Беглов Василий Алексеевич

Василий Алексеевич Беглов
Тыуған көнө:	30 май 1958({{padleft:1958|4|0}}-{{padleft:5|2|0}}-{{padleft:30|2|0}})
Тыуған урыны:	Башҡорт АССР-ы Көйөргәҙе районы Филипповка ауылы
Вафат булыу көнө:	9 июль 2011({{padleft:2011|4|0}}-{{padleft:7|2|0}}-{{padleft:9|2|0}}) (53 йәш)
Вафат булған урыны:	Башҡортостан Республикаһы Стәрлетамаҡ ҡалаһы
Гражданлығы:
Ғилми өлкәһе:	филология
Ғилми дәрәжәһе:	Филология фәндәре докторы
Уҡыу йорто:	Стәрлетамаҡ дәүләт педагогия институты

Беглов Василий Алексеевич (30 май 1958 йыл — 9 июль 2011 йыл) — ғалим-әҙәбиәт белгесе, юғары мәктәп уҡытыусыһы. Филология фәндәре докторы (2007). Рәсәй Федерацияһының почётлы юғары профессиональ белем биреү хеҙмәткәре (2005).

Биографияһы

Василий Алексеевич Беглов 1958 йылдың 30 майында Башҡорт АССР-ы Көйөргәҙе районы Филипповка ауылында тыуған.

1979 йылда Стәрлетамаҡ дәүләт педагогия институтын тамамлай.

1981 йылда Арҡалыҡ педагогия институтында эшләй.

1982 йылдан алып Стәрлетамаҡ дәүләт педагогия институтында эшләй: 1988 йылдан башлап әҙәбиәт, 1993—2003 йылдарҙа рус һәм сит ил әҙәбиәте кафедраһы мөдире, 2000 йылдан башлап уҡыу-уҡытыу эштәре буйынса проректор.

2011 йылдың 9 июлендә Стәрлетамаҡ ҡалаһында вафат була.

Ғилми эшмәкәрлеге

Беглов Василий Алексеевичтың фәнни тикшеренеүҙәре XIX—XX быуаттарҙағы рус әҙәбиәте жанрҙары, төрлө заман һәм авторҙар художестволы системаларының үҙ-ара йоғонтоһо проблемаларына арналған. 70-тән ашыу фәнни хеҙмәт авторы.

Маҡтаулы исемдәре

• Рәсәй Федерацияһының почетлы юғары һөнәри белем биреү хеҙмәткәре (2005).

Хеҙмәттәре

• Эпопея в русской литературе. — М., 2005;
• Вокруг характера. — Стерлитамак, 2008.

Һылтанмалар

• Беглов Василий Алексеевич // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.