Йәмилов Марат Арыҫлан улы

Йәмилов Марат Арыҫлан улы
Зат	ир-ат
Гражданлыҡ	СССР  Рәсәй
Тыуған көнө	23 ноябрь 1938({{padleft:1938|4|0}}-{{padleft:11|2|0}}-{{padleft:23|2|0}})
Тыуған урыны	Әнәс ауылы, Миәкә районы, Башҡорт АССР-ы, РСФСР, СССР
Вафат булған көнө	2 ноябрь 1996({{padleft:1996|4|0}}-{{padleft:11|2|0}}-{{padleft:2|2|0}}) (57 йәш)
Вафат булған урыны	Сибай, Башҡортостан Республикаhы, Рәсәй
Һөнәр төрө	театр актёры
Уҡыу йорто	Өфө сәнғәт училищеһы
Маҡтаулы исемдәре һәм башҡа бүләктәре	Башҡорт АССР-ының атҡаҙанған артисы

Йәмилов Марат Арыҫлан улы (23 ноябрь 1938 йыл — 2 ноябрь 1996 йыл) — башҡорт театр актёры. 1967 йылдан СССР Театр эшмәкәрҙәре союзы ағзаһы. Башҡорт АССР-ының атҡаҙанған (1972) һәм халыҡ (1989) артисы.

Биографияһы

Марат Арыҫлан улы Йәмилов 1938 йылдың 23 ноябрендә Башҡорт АССР-ының Миәкә районы Әнәс ауылында тыуған. 1965 йылда Өфө сәнғәт училищеһын тамамлай (педагогы Шамил Рәхмәтуллин).

Хеҙмәт эшмәкәрлеген Сибай драма театрында башлай. Бында ул йөҙҙән артыҡ роль башҡара.

Ғаиләһе: ҡатыны Дилә Әхмәтфәиз ҡыҙы Билалова; улы, ҡыҙы һәм 6 ейәне. 1996 йылдың 2 ноябрендә Сибай ҡалаһында вафат була.

Театрҙағы ролдәре

Лояль («Тартюф» Мольер; дебют, 1965), Аҡмулла («Өҙөлгән моң», Кирәй Мәргән), Фәрит («Тал бөгөлә» , Ғабдулла Байбурин), Дауыт («Аҡҡош йыры», Баязит Бикбай), Гәзиз («Ҡыҙыл йондоҙ» ,Мәжит Ғафури). Салауат («Салауат. Өн аралаш ете төш» — Мостай Кәрим).

Маҡтаулы исемдәре һәм башҡа бүләктәре

• Башҡорт АССР-ының атҡаҙанған артисы (1972)
• Башҡорт АССР-ының халыҡ артисы (1989)

Һылтанмалар

• Йәмилов Марат Арыҫлан улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 20 ноябрь 2023)