Башҡорт АССР-ы Юғары Советы

Википедия — ирекле энциклопедия мәғлүмәте
(БАССР Юғары Советы битенән йүнәлтелде)
Перейти к навигации Перейти к поиску
Башҡорт АССР-ы Юғары Советы

Герб

Тип
Тип

Совет

Дәүләт

Башҡорт Автономиялы Совет Социалистик Республикаһы Башҡорт АССР-ы

История
Нигеҙләнгән ваҡыты

1938

Бөтөрөлгән ваҡыты

1993

Алдан килеүсе

Башҡортостан үҙәк башҡарма комитеты

Дауамсы

Дәүләт Йыйылышы — Башҡортостан Республикаһы Ҡоролтайы

Структураһы
Ағзалар

280

Һуңғы һайлауҙар

1990

Сайт

http://www.gsrb.ru/

Башҡорт АССР-ы Юғары СоветыБашҡорт АССР-ы дәүләт власының юғары органы.

Адрес[үҙгәртергә | вики-тексты үҙгәртергә]

Башҡорт АССР-ы Юғары Советы башта ошо адрес буйынса урынлаша: БАССР, Өфө ҡалаһы, Пушкин урамы, 106-сы йорт[1].

ХХ быуаттың 70-се йылдарында Башҡорт АССР-ы Юғары Советы яңы бинаға (адресы: Өфө ҡалаһы, Зәки Вәлиди урамы, 40, Башҡортостан Республикаһының Дәүләт Йыйылышы Йорто) күсә.

Тарих[үҙгәртергә | вики-тексты үҙгәртергә]

Башҡорт АССР-ы Юғары Советы БАССР-ҙың 1937 йылғы Конституцияһына ярашлы барлыҡҡа килә.

Башҡортостанда унан алдағы дәүләт власының Юғары органы булдылар:

  • Башҡорт Совет Республикаһының хәрби-революцион комитеты — Башревком. 1919 йылдың 21 февралендә Темәс ауылында Башҡортостан хөкүмәте ағзалары һәм башҡорт полктары вәкилдәре ҡатнашлығында Бөтә Башҡорт хәрби съезында төҙөлә. Башревком составына башлыса элекке Башҡортостан хөкүмәте ағзалары — Әхмәтзәки Вәлиди, Имаков Таһир Ғилман улы, Кулаев Мстислав Александрович, И. Алкин, Бикбов,Юныс Юлбарис улы инәләр.
  • БАССР-ҙың Башҡортостан Үҙәк башҡарма комитеты (ЦИК) һәм халыҡ комиссарҙары Советы (СНК) — 1920 йылдың июлендә Стәрлетамаҡҡалаһында Башҡорт АССР-ының I Советтәр съезында раҫлана.

БАССР-ҙың Юғары Советына беренсе һайлау 1938 йылдың 26 июлендә үтә. БАССР-ҙың беренсе саҡырылыш Юғары Советы составына 150 депутат инә. 1938 йылдың 25—28 июлендә Өфөлә БАССР-ҙың беренсе саҡырылыш Юғары Советының беренсе сессияһы үтә.Сессияла БАССР Юғары Советы Президиумы һайлана һәм хөкүмәт — республиканың Халыҡ Комиссарҙары Советы төҙөлә. Ике даими эшләүсе комиссия булдырыла: закондар сығарыусы һәм бюджет. Беренсе саҡырылыш Юғары Советты БАССР-ҙың Юғары Советы Рәисе Заликин А. Т. етәкләй, Долганов И. Б., Сиразетдинова М. Н. урынбаҫарҙары була. Юғары Совет Президиумы Рәисе итеп Ибраһимов Р. К., ә Сәркәтибе итеп — Вальшин М. Г. һайлана.

1938 йылдан 1993 йылға тиклем Башҡорт АССР-ы Юғары Советы депутаттарының 12 сессияһы үтә.

1990 йылдың 11 октябрендә БАССР-ҙың уникенсе саҡырылыш Юғары Советының өсөнсө сессияһында республиканың дәүләт суверенитеты тураһында Декларация ҡабул ителә.

