Лигур диңгеҙе

Лигур диңгеҙе
Урынлашыуы	Урта диңгеҙ
Майҙаны	15 мең км²
Иң ҙур тәрәнлек	2546 м
Уртаса тәрәнлек	1200 м
Лигур диңгеҙе
Лигур диңгеҙе
Лигур диңгеҙе Викимилектә

Лигур диңгеҙе (лат. Mare Ligusticum, франц. mer Ligure, итал. mar Ligure, лиг. Mâ Ligure) — Корсика менән Эльба утрауҙары һәм Генуя ҡултығы яр буйы араһындағы Урта диңгеҙҙең бер өлөшө.

География

Диңгеҙ атамаһы Рона йылғаһы үҙәнендә йәшәгән боронғо лигур ҡәбиләһе этнонимынан барлыҡҡа килгән.

Франция, Монако һәм Италияның ярҙарын йыуа. Майҙаны — 15 мең км², уртаса тәрәнлеге — 1200 м, максималь тәрәнлеге — 2546 м. Һыу артымы ярым тәүлекле һәм 0,3 м тәшкил итә. Һыу температураһы — ҡышын 13 °C-тан — йәйен 23,5 °C-ҡа барып етә. Тоҙлолоғо — яҡынса 38 ‰. Ярҙары башлыса текә һәм ҡаялы, ҡомло пляждарҙа осрай. Яр буйында билдәле Ривьера курорт районы урынлашҡан.

Төп порттары: Генуя, Савона, Специя (Италия), Ницца (Франция).

Һылтанмалар

• Mar Ligure 2011 йыл 16 октябрь архивланған.