Арлан нефть ятҡылығы
| Арлан нефть ятҡылығы | |
|---|---|
 | |
| 55°56′37″ с. ш. 54°07′29″ в. д.HGЯO | |
| Страна | |
| РФ субъекты | Башҡортостан |
| Недропользователь | Башнефть |
| Тарихы | |
| Асылған йылы | 1955 йыл |
Арлан нефть ятҡылығы — Волга-Урал нефть-газ сығарыу провинцияһы сиктәрендә Башҡортостандың төньяҡ-көнбайышында урынлашҡан, нефть запасы буйынса иң ҙур сығанаҡ.
Республиканың Краснокама, Ҡалтасы, Дүртөйлө һәм Илеш райондары һәм өлөшләтә Удмурт Республикаһы территорияһында урынлашҡан. Үҙ эсенә Арлан, Яңы Хажи, Николо-Березовка һәм Вятск майҙандарын ала.
1955 йылдың 25 ноябрендә ноябрендә асыла, 1958 йылда эшкәртелә башлай. 2010 йылға ятҡылыҡтан 500 млн тонна нефть сығарыла, 9,8 мең скважина быраулана. Иң беренсе скважина булып мастер Сәхәпов етәкселегендә Әшит ауылынан йыраҡ булмаған (Нефтекама ҡалаһынан 15 км) 3-сө скважина һанала.
Геология
[үҙгәртергә | сығанаҡты үҙгәртеү]Оҙонлоғо — 100, киңлеге 25 километрға тиклем етә. Төп запастары (башланғыс запастарҙың 75 проценты) түбәнге карбондың терригон ҡомло ҡатламында, 1400—1450 метр тәрәнләгендә тупланған.
Башланғыс нефть запастары 1,2 млрд тонна тип баһалана.
Эшкәртеү технологияһы
[үҙгәртергә | сығанаҡты үҙгәртеү]Арлан нефть ятҡылығында Рәсәйҙә беренсе тапҡыр йәбешкәк нефтте ҡатламдарҙан алыу өсөн һыу ебәреү ҡулланыла башлай. Нефть сығарыусы скважиналарҙың эше механизацияланған. Барлығы яҡынса 8 мең скважина бар. Сығарылған нефттең 93 процентын һыу алып тора. Ятҡылыҡтан йылына 12 млн тонна нефть сығарылған ваҡыттар ҙа була.
Нефттең характеристикаһы
[үҙгәртергә | сығанаҡты үҙгәртеү]Тығыҙ (840—894 кг/м3), йәбешкәк (30 мПа×с), көкөрт күләме ҙур (3 процентҡа тиклем), түбән газлы (1 тонна нефткә 18 м3 газ тура килә).
«Арланнефть», «Саҡмағошнефть» Нефть-газ сығарыу идаралыҡтары, «Башнефть-Добыча» яуаплылығы сикләнгән ширҡәте, «Белкамнефть» 1-се Нефть-газ сығарыу идаралығы асыҡ акционерҙар йәмғиәте тарафынан ҡулланыла.
Иҫкәрмәләр
[үҙгәртергә | сығанаҡты үҙгәртеү]Әҙәбиәт
[үҙгәртергә | сығанаҡты үҙгәртеү]- Газпром нефтехим Салават. Энциклопедия. Уфа. изд. Башкирская энциклопедия, 2013.
- Геологическое строение и разработка Арланского нефтяного месторождения. Уфа. 1997.
Һылтанмалар
[үҙгәртергә | сығанаҡты үҙгәртеү]- Баймөхәмәтов К. С. Арлан нефть ятҡылығы // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.