Вәлитов Октябрь Кәли улы

Википедия — ирекле энциклопедия мәғлүмәте
Перейти к навигации Перейти к поиску
Вәлитов Октябрь Кәли улы
Заты ир-ат
Тыуған көнө 25 октябрь 1934({{padleft:1934|4|0}}-{{padleft:10|2|0}}-{{padleft:25|2|0}}) (84 йәш)
Тыуған урыны СССР, РСФСР, Башҡорт АССР-ы, Күгәрсен районы, Күгәрсен ауылы
Һөнәр төрө ғалим
Уҡыу йорто Башҡорт дәүләт университеты
Ғилми дәрәжә философия фәндәре докторы[d]

Вәлитов Октябрь Кәли улы (25 октябрь 1934 йыл) — комсомол, партия һәм дәүләт эшмәкәре, ғалим-философ, юғары мәктәп уҡытыусыһы, публицист. 1959 йылдан СССР Журналистар союзы ағзаһы. Тарих фәндәре кандидаты (1969), философия фәндәре докторы (2000), профессор (2002). Башҡортостан Республикаһының атҡаҙанған фән эшмәкәре (2004), БАССР‑ҙың атҡаҙанған мәҙәниәт хеҙмәткәре (1984), Рәсәй Федерацияһының почётлы юғары профессиональ белем биреү хеҙмәткәре (2009). «Башҡортостан Республикаһында күрһәткән хеҙмәттәре өсөн» ордены кавалеры (2009). Зәйнәб Биишева исемендәге премия лауреаты (2008).

Биографияһы[үҙгәртергә | вики-тексты үҙгәртергә]

Октябрь Кәли улы Вәлитов 1934 йылдың 25 октябрендә БАССР‑ҙың Мораҡ районы (хәҙерге Башҡортостан Республикаһының Күгәрсен районы Күгәрсен ауылында тыуған.

1962 йылда Башҡорт дәүләт университетын, 1968 йылда Мәскәүҙә КПСС Үҙәк Комитеты ҡарамағындағы Юғары партия мәктәбен тамамлаған.

1962 йылдан алып ВЛКСМ‑дың Башҡортостан өлкә комитетында, 1968 йылдан — КПСС-тың Башҡортостан өлкә комитетында эшләй, 1980 йылдан — БАССР Министрҙар Советы эргәһендәге Матбуғатта дәүләт серҙәрен һаҡлау идаралығы, 1992 йылдан — Башҡортостан Республикаһының Матбуғат һәм киң мәғлүмәт саралары иркен һаҡлау буйынса дәүләт инспекцияһы начальнигы. 1996 йылдан башлап БДУ‑ла эшләй: редакция‑нәшриәт үҙәге директоры, бер үк ваҡытта уҡыта, 2000 йылдан — Нефтекама филиалы директоры. Зәйнәб Биишева исемендәге премия лауреаты (2008). «Башҡортостан Республикаһында күрһәткән хеҙмәттәре өсөн» ордены менән бүләкләнгән (2009).

Фәнни эшмәкәрлеге[үҙгәртергә | вики-тексты үҙгәртергә]

Вәлитов Октябрь Кәли улының фәнни тикшеренеүҙәре киң мәғлүмәт сараларының хоҡуҡи һәм ижтимағи‑философик мәсьәләләренә арналған. 150‑гә яҡын фәнни хеҙмәт авторы.

Фәнни хеҙмәттәре[үҙгәртергә | вики-тексты үҙгәртергә]

  • Информация в жизни общества. Өфө, 1996;
  • Правовое регулирование свободы средств массовой информации. Өфө, 1999;
  • Социально‑философский анализ проблемы свободы средств массовой информации (СМИ) в современных условиях. Өфө, 2009.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • Башҡортостан Республикаһының атҡаҙанған фән эшмәкәре (2004)
  • БАССР‑ҙың атҡаҙанған мәҙәниәт хеҙмәткәре (1984)
  • Рәсәй Федерацияһының почётлы юғары профессиональ белем биреү хеҙмәткәре (2009)
  • Зәйнәб Биишева исемендәге премия лауреаты (2008)
  • «Башҡортостан Республикаһында күрһәткән хеҙмәттәре өсөн» ордены (2009)

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]