Рамаҙан
Рамаҙан (ғәр. رمضان) йәки рамаза́н (төр. Ramazan) — һижри тәҡүим буйынса йылдың 9-сы айы. Шулай уҡ Рамаҙан — ураҙа айы. Рамаҙан айында ураҙа тотоу һижри йыл хисабы башланғандан һуң 17—18 ай үткәс, йәғни миләди 624 йылда индерелә.
Йөкмәткеһе |
Рамаҙан айында мосолмандарҙың бурыстары [үҙгәртергә]
Ислам ҡанундары буйынса, бәлиғ булған һәр мосолманға Рамаҙан айында ураҙа тотоу фарыз. Ураҙа таң беленә башлағандан алып ҡояш байығанға тиклем ашау-эсеүҙән тыйылып тороуҙан ғибәрәт. Белә-күрә әҙ генә булһа ла ризыҡ йотоу ураҙаны боҙа. Ундай осраҡта ураҙаны боҙған кешегә ҡаза һәм ҡәффәрәт тейеш. Ҡаза ул — көнөнә көн, ә ҡәффәрәт — бер көн ҡалған ураҙа өсөн 60 көн ураҙа тотоу. Әгәр уның ҡәффәрәткә көсө етмәһә, ул алтмыш фәҡирҙе бер көн, йәки бер фәҡирҙе алтмыш көн туйғансы ашатырға тейеш. Ауыҙ асҡанда яңылыш һыу йотолоп, ураҙа боҙолһа, ҡояш байығандыр тип уйлап ауыҙ асһаң, йәки ураҙа көслөк менән боҙолһа, ҡәффәрәт тейеш түгел. Изге Рамазан айының 26-сы көнөнән 27-һенә ҡарай төндә үтә торған байрам — Ҡәҙер кисе тип атала.
Рамаҙан айы [үҙгәртергә]
Күңелдәргә шатлыҡ бирә
Изге Рамаҙан,
Оноттора бар ҡайғыны
И изге аҙан.
Нурҙан ғына тора кеүек -
Донъялар яҡты,
Уйлана белгән кешенең
Иманы артты.
(Гүзәл Ситдиҡова)
Әҙәбиәт [үҙгәртергә]
- Ситдиҡова Гүзәл. Күсле ил - көслө ил. - Өфө, "Китап", 2007, 448 бит.
Ҡарағыҙ [үҙгәртергә]
| Мосолман календары һәм байрамдар | ||
|---|---|---|
| Ислам айҙары | Мөхәррәм • Сәфәр • Рабиғел әүүәл • Рабиғел ахыр • Йомадиәл әүүәл • Йомадиәл ахыр • Рәжәб • Шәғбан • Рамаҙан • Шәүүәл • Зөлҡағиҙә • Зөлхизә |  |
| Мосолман байрамдары | Ураҙа-байрамы (Ураҙа ғәйете) • Ҡорбан байрамы (Ҡорбан ғәйете) | |
| Изге көндәр һәм кистәр | Һижриәт көнө • Ғәшүрә • Мәүлид байрамы • Миһраж кисе • Бәрәәт кисәһе • Фәтех Мәккә көнө • Ҡәҙер кисе • Ғәрәфә көнө • Тәшриҡ көндәре• Ислам динен ҡабул итеү көнө • Рәғәиб кисәһе | |
