Бикҡолов Шакир Сәлим улы

Шакир Бикҡолов
	Шакир Бикҡолов
Исеме:	Бикҡолов Шакир Сәлим улы
Тыуған көнө:	15 ғинуар 1932
Тыуған урыны:	Башҡорт АССР-ы Әбйәлил районы Хәлил ауылы
Вафат булған көнө:	18 май 1983 (51 йәш)
Вафат булған урыны:	Өфө ҡалаһы
Гражданлығы:	СССР →; Рәсәй Федерацияһы
Эшмәкәрлеге:	шағир
Жанр:	Шиғриәт
Әҫәрҙәре яҙылған тел:	Башҡорт

Википедияла Бикҡолов фамилиялы башҡа кешеләр тураһында мәҡәләләр бар.

Бикҡолов Шакир Сәлим улы (15 ғинуар 1932 йыл — 18 май 1983 йыл) — шағир. 1968 йылдан СССР Яҙыусылар союзы ағзаһы.

Биографияһы

Шакир Сәлим улы Биҡҡолов 1932 йылдың 15 ғинуарында БАССР‑ҙың Әбйәлил районы Хәлил ауылында тыуған.

К. А. Тимирязев исемендәге Башҡорт педагогия институтын (1955), М. Горький исемендәге Әҙәбиәт институты ҡарамағындағы Юғары әҙәби курстарҙы (Мәскәү, 1975) тамамлаған. 1957 йыл Шишмә районының Түбәнге Хәжәт мәктәбе директоры, 1958—73 йылдарҙа Башҡортостан китап нәшриәтенең өлкән мөхәррире, 1975 йылдан алып БАССР‑ҙың ТВ һәм радиотапшырыуҙар буйынса дәүләт комитеты мөхәррире. Уның шиғырҙарында тыуған ергә, йәштәрҙең патриотлығына дан йырлана. Балалар өсөн «Ҡыҙыл ҡар яуғас» (1974) шиғырҙар йыйынтығы авторы. С. Я. Маршак, С. В. Михалков, К. И. Чуковский һ. б. әҫәрҙәрен башҡорт теленә тәржемә итә.

Хәтер

Уның тыуған ауылында мәктәп бинаһына мемориаль таҡтаташ ҡуйылған, урамға уның исеме бирелгән.

Китаптары

«Әсә күңеле» (1960)
«Ерем яҡтыһы» (1965)
«Тамырҙарым» (1970)
«Ҡыҙыл ҡар яуғас» (1974)
«Япраҡтар шауы» (1980)
Һиңә әйтер һүҙем: шиғырҙар һәм поэма. Өфө, 1981
Волнам навстречу: стихи. Уфа, 1972
Разноцветный ветер: стихи. М., 1978

Һылтанмалар

Бикҡолов Шакир Сәлим улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.