1993 йылғы Башҡортостан Республикаһы Конституцияһына ярашлы[2] 1993 йылдың 24 декабренән башлап Башҡортостан Республикаһының Юғары һәм берҙән-бер закон сығарыусы (һайланған) дәүләт власы булып Дәүләт Йыйылышы — Башҡортостан Республикаһы Ҡоролтайы тора.

Башҡорт АССР-ы Юғары Советы[үҙгәртергә | вики-тексты үҙгәртергә]

Башҡортостан Республикаһы Дәүләт Йыйылышы Йорто

БАССР-ҙың 1978 йылғы Конституцияһына ярашлы БАССР-ҙың Юғары Советы дәүләт власының иң юғары органы була һәм республика менән идара итеүгә ҡағылышлы СССР Конституцияһы, РСФСР Конституцияһы, Башҡорт АССР-ы Конституцияһы ҡуйған бөтә мәсьәләләрҙе хәл итеү хоҡуғына эйә була. Башҡорт АССР-ы Конституцияһын ҡабул итеү,уға үҙгәрештәр индереү, Башҡорт АССР-ының дәүләт иҡтисади һәм социаль үҫеш планын һәм дәүләт бюджетын, уларҙың үтәлеше тураһында отчетын раҫлау, үҙе ҡарамағындағы органдарҙы булдырыу Башҡорт АССР-ы Юғары Советы тарафынан тормошҡа ашырыла. Башҡорт АССР-ы закондары шулай уҡ Башҡорт АССР-ы Юғары Советы тарафынан ҡабул ителә. Башҡорт АССР-ы Юғары Советы халыҡ һаны тигеҙ булған һайлау округтары буйынса һайланған 280 депутаттан тора. Башҡорт АССР-ы Юғары Советы Башҡорт АССР-ы Юғары Советы Рәисен һәм уның ике урынбаҫарын һайлай. Башҡорт АССР-ы Юғары Советы Рәисе Башҡорт АССР-ы Юғары Советы ултырыштары һәм уның эске тәртип ҡағиҙәләре менән етәкселек итә.

Башҡорт АССР-ы Юғары Советы сессиялары йылына ике тапҡыр саҡырыла. Сираттан тыш сессиялар Башҡорт АССР-ы Юғары Советы Президиумы тарафынан уның инициативаһы менән йәки Башҡорт АССР-ы Юғары Советы депутаттарының өстән бер өлөшөнән дә кәм булмағандары тәҡдиме буйынса үтә. Башҡорт АССР-ы Юғары Советы сессияһы ултырыштарҙан һәм улар араһында үткәрелгән Башҡорт АССР-ы Юғары Советының даими һәм башҡа комиссиялары ултырыштарынан тора. Башҡорт АССР-ы Юғары Советы Президиумы түбәндәге вәкәләттәргә эйә:

  • Башҡорт АССР-ы Юғары Советына һәм урындағы халыҡ депутаттары Советына һайлауҙар билдәләй;
  • Башҡорт АССР-ы Юғары Советы сессияларын саҡыра;
  • Башҡорт АССР-ы Юғары Советының даими комиссиялары эшен координациялай;
  • Башҡорт АССР-ы Конституцияһы үтәлешен контролләй;
  • Башҡорт АССР-ы закондарына аңлатма бирә;
  • урындағы халыҡ депутаттары Советы эшмәкәрлеге өҫтөнән етәкселек итә;
  • район буйһонған ҡалалар, ҡалала райондар ойоштора, уларға исемдәр ҡуша һәм исемдәрен үҙгәртә;
  • Башҡорт АССР-ы Министрҙар Советы ҡарарҙарын һәм бойороҡтарын, район һәм ҡала (республика ҡарамағындағы ҡалалар) халыҡ депутаттары Советы ҡарарҙарын, улар законға тап килмәгән осраҡта, юҡҡа сығара;
  • Башҡорт АССР-ы Юғары Советы Президиумының Маҡтау Ҡағыҙы менән бүләкләй, Башҡорт АССР-ының маҡтаулы исемдәрен булдыра һәм бирә.

