971|4|0}}-{{padleft:7|2|0}}-{{padleft:31|2|0}}) (47 йәш)

Тыуған урыны:

БАССР Ейәнсура районы Түбәнге Бикбирҙе ауылы.

Һөнәре:

балет артисы, балетмейстер

Гражданлығы:

Совет Социалистик Республикалар Союзы СССР
Рәсәй Рәсәй

Театр:

Ф.Ғәскәров исемендәге халыҡ бейеүҙәре ансамбле солисы

Наградалары:

Башҡортостан Республикаһының халыҡ артисы (2008)

Ҡаҙаҡбаев Филүз Хәсән улы (31.07. 1971 йыл) — бейеүсе, балетмейстер. Башҡортостан Республикаһының халыҡ (2008) һәм атҡаҙанған (2000) артисы.

Биографияһы[үҙгәртергә | вики-тексты үҙгәртергә]

Ҡаҙаҡбаев Филүз Хәсән улы 1971 йылдың 31 июлендә Башҡортостан Республикаһының Ейәнсура районы Түбәнге Бикбирҙе ауылында тыуған. Ғаиләлә сәнғәткә иғтибар көслө була, атаһы — йыр уҡытыусыһы, гармунда уйнай, йырлай, йыш ҡына төрлө концерттарҙа, смотрҙарҙа ҡатнаша. Филүзде лә үҙе менән йөрөтә. Ауылға һәләтле балалар менән эшләргә Таһир Тайсин тигән уҡытыусыны саҡыртып алалар. Тәүге тапҡыр Филүзде сәхнәгә баҫтырған кеше ул була: уны күмәк бейеүҙәрҙә лә ҡатнаштыра, яңғыҙ бейеү ҙә ҡуя — "Перовский"ҙы. Бынан һуң инде Филүз бары тик сәхнә, Ғәскәров ансамбле тураһында хыяллана. 1990 йылда балет артисы һөнәре буйынса Башҡорт хореография училищеһын (педагогы М.Ә.Кәримов), 2010 йылда - Силәбе дәүләт мәҙәниәт һәм сәнғәт академияһын (педагогы Е.С.Понькина) «ижтимағи -мәҙәни эшмәкәрлек менеджеры» квалификацияһы алып тамамлай. 1990-1992 йылдарҙа армияла хеҙмәт итә. 1992 йылдан 2011 йылға тиклем Ф.Ғәскәров исемендәге дәүләт академия халыҡ бейеүҙәре ансамбле солисы, 2011-2012 йылдарҙа - Х. Әхмәтов исемендәге Башҡорт дәүләт филармонияһының постановка бүлеге мөдире булып эшләй. 2013 йылдан башлап Филүз Хәсән улы - Ф.Ғәскәров исемендәге дәүләт академия халыҡ бейеүҙәре ансамбленең художество етәксеһе һәм директоры. Лирик һәм гротесклы бейеүҙәрҙе башҡарыусы Ҡаҙаҡбаев Филүз Хәсән улы сәнғәтенә музыкаллек, аныҡ һәм нескә техника хас. Бейеүсе актерлыҡ һәләтенә, тәбиғи оҫталыҡҡа эйә. «Бесәнселәр», «Гөлнәзирә», «Кейәү егете», «Уйна, гармун», «Өс таған», «Шаян ҡыҙҙар», «Яҙғы ташҡын» һәм башҡа бейеүҙәрҙә яңғыҙ партиялар башҡара. Кремль һарайы сәхнәһендә, П.И.Чайковский исемендәге, «Рәсәй» (бөтәһе лә-Мәскәү), «Октябрьский» (С-Петербург) һәм башҡа концерт залдарында сығыш яһай. Мәскәүҙә Башҡортостан Республикаһы көндәрендә (1997), Санкт-Петербургта Башҡортостан Республикаһы мәҙәниәте көндәрендә (2001), Төркиәлә Башҡортостан Республикаһы көндәрендә (Истанбул ҡалаһы, 2006), «рус ҡышы» («Русская зима») фестивалендә (Лондон, 2006) һ.б. ҡатнаша. Рәсәй буйлап һәм донъяның 20 илендә гастролдәрҙә була. Башҡортостан Республикаһы Өфө ҡалаһы ҡала округы хакимиәте башлығы ҡарамағындағы мәҙәниәт буйынса йәмәғәт советы ағзаһы.

Ғаиләһе[үҙгәртергә | вики-тексты үҙгәртергә]

Тормош юлдашы — билдәле шәхес, Башҡортостандың халыҡ артисы Сара Буранбаева менән бер ул тәрбиәләйҙәр.

Маҡтаулы исемдәре[үҙгәртергә | вики-тексты үҙгәртергә]

  • Башҡортостан Республикаһының халыҡ артисы (2008)
  • Башҡортостан Республикаһының атҡаҙанған артисы (2000)

Һылтанмалар[үҙгәртергә | вики-тексты үҙгәртергә]

http://kulturarb.ru/news/?ELEMENT_ID=26320 http://www.gorod-ufa.com/ufa/36711-Naznachen-novyiy-hudozhestvennyiy-rukovoditel-ansamblya-narodnogo-tanca-imeni-Faiyzi-Gaskarova.html