Үлмәҫбаева Тәнзилә Абдулла ҡыҙы

Тәнзилә Үлмәҫҡолова
Тыуған көнө:	14 март 1963({{padleft:1963|4|0}}-{{padleft:3|2|0}}-{{padleft:14|2|0}}) (61 йәш)
Тыуған урыны:	БАССР, Мәләүез районы, Баш Әлмәс ауылы
Гражданлығы:	СССР → Рәсәй Федерацияһы
Эшмәкәрлеге:	радиожурналист
Әҫәрҙәре яҙылған тел:	башҡорт
Премиялары:	Шәһит Хоҙайбирҙин исемендәге премия (2006)
Наградалары:	Башҡортостан Республикаһының атҡаҙанған матбуғат һәм киң мәғлүмәт саралары хеҙмәткәре (2003)

Үлмәҫбаева Тәнзилә Абдулла ҡыҙы (14 март 1963) — радиожурналист, Рәсәйҙең һәм Башҡортостан Республикаһының Журналистар союзы ағзаһы (1999). Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2003), Шәһит Хоҙайбирҙин исемендәге республика премияһы лауреаты (2006).

Биографияһы

Тәнзилә Абдулла ҡыҙы Үлмәҫбаева 1963 йылдың 14 мартында БАССР-ҙың Мәләүез районы Баш Әлмәс ауылында тыуған. Хәҙер был ауыл Башҡортостан Республикаһының Күгәрсен районына ҡарай һәм Әлмәс исемендә.

1988 йылда Михаил Ломоносов исемендәге Мәскәү дәүләт университетының журналистика факультетын тамамлаған. 1981—1982 йылдарҙа Күгәрсен районының «Хеҙмәткә дан» гәзите хәбәрсеһе. 1988 йылдан — «Башҡортостан» дәүләт телерадиокомпанияһы хеҙмәткәре. 1995 йылдан башлап «Даирә» ижади берекмәһе етәксеһе, 2000 йылдан «Башҡортостан» телерадиокомпанияһы дәүләт унитар предприятиеһының радио тапшырыуҙары студияһында баш мөхәррир.

Замандаштар тураһында тапшырыуҙар әҙерләүсе «Мосафир» ижади берекмәһе етәксеһе, ҡыҙыҡ яҙмышлы кешеләр һәм әхлаҡи ҡиммәттәр тураһында «Шәмсыраҡ», «Даирә» радио тапшырыуҙары авторы һәм алып барыусыһы.

Маҡтаулы исемдәре һәм башҡа бүләктәре

• Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2003)
• Башҡортостан Республикаһы Хөкүмәтенең Шәһит Хоҙайбирҙин исемендәге премияһы лауреаты (2006).

Һылтанмалар

• Ульмясбаева Танзиля Абдулловна // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.
• Тәнзилә Үлмәҫбаева менән Әхәт Мортазиндың ғаилә усағында. — «Башҡортостан ҡыҙы» журналы.