Башҡорт АССР-ы Юғары Советы Президиумы Рәистәре[үҙгәртергә | вики-тексты үҙгәртергә]

Ибраһимов Рәхим Кирәй улы (июль 1938—1946)

Ниғмәтйәнов Ғилман Вилдан улы (1946—1950)

Зәғәфүрәнов Фәйзрәхман Зәғәфүрән улы (1950—1967)

Солтанов Фәйзулла Вәли улы (март 1967 — апрель 1990)

Башҡорт АССР-ы Юғары Советы Рәйестәре[үҙгәртергә | вики-тексты үҙгәртергә]

БАССР Юғары Советы депутаттары[үҙгәртергә | вики-тексты үҙгәртергә]

  • Беренсе саҡырылыш БАССР Юғары Советы депутаттары исемлеге (1938 - 1947 йылдарҙа ултырышта ҡатнашалар)
  • Икенсе саҡырылыш БАССР Юғары Советы депутаттары исемлеге (1947 - 1951 йылдарҙа ултырышта ҡатнашалар)
  • Өсөнсө саҡырылыш БАССР Юғары Советы депутаттары исемлеге (1951 по 1955 йылдарҙа ултырышта ҡатнашалар)
  • Дүртенсе саҡырылыш БАССР Юғары Советы депутаттары исемлеге (1955 по 1959 йылдарҙа ултырышта ҡатнашалар)
  • Бишенсе саҡырылыш БАССР Юғары Советы депутаттары исемлеге (1959 по 1963 йылдарҙа ултырышта ҡатнашалар)
  • Алтынсы саҡырылыш БАССР Юғары Советы депутаттары исемлеге (1963 по 1967 йылдарҙа ултырышта ҡатнашалар)
  • Етенсе саҡырылыш БАССР Юғары Советы депутаттары исемлеге (29 март 1967 һайланғандар, 1967 - 1971 йылдарҙа ултырышта ҡатнашалар)
  • Һигеҙенсе саҡырылыш БАССР Юғары Советы депутаттары исемлеге (25 июнь 1971 һайланғандар, 1971 - 1975 йылдарҙа ултырышта ҡатнашалар)
  • Туғыҙынсы саҡырылыш БАССР Юғары Советы депутаттары исемлеге (3 июль 1975 һайланғандар, 1975 - 1979 йылдарҙа ултырышта ҡатнашалар)
  • Унынсы саҡырылыш БАССР Юғары Советы депутаттары исемлеге (21 март 1980 һайланғандар, 1980 - 1985 йылдарҙа ултырышта ҡатнашалар)
  • Унберенсе саҡырылыш БАССР Юғары Советы депутаттары исемлеге (22 март 1985 һайланғандар, 1985 - 1990 йылдарҙа ултырышта ҡатнашалар)
  • Уникенсе саҡырылыш БАССР Юғары Советы депутаттары исемлеге (1990 - 1993 йылдарҙа ултырышта ҡатнашалар)

Ҡыҙыҡлы факттар[үҙгәртергә | вики-тексты үҙгәртергә]

2002 йылда Башҡортостан Республикаһында Башҡортостан Республикаһы парламентының тарих музейы булдырыла. Музей Башҡортостан Республикаһы Ҡоролтайы - Дәүләт Йыйылышы Йортонда урынлаша. Музейҙа Башҡортостан парламентаризмының күп йыллыҡ тарихы буйынса экспонаттар: документтар, фотоһүрәттәр, китаптар, публикациялар, значоктар ҡуйылған. Экспозицияның бер өлөшө БАССР һәм Башҡортостан Республикаһының 1925, 1937, 1978, 1993 йылдарҙағы Конституцияларына бағышланған.

Һылтанмалар[үҙгәртергә | вики-тексты үҙгәртергә]

http://www.gsrb.ru/ru/about_parliament/parliamentary_museum/museum_of_history/

http://rudocs.exdat.com/docs2/index-578811.html?page=4

http://rusliberal.ru/books/Spravka_O_hode_viborov_v_Ufe.pdf

Иҫкәрмәләр[үҙгәртергә | вики-тексты үҙгәртергә]

Әҙәбиәт[үҙгәртергә | вики-тексты үҙгәртергә]

Парламентаризм в Башкортостане. История и современность. Документы и материалы. ГРИ Башкортостан. Кн. 2. Составитель В. Г. Азнагулов, З. Г. Хамитова. Уфа, 2005. ISBN 5-8258-0204-5.