Латипов Марат Мөьмин улы

Википедия — ирекле энциклопедия мәғлүмәте
(Латыпов Марат Мөьмин улы битенән йүнәлтелде)
Перейти к навигации Перейти к поиску
Латипов Марат Мөьмин улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 15 апрель 1958({{padleft:1958|4|0}}-{{padleft:4|2|0}}-{{padleft:15|2|0}}) (63 йәш)
Тыуған урыны СССР, РСФСР, Башҡорт АССР-ы, Дәүләкән районы, Алға ауыл Cоветы (Дәүләкән районы), Ҡоръятмаҫ
Һөнәр төрө дәүләт хеҙмәткәре
Эшмәкәрлек төрө страхование[d]
Уҡыу йорто Башҡорт дәүләт аграр университеты
Удмурт дәүләт университеты
Ғилми дәрәжә иҡтисад фәндәре кандидаты[d]
Маҡтаулы исемдәре һәм башҡа бүләктәре

Латипов Марат Мөьмин улы (15 апрель 1958 йыл) — дәүләт эшмәкәре. Башҡортостан Республикаһының 1-2 саҡырылыш Дәүләт Йыйылышы — Ҡоролтай депутаты,19922000 йылдарҙа Дәүләкән районы һәм Дәүләкән ҡалаһы хакимиәте башлығы, Рәсәй Социаль страховка фондының Башҡортостан төбәк бүлексәһе идарасыһы, Башҡортостан Республикаһының атҡаҙанған ауыл хужалығы хеҙмәткәре, Почёт ордены һәм 2-се дәрәжә «Батырлыҡ һәм гуманизм» ордендары кавалеры[1], иҡтисад фәндәре кандидаты (2008).

Биографияһы[үҙгәртергә | вики-тексты үҙгәртергә]

Марат Мөьмин улы Латыпов 1958 йылдың 15 апрелендә Башҡортостан АССР-ы Дәүләкән районы Ҡоръятмаҫ ауылында колхозсы ғаиләһендә тыуған.

1973 йылда Ҡоръятмаҫ һигеҙ йыллыҡ мәктәбен тамамлағандан һуң, Дәүләкән ҡалаһының 27-се һанлы ауыл хужалығы һөнәри-техник белем биреү училищеһына (хәҙер Бәләбәй ауыл хужалығын механизациялау һәм электрлаштырыу техникумы филиалы) уҡырға инә.

19761978 йылдарҙа Совет Армияһы сафында хеҙмәт итә.

19781984 йылдарҙа Башҡортостан ауыл хужалығы институтында уҡый, инженер-механик һөнәрен ала.

1984 йылда Дәүләкән районы «Россия» колхозында инженер булып эш башлай.

19841986 йылдарҙа Дәүләкән район комитеты комсомол ойошмаһының 2-се секретары.

19861990 йылдарҙа Башҡорт АССР-ы Дәүләкән районы «Асылыкүл» колхозы рәйесе.

19901991 йылдарҙа Дәүләкән районының агросәнәғәт берекмәһе советы рәйесе.

19912000 йылдарҙа Башҡортостан Республикаһының Дәүләкән районы һәм Дәүләкән ҡалаһы хакимиәте Башлығы.

« Марат Мөьмин улы етәкселегендә Дәүләкән районы әүҙем үҫеш алды. Иң мөһим ҡаҙаныштарының береһе — ауылдарҙы тулы масштаблы газлаштырыу тормошҡа ашырылды. Етәксенең халыҡ тураһында ҡайғыртыуы юл төҙөлөшөндә лә сағылыш тапты. Бер-бер артлы асфальт һәм грунт юлдар сафҡа инде. Халыҡты һыу селтәрҙәре менән тәмин итеү проблемалары хәл ителде. Ул етәкселек итеү осоронда Дәүләкән районында яңы мәктәптәр, балалар баҡсалары, спорт-сәләмәтләндереү комплексы, мөһим социаль обьекттар файҙаланыуға тапшырылды.

Хеҙмәт һөйөүсәнлек һәм эшкә яуаплы ҡараш уға өҙлөкһөҙ үҫеш һәм алға этәргес тәьмин итә.Удмурт дәүләт университетын тамамлай,2008 йылда кандидатлыҡ диссертацияһы яҡлай[2].

»

2000 йылдан Марат Мөьмин улы Латыпов Рәсәй Федерацияһы Социаль страховка фондының Башҡортостан төбәк бүлексәһе идарасыһы вазифаһын башҡара.

Йәмәғәт эшмәкәрлеге[үҙгәртергә | вики-тексты үҙгәртергә]

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • Почёт ордены (2000)
  • Башҡортостан Республикаһының атҡаҙанған ауыл хужалығы хеҙмәткәре ()
  • Рәсәй Федерацияһының Сәләмәтлек һаҡлау министрлығының Маҡтау грамотаһы (2006)
  • Рәсәй Федерацияһының Федераль Йыйылышы Маҡтау грамотаһы (2008)
  • Башҡортостан Республикаһының Маҡтау грамотаһы (2008)
  • 2-се дәрәжә «Батырлыҡ һәм гуманизм» ордены (2008)

10 артыҡ фәнни баҫмалары, шул иҫәптән бер монографияһы бар.

Шулай уҡ ҡарағыҙ[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. Латыпов Марат Мөьмин улы — Рәсәй Социаль Страховка фондының Башҡортостан төбәк бүлексәһе идарасыһы
  2. «Иңдәрендә — үҙ халҡы өсөн яуаплылыҡ» Дәүләкән районы «Балҡантау» ижтимағи-сәйәси гәзите 13 апрель 2018 йыл
  3. Латыпов Марат Мөьмин улы
  4. Латыпов Марат Мөьмин улы

Һылтанмалар[үҙгәртергә | вики-тексты үҙгәртергә]