Аҙнабаев Булат Марат улы

Тышҡы һүрәттәр
	Булат Аҙнабаев

	Аҙнабаев Булат Марат улы
Тыуған көнө	8 ноябрь 1964 (59 йәш)
Тыуған урыны	Өфө, СССР
Ил	СССР → Рәсәй Федерацияһы
Ғилми даирәһе	офтальмология
Эшләгән урыны	«Күҙ микрохирургияһы»; «Оптимедсервис»; БДМУ
Альма-матер	БДМИ
Ғилми дәрәжәһе	медицина фәндәре докторы
Ғилми исеме	профессор
	Шаблон: просмотр • обсуждение • править

Википедияла Аҙнабаев фамилиялы башҡа кешеләр тураһында мәҡәләләр бар.

Аҙнабаев Булат Марат улы (8 ноябрь 1964, Өфө, БАССР, СССР) — совет һәм Рәсәй күҙ табибы. Медицина фәндәре докторы (2001), профессор (2004).

Биографияһы

Булат Марат улы Аҙнабаев 1964 йылдың 8 ноябрендә Өфөлә тыуған. Атаһы — Аҙнабаев Марат Тәлғәт улы.

1987 йылда Башҡорт дәүләт медицина институтын тамамлай. Хеҙмәт юлы:

Мәскәү ҡалаһындағы «Күҙ микрохирургияһы» тармаҡ-ара фәнни-техник комплексында эшләй.
1993 йылдан — «Оптимедсервис» ЯАЙ‑ның генераль директоры (Өфө)
1996 йылдан — БДМУ‑ла уҡытыусы
1998 йылдан башлап дипломдан һуң белем биреү институты курсы һәм офтальмология кафедраһы мөдире

2000 йылда Аҙнабаев Гельмгольц исемендәге Мәскәү күҙ ауырыуҙары ҒТИ-нда «Глаукома менән катарактаның микроэндоскопия хирургияһы» темаһы буйынса докторлыҡ диссертацияһын яҡлай. 2004 йылда профессор исеме бирелә.

Ғилми эшмәкәрлеге

Булат Марат улы Аҙнабаевтың ғилми эшмәкәрлеген күрәшлекте хирургик юлы менән коррекциялауға, глаукома һәм катарактаның ультратауыш һәм лазер хирургияһы, күҙҙең микроэндоскопик лазер хирургияһы мәсьәләренә бағышлай. Ул офтальмохирургияла юғары технологиялы энергетик алымдар эшләү һәм ҡулланыу буйынса ғилми мәктәпте нигеҙләй. Аҙнабаев катарактаны бөтөрөүҙең яңы ысулдарын уйлап таба һәм дауалауҙа ҡулланыуға индерә,артҡы камераға кире интраокуляр линза, күҙҙең энергетик хирургияһы өсөн медицина ҡорамалдары уйлап табыуҙа ҡатнаша.

РБ һаулыҡ һаҡлау министрлығының офтальмологияһы буйынса Сертификация комиссияһы рәйесе, РФ һаулыҡ һаҡлау министрлығы эксперт кәңәшмәһенең ағзаһы.

10-дан артыҡ кандидатлыҡ һәм докторлыҡ диссертацияларының ғилми етәксеһе һәм консультанты. Уның етәкселегендә Бөтә Рәсәй офтальмология конференциялары уҙғарыла, ординаторҙар һәм өҫтәмә профессиональ белем институты тыңлаусылары өсөн ғилми-практика семинарҙары һәм конференциялар ойошторола.

Аҙнабаев — офтальмология буйынса 195 фәнни хеҙмәт һәм 26 уйлап табыу авторы, шул иҫәптән 9 монография авторы.

Ғилми хеҙмәттәре

Ультразвуковая хирургия катаракты — факоэмульсификация. Мәскәү, 2005^[1]
Лазерная сканирующая томография глаза: передний и задний сегмент. Мәскәү, 2008 (авторҙаш)^[2]
Флегмоны и другие воспалительные заболевания орбиты. Мәскәү, 2010 (авторҙаш)^[3]

Һылтанмалар

Иҫкәрмәләр

[1] Ультразвуковая хирургия катаракты — факоэмульсификация

[2] Лазерная сканирующая томография глаза: передний и задний сегмент

[3] Флегмоны и другие воспалительные заболевания орбиты

[1]

[2]

[3]