Азия хоккей лигаһы

Википедия — ирекле энциклопедия мәғлүмәте
Перейти к навигации Перейти к поиску
Азия хоккей лигаһы
АХЛ 2015/2016 йылдар миҙгелендә
Asia League Ice Hockey (logo).png
Шайбалы хоккей
Нигеҙләнгән:

2004 йыл

Илдәр:

Рәсәй флагы Рәсәй
Корея Республикаһы флагы Көньяҡ Корея
Ҡытай Халыҡ Республикаһы флагы Ҡытай
Япония флагы Япония

Регион:

Азия

Ваҡыт:

һәр йыл

Командалар һаны:

9

Ғәмәлдәге еңеүсе:

Тохоку Фри Блэйдс (Хатинохе)

Титулдарҙың иң ҙур һаны:

Ниппон Пэйпер Крэйнс (Кусиро)

Рәсми сайт:

http://www.alhockey.com/

Азия хоккей лигаһы (АХЛ) — Рәсәй, Көньяҡ Корея, Ҡытай һәм Япониянан туғыҙ команда ҡатнашҡан хоккей чемпионатын ойошторған берләшмә. Лиганың штаб-квартираһы Японияла урынлашҡан. Һәр йыл плей-офф бөткәс, еңеүсе махсус трофей менән бүләкләнә[1].

Лига 2003 йылда Японияла хоккейға ҡарата ҡыҙыҡһыныу юғала барыуы[2] һәм Кореяла хоккей лига төҙөү сәбәпле ойошторола[3]. Уның маҡсаты — хоккейҙы һәм уйынсыларҙың сифаттарын үҫтереү[4]. Лига иң тәүҙә ике илдәге биш команданан тора. Ул дүрт илгә (2004-05 миҙгел) һәм туғыҙ командаға тиклем ҙурая (2005-06) һәм 2013-14 йылдар миҙгелендә өс илдән һигеҙ команданан тора.

Тарихы[үҙгәртергә | вики-тексты үҙгәртергә]

2003—2004[үҙгәртергә | вики-тексты үҙгәртергә]

Лига 2003 йылда Корея хоккей лигаһы тарҡалғас һәм Япония лигаһы эшен туҡтатҡас барлыҡҡа килә. Лиганың төп маҡсаты — Азияла хоккейҙы популләштереү, ошо регионда спорт төрөнөң һәм уйынсыларҙың кимәлен үҫтереү һәм Азия илдәренең йыйылма командаларын көслөрәк итеү[4]. Тәүге миҙгелдә 5 команда ҡатнаша: дүртәү Япониянан һәм берәү Көньяҡ Кореянан. Командалар бер-береһе менән дүртешәр уйын үткәрә һәм даими миҙгел аҙағында чемпионды билдәләйҙәр. Плей-офф уйындары үткәрелмәй. Тәүге миҙгелдең чемпионы исемен «Ниппон Пэйпер Крэйнс» командаһы 39 мәрәй йыйып яулай. Джоэль Прик «Сэйбу Принс Рэббитс» командаһынан 33 (8+25) мәрәй йыйып, иң күп һөҙөмтәле пас биргән һәм иң күп мәрәй йыйған исемғә лайыҡ була. «Ниппон Пэйпер Крэйнс» командаһынан Райан Харуо Кувабара 15 гол керетеп турнирҙың иң мәргән уйынсы исемен яулай[5].

2004—2005[үҙгәртергә | вики-тексты үҙгәртергә]

2004/05 миҙгеле Лига өсөн тәүге тулы миҙгел була, ҡайһылар был чемпионатты тәүге, тип һанай[6]. Миҙгел башланыр алдынан Милли хоккей лишаһы Ҡытайҙа хоккейҙы үҫтереү спорт программаһына ҡыҙыҡһыныуын күрһәтә[7]. Үткән миҙгелдә ҡатнашҡан 5 командаға Хабаровсктан «Голден Амур», Харбиндан «Чанчунь Фуао» һәм Цицикарҙан «Хоса» командалары өҫтәлә. Чемпион титулы исемен «Кокудо» хоккей клубы яулай: ул тәүге миҙгел чемпионы «Ниппон Пэйпер Крэйнс» командаһын финалда 3:1 серия иҫәбе менән еңә[8].

2005—2006[үҙгәртергә | вики-тексты үҙгәртергә]

2005/06 миҙгел башланыр алдынан Лига составынан финанс яҡтан ҡыйынлыҡтар булыуы сәбәпле «Голден Амур» сыға. Ә, киреһенсә, чемпионатҡа «Нордик Викингс» һәм «Кангвон Лэнд» командалары ҡушылалар. «Анъян Халла Виниа» командаһы исемен «Анян Халла» тип үҙгәртә. Чемпионаттың финалында үткән миҙгелдең финалистары осраша, һәм шул уҡ «Кокудо» икенсегә чемпион була[9].

2006—2007[үҙгәртергә | вики-тексты үҙгәртергә]

«Нордик Викингс» был миҙгелдә финанс ҡыйынлыҡтары булғанға күрә ҡатнашмай[10]. «Харбин» Пекинға күсә һәм «Хоса» тигәнгә исемен алмаштыра. «Цицикар» үҙенә яңы бағыусыларҙы таба һәм «Чанчунь Фуао» тип исемен үҙгәртә. «Кокудо» хоккей клубы ла исемен үҙгәртә: шул ваҡыттан башлап ул «Сэйбу Принс Рэббитс» тип атала. «Ниппон Пэйпер Крэйнс» финалда «Сэйбу Принс Рэббитс» командаһын дүрт уйында еңеп, чемпион титулын яулай[11].

