Красников Николай Олегович

Красников Николай Олегович
	Красников Николай Олегович
Зат	ир-ат
Гражданлыҡ	Рәсәй
Спортта ил өсөн сығыш яһай	Рәсәй
Тыуған көнө	4 февраль 1985 (39 йәш)
Тыуған урыны	Шадринск, Ҡурған өлкәһе, РСФСР, СССР
Һөнәр төрө	спидвейный гонщик
Уҡыу йорто	Шадринский государственный педагогический институт[d]
Маҡтаулы исемдәре һәм башҡа бүләктәре

Красников Николай Олегович (4 февраль 1985 йыл) — боҙҙа мотоуҙышта сығыш яһаусы спортсы. Рәсәйҙең атҡаҙанған спорт мастеры. Шәхси зачетта һигеҙ тапҡыр донъя чемпионы, команда зачетында ун ике тапҡыр донъя чемпионы, күп тапҡыр Рәсәй чемпионы.

Биографияһы

Николай Олегович Красников 1985 йылдың 4 февралендә Ҡурған өлкәһенең Шадринск ҡалаһында, мотокросс буйынса профессиональ тренер ғаиләһендә тыуған.

Атаһы етәкселегендә 11 йәштән алып мотокросс, 1998—1999 йылдың ҡышынан — Шадринск ҡалаһында боҙҙа мотоуҙыш менән шөғөлләнә. 1999—2000 йылдар миҙгелендә тәүге рәсми ярыштарҙа ҡатнаша, ул «Торпедо-ШААЗ» командаһы составында ил чемпионатында 5-се урын биләй. 2000 йылдың 16 декабрендә Николай Рәсәй команда чемпионатының беренсе этабында Өфөнөң «Төҙөүсе» стадионы боҙонда тәүге тапҡыр Шадринск автоагрегат заводы командаһы өсөн сығыш яһай^[1].

Киләһе 2000/01 миҙгелендә инде илдең юниорҙар чемпионатында еңеү яулай, ә боҙҙағы спидвей буйынса Рәсәй команда чемпионатында «Торпедо-ШААЗ» командаһы менән бронза призер була. 2001/02 миҙгелендә Өфөнөң «Башҡортостан» командаһына күсә, әлеге ваҡытта уның составында туғыҙ чемпион титулы яулаған, шул иҫәптән — алтауһы бер рәттән (2004—2008). Илдең шәхси чемпионатында ете тапҡыр чемпион титулы яулаған.

2003 йылда боҙҙағы спидвей буйынса Рәсәй шәхси чемпионатында тәүге тапҡыр призер була, Донъя шәхси чемпионаты циклында сығыш яһау хоҡуғы ала, унда тәү башлап сығыш яһау миҙгелендә 8-се була. Киләһе миҙгелдә инде спортсы донъяла өсөнсө була, ә 2005 йылдан башлап рекорд серияһы ҡуя — донъя шәхси чемпионатында 8 еңеү, шуның менән бергә бер рәттән (2005—2012). Айырыуса шул иғтибарға лайыҡ, 2006 һәм 2009 йылдарҙа Николай Красников чемпионаттың бөтә этаптарында ла еңеү яулай.

Параллель рәүештә донъя команда чемпионатында сығыш яһай һәм, Рәсәй йыйылма командаһы составында ун ике алтын миҙал яулай, шуларҙың 10 — бер рәттән (2004—2013 һәм 2015—2016).

2007 йылда Шадринск дәүләт педагогия институтын тамамлай^[2].

2011 йыл миҙгеле аҙағында карьераһын тамамлауы тураһында иғлан итә. Спортсы, Өфө клубының ил чемпионатында позицияһын юғалтмаҫ өсөн генә ярыштарҙа сығыш яһауҙы дауам итәсәкмен тип белдерә^[3]. Әммә, спортсы һуңынан аңлатыуынса, «[Башҡортостан] республикаһындағы сәйәси хәл-тороштар миңә быны эшләргә мөмкинлек бирмәне, һәм уҙған [2011-2012] миҙгелдәрҙе тулыһынса төшөрөп ҡалдырҙым»^[4]. 2013 йыл миҙгелендә спортсы донъя шәхси чемпионатында сығыш яһамай, әммә донъя команда чемпионатында ҡатнаша. 2014 йыл миҙгелендә Рәсәй шәхси чемпионатында һәм халыҡ-ара ярыштарҙа ҡатнашмай, әммә 2015 йылда яңынан донъя команда чемпионатына һәм Рәсәй шәхси чемпионатына әйләнеп ҡайта, донъя шәхси чемпионаты этабында ҡатнаша. 2016 йылда шул уҡ хәл ҡабатлана.

Тренерҙары — Олег Красников, Владимир Белоногов (механик), Сергей Шутов.

2011 йылда Башҡортостан Республикаһы Мотоспорт федерацияһы етәксеһе була^[5], 2015 йылдың авгусында, республикала мотоспорт үҫешендә алға китеш булмау һәм «Ғ. Ҡадыров исемендәге техник спорт төрҙәре үҙәген» финанслау туҡтатылыу менән бәйле, отставкаға китә^[6].

