Аллаһ

Ғәрәп каллиграфияһында яҙылған Аллаһ һүҙе. XVII быуат Төрөк рәссамы Хәфиз Усман ҡулы

Аллаһ (ғәр. الله‎, Ҡалып:IPA-ar) — исламда юғары илаһи зат.

Ҡөръәндә Алла бер һәм берҙән-бер илаһи көс, донъяны яратыусы һәм ахыры заманда хөкөм итеүсе тип әйтелә. Мөхәммәт иһә ер йөҙөндә уның һуңғы пәйғәмбәре (нәби) һәм илсеһе (рәсүл).

Аллаһ донъяны, мәхлиҡәтте (йән эйәләрен), тәбиғәтте, бәндәләрҙе яратыусы.

Алла ер йөҙөндәге бәндәләрҙе бергә йыйып, үлеләрҙе терелтеп хөкөм итер, йә тамуҡта-йәһәннәмдә, йә иһә ожмах-йәннәткә юллар. Кешеләргә Аллаһ үҙенең барлығын ғүмәлдәре менән күрһәтә һәм белдерә. Донъялағы һәр бер әйбер — Аллаһ мөғжизәһе.

Ҡөръән дә — Аллаһ мөғжизәләренең береһе. Аллаһ тураһындағы тәғлимәт — Ислам диненең аҫылы. Аллаһтың берҙән-берлеге тураһындағы өйрәтмә (тәүхит) Исламдың төп ҡануны.

Был биттең сығанағы: [1]