Вилданов Әхәт Ханнан улы

Әхәт Вилданов
Вилданов Әхәт Ханнан улы
Тыуған көнө:	1 сентябрь 1944({{padleft:1944|4|0}}-{{padleft:9|2|0}}-{{padleft:1|2|0}}) (79 йәш)
Тыуған урыны:	Ишембай районы Кәбәс ауылы
Гражданлығы:	СССР Рәсәй Федерацияһы
Премиялары:	М. Аҡмулла исемендәге премия лауреаты (1990) Башҡортостандың мәғариф отличнигы (2006) Башҡортостандың атҡаҙанған мәҙәниәт хеҙмәткәре (2007)

Вилданов Әхәт Ханнан улы (1944 йылдың 1 авгусы, БАССР-ҙың Маҡар районы Кәбәс ҡасабаһы, хәҙер Башҡортостан Республикаһының Ишембай районы Кәбәс ауылы) — әҙәбиәт белгесе, Башҡортостан Республикаһы Яҙыусылар союзы ағзаһы, филология фәндәре кандидаты.

Тормошо

• Вилданов Әхәт Ханнан улы 1944 йылдың 1 авгусында БАССР-ҙың Маҡар районы Кәбәс ҡасабаһында (хәҙер Башҡортостан Республикаһы Ишембай районы Кәбәс ауылы) тыуған.
• 1970 йылда Башҡорт дәүләт университетының филология факультетын тамамлай.
• 1974 йылдан алып Тарих, тел һәм әҙәбиәт институтында эшләй.
• 1982 йылдан алып Башҡорт дәүләт педагогия университетында уҡыта: 1984-1990 йылдарҙа әҙерлек факультеты деканы, 1993-2004 йылдарҙа башҡорт әҙәбиәте һәм мәҙәниәте кафедраһы мөдире, бер үк ваҡытта 1995-1996 йылдарҙа башҡорт филологияһы факультеты деканы.

Ғилми эшмәкәрлеге

Вилданов Әхәт Ханнан улының фәнни тикшеренеүҙәре башҡорт әҙәбиәте тарихына арналған. Мифтахетдин Аҡмулла, Ибраһим Абдуллин, Әнүр Вахитов, Рәшит Солтангәрәев һ.б. ижады тураһында тәнҡит мәҡәләләре авторы. 6 томлы "Башҡорт әҙәбиәте тарихы" (1990-1996) баҫмаһы авторҙарының береһе, 60-тан ашыу фәнни хеҙмәт авторы.

Маҡтаулы исемдәре

• Мифтахетдин Аҡмулла исемендәге премия лауреаты (1990).
• Башҡортостан Республикаһының мәғариф отличнигы (2006);
• Башҡортостан Республикаһының атҡаҙанған мәҙәниәт хеҙмәткәре (2007);
• Рәсәй Федерацияһының почетлы юғары һөнәри белем биреү хеҙмәткәре (2009);

Хеҙмәттәре

• Аҡмулла -яҡтылыҡ йырсыһы. Өфө, 1981.
• Башкирские просветители-демократы XIX века. М., 1981(авторҙаш) .

Сығанаҡтар

• Шаһиев Ф. Аҡмулланың хаҡ юлынан - "Башҡортостан" гәзите, 2014 й., 13 сентябрь.