Зубов Павел Васильевич

Википедия — ирекле энциклопедия мәғлүмәте
Перейти к навигации Перейти к поиску
Зубов Павел Васильевич
Заты ир-ат
Гражданлығы Flag of Russia.svg Рәсәй империяһы
Flag of the Russian Soviet Federative Socialist Republic (1918–1937).svg Совет Рәсәйе
Тыуған көнө 1 (13) март 1862
Тыуған урыны Рәсәй империяһы, Мәскәү ҡалаһы
Вафат булған көнө 2 июль 1921({{padleft:1921|4|0}}-{{padleft:7|2|0}}-{{padleft:2|2|0}}) (59 йәш)
Вафат булған урыны Совет Рәсәйе, Мәскәү ҡалаһы
Ерләнгән урыны Андроников монастырь[d]
Һөнәр төрө химик, нумизмат, скрипкасы, меценат, библиофил
Эшмәкәрлек төрө термохимия[d]
Эш биреүсе М. В. Ломоносов исемендәге Мәскәү дәүләт университеты
Уҡыу йорто Мәскәү университетының физика-математика факультеты
Кемдә уҡыған Лугинин, Владимир Фёдорович[d]

Павел Васильевич Зубов (1 март (13 март) 1862(18620313) — 2 июль 1921) — урыҫ термохимигы, нумизмат, скрипкасы, меценат, библиофил, тәңкәләр һәм миҙалдар йыйыусы.

Биографияһы[үҙгәртергә | вики-тексты үҙгәртергә]

Мәскәүҙә сығышы менән почетлы граждандар Василий Павлович һәм Клавдия Алексеевна Зубовтар ғаиләһендә тыуған. Уларҙың Александров ҡалаһында буяу фабрикаһы була. Бик иртә Мәскәү консерваторияһы профессоры И. В. Гржималиҙан скрипкала уйнарға өйрәнә башлай. Урта белемде Креймандың шәхси гимназияһында ала. Уны тамамлағас 1881 йылда Мәскәү университетының физика-математика факультетының тәбиғи бүлегенә уҡырға инә, 1885 йылда уны тамамлай. 20 йылдан ашыу Мәскәү университетында В. Ф. Лугининдың термохимик лабораторияһында эшләй. Термохимия өлкәһендә тикшеренеүҙәр менән шөғөлләнә; хеҙмәттәре органик берләшмәләрҙең төрлө кластарының яныу йылылығын өйрәнеүгә арналған. Павел Зубов гимназия йылдарында уҡ нумизматикаменән ҡыҙыҡһына башлай, мауығыуы һөҙөмтәһендә урыҫ һәм көнсығыш тәңкәләренең ҙур коллекцияһын йыя. 1897 йылда уның рус нумизматикаһы буйынса тикшеренеүҙәре баҫыла. П. В. Зубовтың нумизматик коллекцияһын, тарих һәм археология буйынса бай һайлап алынған китаптары булған, китапхана тулыландыра. Павел Васильевичтың ғүмере аҙағында китапханала бер нисә тиҫтә мең том иҫәпләнә. 1900 йылда П. В. Зубов коллекцияһын, китапханаһын, шулай уҡ уларҙы тотоу өсөн ҙур суммала аҡсаһын Рәсәй Император Тарих музейына васыят итә. П. В. Зубов үлгәндән һуң китаптар Тарихи китапханаға тапшырыла. Унда китаптар дөйөм йыйынтыҡта эҙһеҙ юҡҡа сығалар, сөнки уларҙа экслибристар булмай.

Атаһы йыя башлаған, Страдивари, Гварнери, Руджери, Амати эшләгән һирәк һыҙғыслы музыка ҡоралдары коллекцияһына эйә була. Мәскәүҙең Рогожский өлөшөндәге ярлыларҙы бағыусылыҡ йәмғиәте рәйесе була, был вазифала ул К. С. Алексеевты алмаштыра.

Ҡатыны Наталья Митрофановна (Грачева). Балалары Василий, Мария, Николай, Клавдия. Василий улы күренекле урыҫ һәм совет тарихсыһы, сәнғәт белгесе, философия тарихсыһы. Үҙенең ғилми ҡыҙыҡһыныуҙарының тәрәнлеге һәм күп яҡлылығы арҡаһында Рәсәй гуманитар фәндәр тарихына «урыҫ Леонардоһы» булараҡ ингән.

Мәскәүҙә вафат була, Спас-Андроников монастыры зыяратында ерләнгән.

Баҫмалары[үҙгәртергә | вики-тексты үҙгәртергә]

  • Научные публикации в Журнале Русского физико-химического общества (ЖРФХО) за 1896, 1898, 1901, 1903, 1904, 1906 и 1913 годы.
  • Материалы по русской нумизматике. — М.: 1897.

Әҙәбиәт[үҙгәртергә | вики-тексты үҙгәртергә]

  • Зубов М Зубов Павел Васильевич (1862—1921) // Мәскәү журналдары. — 2002. — № 4.

Һылтанмалар[үҙгәртергә | вики-тексты үҙгәртергә]