Зайцева Надежда Васильевна

Википедия — ирекле энциклопедия мәғлүмәте
Перейти к навигации Перейти к поиску
Зайцева Надежда Васильевна
Заты ҡатын-ҡыҙ
Гражданлығы Flag of the Soviet Union.svg СССР
Тыуған көнө 15 август 1926({{padleft:1926|4|0}}-{{padleft:8|2|0}}-{{padleft:15|2|0}})
Тыуған урыны Ленинград өлкәһе
Вафат булған көнө 4 апрель 2009({{padleft:2009|4|0}}-{{padleft:4|2|0}}-{{padleft:4|2|0}}) (82 йәш)
Вафат булған урыны Рәсәй, Санкт-Петербург
Һөнәр төрө колхозник

Зайцева Надежда Васильевна (15 август 1926 — 4 апрель 2009) — совет ауыл хужалығы алдынғыһы, Ленинград өлкәһе Всеволожский районының совхозында бригадир «Ручьи» совхозының бригадиры, Социалистик Хеҙмәт Геройы (1971).

Биографияһы[үҙгәртергә | вики-тексты үҙгәртергә]

Зайцева Надежда Васильевна 1926 йылда Псков губернаһы территорияһында йәшәгән крәҫтиән ғаиләһендә тыуған.

Зайцева Надежда Васильевна бик иртә етем ҡала. Ленинградҡа уны апаһы алып китә. Бөйөк Ватан һуғышы йылдарында эвакуациялана. 1944 йылдан алып йәшелсә үҫтереүсе булып эшләй. 1950 йылда звеньевой була, ә 1952 йылда Ленинград өлкәһе Всеволожский районының «Ручьи» совхозында йәшелсә үҫтереүселәр бригадаһының бригадиры булып эшләй. 1950 йылдан ВКП(б) ағзаһы.

Зайцева Надежда Васильевна Всеволожский ауыл хужалығы техникумын тамамлай. Уның бригадаһы өлкәнең иң яҡшы бригадаһы була. Яҡшы хеҙмәте өсөн Зайцева Надежда Васильевнаны йәш эшселәрҙең остазы итеп ҡуялар.

1965—1975 йылдарҙа Зайцева Надежда Васильевнаның бригадаһы үҙенең ҡарамағындағы 120 гектар майҙандың һәр бер гектарынан йылына уртаса 700 центнерға тиклем сөгөлдөр, 500 центнер кишер һәм 800 центнер кәбеҫтә йыйып ала.

1971 йылдың 8 апрелендә СССР Юғары Советы Президиумының Указына ярашлы Зайцева Надежда Васильевна рекордлы уңыш йыйып алған өсөн һәм ауыл хужалығында юғары күрһәткестәргә өлгәшкәне өсөн Социалистик Хеҙмәт Геройы исеме бирелә һәм уға Ленин ордены менән «Ураҡ һәм Сүкеш»алтын йондоҙ миҙалы тапшырыла.

Аҙаҡтан Надежда Васильевна Зайцева иҡтисадсы вазифаһына күсерелә, шунан һуң хаҡлы ялға сыға.

Ул КПСС-тың XXIV съезы делегаты була.

Надежда Васильевна ЗайцеваСанкт-Петербургта йәшәй. Ул 2009 йылдың 4 апрелендә вафат була. Ҡаланың Богословский зыяратында ерләнгән[1].

Наградалары[үҙгәртергә | вики-тексты үҙгәртергә]

Хеҙмәт уңыштары өсөн лайыҡ булған:

Иҫкәрмә[үҙгәртергә | вики-тексты үҙгәртергә]

Әҙәбиәт[үҙгәртергә | вики-тексты үҙгәртергә]

  • Хәтер китабы. Дан Йондоҙҙары. Ленинград өлкәһе. 1 том. — СПб, 2009.
  • Эш энциклопедияһы:1921-1985. Л: Лениздат, 1986.

Һылтанмалар[үҙгәртергә | вики-тексты үҙгәртергә]