Боҙҙа мотоуҙышта ҡатнашыуҙан тыш, мотокросстарҙа һәм ҡаргиҙәрҙә кросстарҙа ҡатнаша.

Гран-при донъя серияһы

Сезон	1	2	3	4	5	6	7	8	9	10	Урын	Баллдар
2003	Саранск 18	Саранск 16	Ассен 13	Ассен 5	Берлин 13	Берлин 10	8	75
2004	Саранск 16	Саранск -	Өфө 16	Өфө 20	Ассен 25	Ассен 14	Берлин 25	Берлин 16	3	132
2005	Саранск 25	Саранск 25	Ассен 20	Ассен 16	Берлин 18	Берлин 20	1	124
2006	Саранск 25	Саранск 25	Ассен 25	Ассен 25	1	100
2007	Өфө 20	Өфө 18	Ассен 20	Ассен 25	Берлин 18	Берлин 25	1	126
2008	Саранск 25	Саранск 25	Ассен 25	Ассен 25	Берлин 10	Берлин 14	1	124
2009	Красногорск 25	Красногорск 25	Өфө 25	Өфө 25	Берлин 25	Берлин 25	Ассен 25	Ассен 25	1	200
2010	Тольятти 25	Тольятти 25	Саранск 16	Саранск 25	Инсбрук 25	Ассен 25	Ассен 25	Берлин 25	Берлин 20	1	211
2011	Красногорск 25	Красногорск 25	Тольятти 18	Тольятти 20	Ассен 20	Ассен 18	Инцель 25	Инцель 25	1	176
2012	Красногорск 18	Красногорск 18	Өфө 17	Өфө 21	Ассен 18	Ассен 19	Уппсала 21	Уппсала 16	1	148
2015	Красногорск 21	Красногорск 20	Тольятти -	Тольятти -	Алма-Ата -	Алма-Ата -	Ассен -	Ассен -	Инцелль -	Инцелль -	13	41
2016	Красногорск 18	Красногорск 15	Алма-Ата -	Алма-Ата -	Берлин -	Берлин -	Ассен -	Ассен -	Инцелль -	Инцелль -	13	33
2017	Тольятти -	Тольятти -	Шадринск 13	Шадринск 15	Алма-Ата -	Алма-Ата -	Берлин -	Берлин -	Херенвен -	Херенвен -	15	28

Рәсәйҙә ҡаҙаныштары.

Үҫмерҙәр ярышында

Боҙҙа мотоуҙыш буйынса Рәсәй чемпионаты:

шәхси зачетта — 1 урын (2001, 2003), 2 урын (2002)

Ололар ярышында

Боҙҙа мотоуҙыш буйынса Рәсәй чемпионаты:

шәхси зачетта — 1-се урын (2005, 2007, 2009, 2010, 2013, 2015, 2016), 2-се урын (2003, 2006, 2011, 2012), 3-сө урын (2008)

команда зачетында — 3-сө урын (2001, 2016), 1-се урын (2002, 2004, 2005, 2006, 2007, 2008, 2009, 2014, 2015), 2-се урын (2003, 2010, 2011, 2012, 2013)

Рәсәй кубогы — 1 урын (2002, 2003)

Халыҡ-ара ярыштарҙа юғары ҡаҙаныштары

Донъя шәхси чемпионаты —3-сө урын (2004), 1-се урын (2005, 2006, 2007, 2008, 2009, 2010, 2011, 2012), 13-сө урын (2015, 2016), 15-се урын (2017)(этапты ҡабул итеүсе ил вәкиле булараҡ, ҡырағай картаһы буйынса, ике этапта)

Донъя команда чемпионаты — 1-се урын (2004, 2005, 2006, 2007, 2008, 2009, 2010, 2011, 2012, 2013, 2015, 2016)

Европа шәхси чемпионаты — 1 урын (2016, 2017), 2 урын (2002, 2013)

Маҡтаулы исемдәре һәм бүләктәре

Салауат Юлаев ордены, 2004
Халыҡ-ара класслы Рәсәй спорты мастеры, 2003
Рәсәйҙең боҙҙа мотоуҙыш буйынса атҡаҙанған спорт мастеры, 2008

Ғаиләһе

Атаһы — Олег Николаевич; әсәһе — Ирина Александровна^[7]. Николай Олеговичтың улы бар^[8].

Иҫкәрмәләр

[1] КРАСНИКОВ НИКОЛАЙ ОЛЕГОВИЧ. 2018 йыл 1 май архивланған.

[2] КРАСНИКОВ Николай Олегович.(недоступная ссылка)

[3] Николай Красников завершает карьеру гонщика

[4] Николай Красников завершил карьеру

[5] Николай Красников возглавил Федерацию мотоспорта республики

[6] Президент Мотофедерации Башкирии Николай Красников подал в отставку

[7] Многократный чемпион мира по мотогонкам на льду Николай Красников: «Мотоциклами я заинтересовался в шесть лет»

[8] Гонщик Красников Николай Олегович: биография, достижения и интересные факты.

[1]

[2]

[3]

[4]

[5]

[6]

[7]

[8]