Вәлиев Салауат Мөҙәрис улы
| Салауат Мөҙәрис улы Вәлиев | |
 | |
| Тыуған ваҡыты: | |
|---|---|
| Тыуған урыны: | |
| Һөнәре: | |
| Гражданлығы: | |
| Театр: |
Арыҫлан Мөбәрәков исемендәге Сибай башҡорт дәүләт драма театры |
| Наградалары: | |
Вәлиев Салауат Мөҙәрис улы ( 12 июль 1980 (44 йәш), Лағыр, Башҡорт АССР-ы) — актёр, Арыҫлан Мөбәрәков исемендәге Сибай башҡорт дәүләт драма театры артисы, Башҡортостан Республикаһының атҡаҙанған артисы (2022).
Биографияһы
[үҙгәртергә | сығанаҡты үҙгәртеү]Вәлиев Салауат Мөҙәрис улы 1980 йылдың 12 июлендә Башҡортостандың Салауат районы Лағыр ауылында тыуа. Урта мәктәпте тамамлағандан һуң, Өфө дәүләт сәнғәт академияһына уҡырға инә (1997), Башҡортостандың атҡаҙанған сәнғәт эшмәкәре Фәрдүнә Ҡасимова төркөмөндә белем ала. Төркөм Сибай ҡалаһының «Сулпан» балалар театры өсөн махсус тупланған курс була. 2001 йылда юғары уҡыу йортоноң тетар бүлеген уңышлы тамамлап, хеҙмәт юлын Сибайҙа башлай. 2008 йылдан бөгөнгә тиклем Арыҫлан Мөбәрәков исемендәге Сибай башҡорт дәүләт драма театры артисы[1][2].
Ролдәре
[үҙгәртергә | сығанаҡты үҙгәртеү]- Хәлил — Туфан Миңнуллин, «Һөйәркә»
- Нурғәзиз — Туфан Миңнуллин, «Диуана»
- Дәүләтбай — Мостай Кәрим, «Ҡыҙ урлау»
- Зөлфәт — Айгөл Әхмәтғәлиева, «Ул бит кисә ине»
- Әбүзәр — Аяз Ғиләжев, «Ҡар аҫтында ҡайнар шишмә»
- Ҡылысбай — Арыҫлан Мөбәрәков, «Бисәкәй»
- Ғәббәс — Лира Яҡшыбаева, «Әүлиә» һ.б.[2]
Йәмәғәт эшмәкәрлеге
[үҙгәртергә | сығанаҡты үҙгәртеү]Сибай башҡорт дәүләт драма театрының профсоюз ойошмаһы рәйесе[2].
Ғаиләһе
[үҙгәртергә | сығанаҡты үҙгәртеү]Өйләнгән, хәләл ефете менән ҡыҙ һәм ул үҫтерә[2].
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Башҡортостан Республикаһының атҡаҙанған артисы (2022)[3].
- Мәҙәниәт хеҙмәткәрҙәренең Бөтә Рәсәй һөнәри берлеге Башҡортостан Республикаһы ойошмаһының Маҡтау ҡағыҙы (2021).
