Евтушевский Василий Адрианович

Евтушевский Василий Адрианович
	Евтушевский Василий Адрианович
Зат	ир-ат
Гражданлыҡ	Рәсәй империяһы
Тыуған көнө	1836 или 24 апрель (6 май) 1836
Вафат булған көнө	11 (23) сентябрь 1888
Һөнәр төрө	мөхәррир, йәмғиәт эшмәкәре, уҡытыусы, уҡытыусы
Эшмәкәрлек төрө	педагогика һәм математика
Уҡыу йорто	Императорский Санкт-Петербургский университет[d]

Василий Адрианович Евтушевский (1836—1888) — Рәсәй педагогы, редактор һәм йәмәғәт эшмәкәре; бер нисә дәреслек авторы.

Биографияһы

Василий Евтушевский 1836 йылда тыуған. Император Санкт-Петербург университетын уңышлы тамамлай^[3].

Оҙаҡ ваҡыт хәрби-уҡыу йорттары баш идаралығы эргәһендәге педагогия курстарында математика буйынса етәксе була; тәхет вариҫы бөйөк кенәз Николай Александровичты һәм бөйөк кенәз Георгий Александровичты математиканан уҡыта^[3].

Евтушевский Тоҙ ҡаласығында хәрби-уҡыу йорттарының Педагогия музейын булдырыуға күп көс һала^[3].

Василий Адрианович Евтушевский 1877 йылдан алып балалар приюттары ведомство советының бөтә приюттарында уҡыу эше буйынса инспектор булып тороп, уларҙа уҡытыу алымдарын дөйөмләштерә һәм приюттарҙы яҡшы әҙерлекле уҡытыусылар контингенты менән тәьмин итә. Ул юғары ҡатын-ҡыҙҙар курстары булдырыуға беренсе аҙым булып торған Аларчин ҡатын-ҡыҙҙар курсының төп эшмәкәрҙәренең береһе була^[3].

Шулай уҡ халыҡ мәктәптәре уҡытыусыларын әҙерләү өсөн Санкт-Петербургта Андреев курстарын ойоштороуҙа ҡатнаша. Бер нисә тапҡыр халыҡ уҡытыусылары съездары менән етәкселек итә. «Ғаилә мәктәптәрен», йәғни таныш булған ғаиләләрҙең күп булмаған һандағы балаларының берлектәге занятиеларын пропагандалай^[3].

Евтушевский башлыса (1860-сы йылдар башында һәм 1870-се йылдар аҙағында, «Педагогик йәмғиәттә») математиканы, бигерәк тә арифметиканы уҡытыу тураһында докладтары менән үҙенә билдәлелек яулай. Немец педагогы Грубе ысулын нигеҙ итеп ҡабул итеп, бер аҙ үҙгәртелгән рәүештә, Евтушевский «Методика арифметики» (1872) һәм «Сборник арифметических задач» китаптарын баҫтырып сығара. Улар күп тапҡыр нәшер ителә (мәсьәләләр китабы — 30-ҙан ашыу) һәм һаны миллиондан ашыу дана тарала. Евтушевский ысулының нигеҙен тәүге йөҙ һандың үҙенсәлектәрен әҙерлекле өйрәнеү һәм шуның менән бергә балаларҙы арифметик ғәмәлдәр менән таныштырыу тәшкил итә^[3].

Глазырин менән бергә Евтушевский 1876 йылда шулай уҡ «Методика приготовительного курса алгебры» китабын һәм уға ҙур булмаған мәсьәләләр йыйынтығын баҫтырып сығара^[3].

1877 йыл аҙағынан 1882 йыл уртаһына тиклем В. А. Евтушевский (А. П. Пятковский менән бергә) «Народная школа» педагогик журналының редакторы була^[3].

1879 йылда Евтушевский «Педагогик йәмғиәттең» рәйесе итеп һайлана^[3].

Василий Адрианович Евтушевский 1888 йылда вафат була^[3].

Иҫкәрмәләр

↑ ^1,0 ^1,1 Педагоги и психологи мира (урыҫ) — 2012.
↑ ^2,0 ^2,1 Чешская национальная авторитетная база данных
↑ ^3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 Евтушевский, Василий Адрианович // Брокгауз һәм Ефрондың энциклопедик һүҙлеге: 86 томда (82 т. һәм 4 өҫтәмә том). — СПб., 1890—1907. (рус.)

[_89ff394333950d53-1] 1,0 ^1,1 Педагоги и психологи мира (урыҫ) — 2012.

[_f26e4ad1ad713950-2] 2,0 ^2,1 Чешская национальная авторитетная база данных

[Викитека_ЭСБЕ-3] 3,00 ^3,01 ^3,02 ^3,03 ^3,04 ^3,05 ^3,06 ^3,07 ^3,08 ^3,09 Евтушевский, Василий Адрианович // Брокгауз һәм Ефрондың энциклопедик һүҙлеге: 86 томда (82 т. һәм 4 өҫтәмә том). — СПб., 1890—1907. (рус.)

[1]

[2]

[3]