Глебова Надежда Николаевна

Глебова Надежда Николаевна
	Глебова Надежда Николаевна
Зат	ҡатын-ҡыҙ
Гражданлыҡ	Башҡорт АССР-ы
Тыуған көнө	5 июнь 1925
Тыуған урыны	СССР; Рәсәй; Кушнаренко районы
Вафат булған көнө	2015
Вафат булған урыны	Өфө, Рәсәй
Һөнәр төрө	акушер, гинеколог
Ғилми исеме	профессор[d] һәм медицина фәндәре докторы[d]
Маҡтаулы исемдәре һәм башҡа бүләктәре	БАССР-ҙың атҡаҙанған фән эшмәкәре[d] Башҡортостан Республикаһының атҡаҙанған табибы[d]

Глебова Надежда Николаевна (5 июнь 1925 йыл — 2015 йыл) — ғалим, акушер-гинеколог. Медицина фәндәре докторы (1977), профессор (1979). БАССР-ҙың атҡаҙанған табибы (1972), БАССР-ҙың атҡаҙанған фән эшмәкәре (1984), СССР-ҙың һаулыҡ һаҡлау отличнигы (1969)

Биографияһы[үҙгәртергә | сығанаҡты үҙгәртеү]

Надежда Николаевна Глебова 1925 йылдың 5 июнендә БАССР-ҙың Өфө кантоны Топорнин ауылында, хәҙер Башҡортостан Республикаһының Кушнаренко районы Кушнаренко ауылында тыуа. 1947 йылда Башҡорт дәүләт медицина институтын тамамлай. 1950 йылдан алып БАССР Һаулыҡ һаҡлау министрлығында, 1950-1951 йылдарҙа БАССР Һаулыҡ һаҡлау министрлығының бала табыуға ярҙам буйынса инспекторы булып эшләй. 1952—2011 йылдарҙа Башҡорт дәүләт медицина институтында эшләй^[1].

1976 йылда Надежда Николаевна медицина фәндәре докторы ғилми дәрәжәһенә дәғүә итеп, «Научные основы специализированной помощи больных при опущении и выпадении внутренних половых органов» темаһына докторлыҡ диссертацияһы яҡлай.

8-се дауахана ҡарамағында профессор Надежда Николаевна Глебова етәкселегендә 1979 йылдың сентябрендә Рәсәй Федерацияһының Һаулыҡ һаҡлау министрлығы Башҡорт дәүләт медицина университеты юғары профессиональ белем биреү учреждениеһының 2-се акушерлыҡ һәм гинекология кафедраһы ойошторола. Кафедраны 1990 йылға тиклем етәкләй^[2]. Профессор Н.Н.Глебова етәкселегендәге клиник базала яңы хирургик технологиялар индерелә. 27 медицина фәндәре кандидаты әҙерләнгән^[3].

Төп эшенән тыш Надежда Николаевна «Белем» йәмғиәтенең бала тапҡандан һуңғы инфекцион ауырыуҙарҙы иҫкәртеү һәм дауалау, енси тәрбиә биреү, енси тормош гигиенаһы проблемалары буйынса әүҙем лекторы була^[4].

Н.Н.Глебова 2015 йылда Өфөлә вафат була. Көньяҡ зыяратта ерләнә.

Фәнни тикшеренеүҙәре[үҙгәртергә | сығанаҡты үҙгәртеү]

Төп фәнни тикшеренеүҙәре патологик йөклөлөк, бала табыу һәм хирургик дауалауҙар кисереү менән бәйле реабилитациялау проблемаларына арналған. Н.Н.Глебова тарафынан ҡатын-ҡыҙҙың эске енси ағзалары патологияһы ваҡытында, йомшаҡ бала табыу юлдары һәм янбаш һөйәктәре йәрәхәтләнгәндә реконструктив-пластик операциялар яһау ысулдары; икенсе триместрҙа йөклөлөктө яһалма юл менән өҙөү, бала тапҡандан һуңғы инфекцияларҙы иҫкәртеү һәм дауалау ысулдары эшләнә һәм дауалау практикаһына индерелә^[5]. Глебова Надежда Николаевна 465 фәнни хеҙмәт, 8 монография, уйлап табыуҙарға 10 патент баҫтырып сығара^[3].

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

БАССР-ҙың атҡаҙанған табибы (1972)
БАССР-ҙың атҡаҙанған фән эшмәкәре (1984)
СССР-ҙың һаулыҡ һаҡлау отличнигы (1969)

Иҫкәрмәләр[үҙгәртергә | сығанаҡты үҙгәртеү]

Һылтанмалар[үҙгәртергә | сығанаҡты үҙгәртеү]

Глебова Надежда Николаевна // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 15 февраль 2024)
Глебова Надежда Николаевна//Башкортостан. Краткая энциклопедия.— Уфа, 1996.- С.237.

[1] Глебова Надежда Николаевна

[2] Башкирский государственный медицинский университет. Акушерства и гинекологии №2

[:0-3] 3,0 ^3,1 Врачи России. Глебова Надежда Николаевна

[4] Общество «Знание» Республики Башкортостан

[5] Виртуальный музей медицины. История медицины в людях Глебова Надежда Николаевна

[1]

[2]

[3]

[4]

[5]