Вилданов Әхмәт Шафиҡ улы

Вилданов Әхмәт Шафиҡ улы
Зат	ир-ат
Гражданлыҡ	СССР  Рәсәй
Тыуған көнө	26 февраль 1932({{padleft:1932|4|0}}-{{padleft:2|2|0}}-{{padleft:26|2|0}}) (92 йәш)
Тыуған урыны	Иҫке Боғаҙы, Бүздәк районы, Башҡорт АССР-ы, РСФСР, СССР
Уҡыу йорто	Башҡорт дәүләт университеты

Вилданов Әхмәт Шафиҡ улы (рус. Вильданов Ахмет Шафикович; 26 февраль 1932 йыл — 9 июль 2016 йыл) — төҙөлөш тармағы эшмәкәре. 1993—1997 йылдарҙа «Баштрансстрой» дәүләт берекмәһенең генераль директоры. Башҡорт АССР-ының 12-се саҡырылыш (1990—1995) Юғары Советы һәм Башҡортостан Республикаһының 1-се саҡырылыш (1995—1999) Дәүләт Йыйылышы — Ҡоролтай депутаты. Башҡортостан Республикаһының Төҙөүселәр союзын ойоштороусы һәм 1995—2004 йылдарҙа уның тәүге пезиденты. Рәсәйҙең һәм Башҡорт АССР-ының (1983) атҡаҙанған төҙөүсеһе. Хеҙмәт Ҡыҙыл Байраҡ һәм «Почёт Билдәһе» ордендары кавалеры.

Биографияһы

Әхмәт Шафиҡ улы Вилданов 1932 йылдың 26 февралендә Башҡорт АССР-ы Бүздәк районы Боғаҙы ауылында тыуған Башҡорт, юғары белемле — 1979 йылда Башҡорт дәүләт педагогия институтын тамамлаған.

Хеҙмәт юлын, 1954 йылда Совет Армияһында хеҙмәт итеп ҡайтҡас башлай. 1954 йылдан 1981 йылға тиклем төҙөүселәр бригадиры булып эшләй. Артабан төҙөлөштә прораб, төҙөлөш-монтаж поезы начальнигы булып эшләй. Харьков юл төҙөлөшө техникумын тамамлай.

1981—1983 йылдарҙа «Уфимтрансстрой» тресының идарасы урынбаҫары.

1992 йылдан «Уфимтрансстрой» тресының генераль директоры.

1990 йылдың 11 октябрендә БАССР-ҙың ун икенсе саҡырылыш Юғары Советының өсөнсө сессияһында республиканың дәүләт суверенитеты тураһында Декларация ҡабул иткән Башҡорт АССР-ының 12-се саҡырылыш Юғары Советы һәм һәм Башҡортостан Республикаһының 1-се саҡырылыш (1995—1999) Дәүләт Йыйылышы — Ҡоролтай депутаты. Сәнәғәт, энергетика, элемтә информатика, төҙөлөш һәм архитектура буйынса комиссия ағзаһы.

Маҡтаулы исемдәре һәм башҡа бүләктәре

• «Хеҙмәт Ҡыҙыл Байрағы» ордены,
• «Почёт Билдәһе» ордены,
• Башҡорт АССР-ының һәм Рәсәй Федерацияһының атҡаҙанған төҙөүсеһе.

Шулай уҡ ҡарағыҙ

• БАССР-ҙың 12-се саҡырылыш Юғары Советы депутаттары исемлеге

Сығанаҡтар

• Народные депутаты Республики Башкортостан. Двенадцатый созыв. — Уфа, Китап, 1994. — с. 104

Һылтанмалар

• 12 созыв (БАССР)
• Видные деятели строительной индустрии Башкортостана: Ахмет Вильданов (К 85-летию со дня рождения). Сайт городы Бугульмы, 26.02.2017 (рус.) (Тикшерелеү көнө: 24 февраль 2022)