Дианов Вәлиәхмәт Диан улы

Дианов Вәлиәхмәт Диан улы
	Дианов Вәлиәхмәт Диан улы
Зат	ир-ат
Гражданлыҡ	СССР
Тыуған көнө	13 март 1930
Вафат булған көнө	1981
Һөнәр төрө	рәссам
Авторлыҡ хоҡуҡтары статусы	эштәре авторлыҡ хоҡуҡтары менән яҡланған[d]

Дианов Вәлиәхмәт Диан улы (13 март 1930 йыл — 1981 йыл) — китап рәссамы, Башҡорт АССР-ының атҡаҙанған рәссамы (1969).

Биографияһы

Вәлиәхмәт Диан улы Дианов 1930 йылдың 13 мартында Горький өлкәһенең Ново-Мочалей ауылында тыуған. 1960 йылда Мәскәү ҡалаһында Полиграфия институтын (хәҙер Мәскәү дәүләт матбуғат университеты) тамамлай.

Китап рәссамы. 1961-1971 йылдарҙа Өфөлә Башҡортостан китап нәшриәтендә өлкән художество мөхәррире булып эшләй.

1964 йылдан СССР Рәссамдар союзы ағзаһы. Башҡорт АССР-ының атҡаҙанған рәссамы, 1969.

Ҡатнашҡан күргәҙмәләре

Республика күргәҙмәләре, Өфө, 1972 йылдағы йәштәр күргәҙмәһенән башҡа, 1961 йылдан алып 1974 йыл буйынса бөтә күргәҙмәләрҙә лә ҡатнаша.
«Социалистик Урал» зона күргәҙмәләре: Свердловск, 1964; Пермь, 1967; Силәбе, 1969; Өфө, 1974.
БАССР, Мәскәү, Ленинград рәссамдары әҫәрҙәре ун көнлөк күргәҙмәһе, 1969 йыл.
Өс зона рәссамдары әҫәрҙәре күргәҙмәһе, Мәскәү, 1971.
В. И. Ленин тыуыуының 100 йыллығына арналған БАССР рәссамдары әҫәрҙәре күргәҙмәһе, Ульяновск, 1970.
Бөтә Союз художество күргәҙмәһе, Мәскәү, 1967.
В. И. Ленин тыуыуының 100 йыллығына арналған Бөтә Союз художество күргәҙмәһе, Мәскәү, 1970.

Төп эштәре

«Ҡуҙый күрпәс» башҡорт эпосына иллюстрациялар, ҡағыҙ, акварель, 1961.
Д. Юлтыйҙың «Ҡан» романына иллюстрациялар, ҡағыҙ, акварель, 1962.
Ғ. Ибраһимовтың «Беҙҙең көндәр» романына иллюстрациялар, ҡағыҙ, акварель, 1962.
М. Кәримдең «Ҡара һыуҙар» поэмаһына иллюстрациялар, ҡағыҙ, акварель, 1965.
«Әлифба» дәреслегенә иллюстрациялар, ҡағыҙ, акварель, 1969.
«Туған тел» дәреслегенә иллюстрациялар, ҡағыҙ, акварель, 1969.
Йыр, автолитография, 1968.
Йылдың дүрт миҙгеле, автолитография, 1968.
«Русский язык для нерусских школ» дәреслегенә иллюстрациялар, ҡағыҙ, акварель, 1969.
«Аҡбуҙат» башҡорт эпосына иллюстрациялар, ҡағыҙ, акварель, 1973—1975.
«Урал батыр» башҡорт эпосына иллюстрациялар, ҡағыҙ, акварель, 1973—1975.
Башҡорт халыҡ әкиәттәренә иллюстрациялар, ҡағыҙ, акварель, 1970—1978.

Маҡтаулы исемдәре һәм башҡа бүләктәре

РСФСР Юғары Советы Президиумының Почёт грамотаһы 1970,
БАССР Юғары Советы Президиумының Почёт грамотаһы 1969,
БАССР-ҙың атҡаҙанған рәссамы (1969).

Әҙәбиәт

Белешмә «Совет Башҡортостаны рәссамдары». Автор-төҙөүсеһе Э. П. Фенин, Башҡортостан китап нәшриәте, Өфө-1979
Өфө Тарихы. Мәҡәләләр йыйынтығы, 14 бүлек. Башҡортостан китап нәшриәте, Өфө, 1976.

Иҫкәрмәләр

Һылтанмалар

Дианов Вәлиәхмәт Диан улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 11 март 2019)
[1] 2011 йыл 24 декабрь архивланған.