Башҡортостан комсомолы (энциклопедия)
| Башҡортостан комсомолы (энциклопедия) | |
| Башкирский комсомол: энциклопедия | |
.jpg) | |
| Автор |
авторҙар коллективы |
|---|---|
| Жанр | |
| Төп нөхсә теле | |
| Нәшер итеүсе | |
| Сығарылыш |
2016 |
| Биттәр |
608 |
| Носитель |
ҡағыҙ |
| ISBN |
978-5-88185-291-7 |
Башҡортостан комсомолы — «Башҡорт энциклопедияһы» ғилми-нәшриәт комплексы сығарған фәнни-белешмә баҫма[1]. Был Рәсәйҙә комсомол тарихына бағышланған беренсе региональ тематик баҫма. Энциклопедияға Башҡортостан комсомолы үҫеше тарихы, ҡала һәм район ойошмалары тураһында һәм комсомол лидерҙары тураһында монографик мәҡәләләр тупланған. Ҡушымтала биографиялар, хәтирәләр, комсомол йырҙары, наградалар, мисәттәр, плакаттар бирелә[2].
Тарихы
[үҙгәртергә | сығанаҡты үҙгәртеү]2014 йылдың 24 октябрендә Башҡортостан комсомол ветерандары, Башҡортостан йәштәр һәм спорт министырлығы вәкилдәре, тәбиғәт менән файҙаланыу һәм экология министырлығы вәкилдәре ҡатнашлығында «Башҡорт энциклопедияһы» ғилми-нәшриәт комплексы ултырышы үтә.
Ғилми-нәшриәт комплексының генераль директоры Уилдан Ғилман улы Сәитов комсомолдың 95 йыллығы алдынан энциклопедик баҫманың актуаллеге һәм әһәмиәте тураһында бәйән итте һәм ултырышта ҡатнашыусыларҙы баҫманың концепцияһы, төҙөлөшө, мәҡәләләр һайлап алыу талаптары менән таныштырҙы[3]..
Комсомол тарихы — Рәсәй һәм Советтар Союзы тарихы менән бәйләнгән. Комсомол иҫке төҙөлөш менән көрөш, революция һәм утлы Граждандар һуғышы йылдарында барлыҡҡа килә. Энциклопедияла республиканың үҫеше һәм комсомол ойошмаларының тарихта өлөшө бирелә.
Энциклопедияла беренсе комсомол ойошмаларының барлыҡҡа килеүе, индустриализация һәм коллективизация осоронда, Бөйөк Ватан һуғышы, халыҡ хужалығын тергеҙеү йылдарында комсомол ойошмалары эшмәкәрлеге тарихы 20 быуат башынан 1990 йылдарға тиклем бәйән ителә. Комсомолецтарҙың йәмәғәт тормошонда һәм уларҙың удар комсомол төҙөлөштәрендә һәм студент отрядтарында актив ҡатнашыуына иғтибар бирелә.
Биографик мәҡәләләрҙә беренсе секретарҙар, бүлек мөдирҙәре, ВЛКСМ Өлкә комитеты инструкторҙары, ҡала һәм район ойошмалары етәкселәре тураһында мәғлүмәт бирелә. Комсомолда эшләгән етәкселәр хәҙер республика йәштәр, балалар, үҫмерҙәр баҫмаларында, радио һәм телевидениела, эре предприятиеларҙа етәкселәр булып, район һәм ҡалаларҙа хакимиәт башлыҡтары булып эшләй.
Редакцион коллегия
[үҙгәртергә | сығанаҡты үҙгәртеү]Баш мөхәррире У. Ғ. Сәйетов. Директоры урынбаҫары К. И. Аглиуллин.
М. Т. Әбдеев, Т. Г. Әйүпов, У. Н. Бакиров һәм башҡалар.
Иҫкәрмә
[үҙгәртергә | сығанаҡты үҙгәртеү]- ↑ Башкирский комсомол: энциклопедия. Мир энциклопедий (19 декабрь 2016).
- ↑ Ермоленко Н. В Уфе издана энциклопедия «Башкирский комсомол». Информационное агентство «Башинформ» (14 декабрь 2014).
- ↑ Государственное автономное учреждение науки Республики Башкортостан «Башкирская энциклопедия»(недоступная ссылка)
 | Имеется версия статьи на русском языке: Проект:Двуязычность/ Башкирский комсомол (энциклопедия). |