Ерёмин Михаил Иванович

Википедия — ирекле энциклопедия мәғлүмәте
Перейти к навигации Перейти к поиску
Ерёмин Михаил Иванович
Заты ир-ат
Принадлежность СССР
Тыуған көнө 17 май 1920({{padleft:1920|4|0}}-{{padleft:5|2|0}}-{{padleft:17|2|0}})
Тыуған урыны Рәсәй, Күгәрсен районы
Вафат булыу көнө 9 май 1945({{padleft:1945|4|0}}-{{padleft:5|2|0}}-{{padleft:9|2|0}}) (24 йәш)
Ерләнгән урыны Седльце
Бүләктәре һәм маҡтаулы исемдәре
Ҡыҙыл Байраҡ ордены Ленин ордены Советтар Союзы Геройы Дан ордены
Хәрби звание Рядовой
Һуғыш/алыш Бөйөк Ватан һуғышы
Ғәскәр төрө пехота[d]

Ерёмин Михаил Иванович (17 май 1920 йыл9 май 1945 йыл) — Бөйөк Ватан һуғышыяугиры, уҡсылар полкының йәйәүле разведка взводы разведчигы, рядовой. Советтар Союзы Геройы (1945).

Биографияһы[үҙгәртергә | вики-тексты үҙгәртергә]

Михаил Иванович Ерёмин 1920 йылдың 17 майында Өфө губернаһы Стәрлетамаҡ өйәҙе (хәҙер — Башҡортостан Республикаһының Күгәрсен районы) Денисовка ауылында тыуған. Бала сағын Силәбе өлкәһенең Верхнеурал районы Дзержинка ауылында үткәрә. Тулы булмаған урта белем ала, колхозда эшләй. 1940 йылда Еремин Эшсе-крәҫтиән Ҡыҙыл Армияһына хеҙмәткә саҡырыла. 1942 йылдың апрель айынан Бөйөк Ватан һуғышы фронттарында була. 1944 йылдың июленә ҡыҙылармеец Еремин 1-се Белорус фронтының 48-се армия 96-сы уҡсылар дивизияһы 331-се уҡсылар полкының йәйәүле разведка взводы разведчигы була. Белорус ССР-ын азат иткәндә батырлыҡ күрһәтә[1].

1944 йылдың 8 июлендә Ерёмин ике һалдат менән Брест өлкәһенең Барановичи районы Заболотье ауылы янындағы дошман тылына үтеп инә һәм миномет батареяһының расчеттарын юҡ итә, 6 минометты, 2 тягачты, 4 автомашинаны эләктерә, шулай уҡ 8 дошман һалдатын әсирлеккә ала. Ереминдың эш итеүе полктың уңышлы һөжүменә булышлыҡ итә.

СССР Юғары Советы Президиумының 1945 йылдың 24 мартындағы указы менән «командованиеның хәрби заданиеларын теүәл үтәгәне һәм шул уҡ ваҡытта ҡаһарманлыҡ һәм батырлыҡ күрһәткәне өсөн» ҡыҙылармеец Михаил Еремин Советтар Союзы Геройы тигән юғары исемгә лайыҡ була. Ленин орденын һәм «Алтын йондоҙ» миҙалын ул алырға өлгөрмәй, сөнки артабанғы алыштарҙың береһендә ҡаты яралана һәм 1945 йылдың 9 майында госпиталдә вафат була. Польшаның Седльце ҡалаһында ерләнә.

Шулай уҡ Ҡыҙыл Йондоҙ һәм 3-сө дәрәжәле Дан ордендары, миҙал менән бүләкләнә.

Иҫкәрмәләр[үҙгәртергә | вики-тексты үҙгәртергә]

  1. Ерёмин Михаил Иванович. «Герои страны» сайты.

Әҙәбиәт[үҙгәртергә | вики-тексты үҙгәртергә]

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Навечно в сердце народном. — 3-е изд., доп. и испр. — Мн. 1984.
  • Подвиги их — бессмертны. — Уфа: Китап, 2000.
  • Славные сыны Башкирии. Кн. 4. — Уфа, 1979.