2007—2008[үҙгәртергә | вики-тексты үҙгәртергә]

«Хоса» һәм «Чанчунь Фуао» командалары «Чайна Шаркс» исемле хоккей клубына берләшәләр[12][13]. «Кангвон Лэнд» исемен «Хай1» тигәнгә алмаштыра[14]. Был миҙгелдә ете команда ҡатнаша һәм һәр бер команда 30 уйын үткәрә. Чемпионаттың финалында «Одзи Пэйпер» ""

Командалар[үҙгәртергә | вики-тексты үҙгәртергә]

2015/2016 миҙгел командалары[үҙгәртергә | вики-тексты үҙгәртергә]

Команда Ҡала Ил Нигеҙләнеү йылы Иҫкәрмәләр
Тохоку Фри Блэйдс Хатинохе Япония 2008
Чайна Дрэгон Шанхай Ҡытай 2007 2007 йылда Hosa һәм Changchun Fuao ҡушылыуы менән барлыҡҡа килә
Никко Айс Бакс Никко Япония 2003 Никко Кобе Айс Бакс (2005-07) кеүек билдәле була
Ниппон Пэйпер Крэйнс Кусиро Япония 2003
Оджи Иглс Томакомай Япония 2003
Анян Халла Анян Көньяҡ Корея 2003 Анъян Халла Виниа (2003-05) кеүек билдәле була
Хай1 Чхунчхон Көньяҡ Корея 2005 Кангвон Лэнд (2005-07) кеүек билдәле була
Деймунг Сангму Сеул Көньяҡ Корея 2013
Сахалин Южно-Сахалинск Рәсәй 2014

Элек ҡатнашҡандар[үҙгәртергә | вики-тексты үҙгәртергә]

Команда Ҡала Ил Ҡатнашыу йылдары Иҫкәрмәләр
Сэйбу Принс Рэббитс Ниси-Токио Япония 2003-08 ХК Кокудо (2003-06) кеүек билдәле була
Голден Амур Хабаровск Рәсәй 2004-05 Бер миҙгелдә ҡатнаша
Нордик Викингс Пекин Ҡытай 2004-05 Бер миҙгелдә ҡатнаша
Чанчунь Фуао Чанчунь Ҡытай 2004-06 Хоса командаһы менән бергә Чайна Шаркс составына керә
Первоначально выступал за Цицикар
Хоса Пекин Китай 2004-06 Чанчунь Фуао командаһы менән бергә Чайна Шаркс составына керә
Тәүҙе Харбин өсөн сығыш яһай

Шулай уҡ ҡарағыҙ[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. Nippon Paper Cranes defeats SEIBU and becomes the Asian Champion!!. Alhockey.com. Asia League Ice Hockey (30 March 2007). 10 декабрь 2009 тикшерелгән.
  2. Ritomo Tsunashima Far East baseball league would attract fans. Herald Asahi (10 August 2004). 9 декабрь 2009 тикшерелгән.
  3. Team History. Anyanghalla.com. 19 сентябрь 2010 тикшерелгән.
  4. 4,0 4,1 The league we will build. Alhockey.com. Asia League Ice Hockey. Тәүге сығанаҡтан архивланған 24 ғинуар 2008. 21 февраль 2010 тикшерелгән.
  5. 2003–2004 Point Ranking. Alhockey.com. Asia League Ice Hockey. 9 декабрь 2009 тикшерелгән.
  6. Elaine Kurtenbach Asia League ice hockey to start in Japan, China. The America's Intelligence Wire (26 August 2004). 9 декабрь 2009 тикшерелгән.
  7. Asian pro hockey league planned; NHL coming to China. Europe Intelligence Wire (10 March 2004). 9 декабрь 2009 тикшерелгән.
  8. 2004–2005 Playoff Standings. Alhockey.com. Asia League Ice Hockey. 9 декабрь 2009 тикшерелгән.
  9. 2005–2006 Playoff Standings. Alhockey.com. Asia League Ice Hockey. 9 декабрь 2009 тикшерелгән.
  10. Petter Brunnberg Svensk hockey ska öppna dörrar i Kina. Realtid.se (27 April 2006). 9 декабрь 2009 тикшерелгән.
  11. 2006–2007 Playoff Standings. Alhockey.com. Asia League Ice Hockey. 9 декабрь 2009 тикшерелгән.
  12. China Sharks. Alhockey.com. Asia League Ice Hockey. Тәүге сығанаҡтан архивланған 2 декабрь 2007. 9 декабрь 2009 тикшерелгән.
  13. Bill Meltzer San Jose strengthens ties to China Sharks. NHL.com (20 August 2008). Тәүге сығанаҡтан архивланған 10 ғинуар 2010. 9 декабрь 2009 тикшерелгән.
  14. High1. Alhockey.com. Asia League Ice Hockey. Тәүге сығанаҡтан архивланған 2 декабрь 2007. 9 декабрь 2009 тикшерелгән.