Мөхәмәтшин Фәһим Баязит улы

Википедия — ирекле энциклопедия мәғлүмәте
Перейти к навигации Перейти к поиску
Мөхәмәтшин Фәһим Баязит улы
Заты ир-ат
Гражданлығы Flag of Russia.svg Рәсәй
Тыуған көнө 28 июнь 1955({{padleft:1955|4|0}}-{{padleft:6|2|0}}-{{padleft:28|2|0}}) (64 йәш)
Тыуған урыны СССР, РСФСР, Башҡорт АССР-ы, Ишембай районы, Маҡар ауыл советы, Иҫәкәй
Ғилми дәрәжә юридик фәндәр докторы[d]

Фәһим Баязит улы Мөхәмәтшин (28 июнь 1955 йыл) — Рәсәй юрисы, юғары мәктәп уҡытыусыһы. Юридик фәндәр докторы (2005), профессор (2005). Башҡортостан Республикаһының атҡаҙанған юрисы (1999). «Рәсәй юристар ассоцияцияһы» Дөйөм Рәсәй йәмәғәт ойошмаһының Башҡортостан төбәк бүлексәһе рәйесе. Полиция генерал-майоры (2004)[1].

Биографияһы[үҙгәртергә | вики-тексты үҙгәртергә]

1974 йылда Совет Армияһы сафына саҡырыла, һауа-десант ғәскәрҙәрендә хеҙмәт итә.

1976 йылда СССР Эске эштәр министрлығы Саратов махсус урта милиция мәктәбенең тәфтиш хеҙмәткәрҙәрен әҙерләү бүлексәһенә уҡырға инә.

1978 йылда Өфө ҡалаһы Киров районы башҡарма комитеты эске эштәр бүлеге тәфтишсеһе булып эшләй башлай.

1981 йылда СССР Эске эштәр министрлығы Акадаемияһын тамамлай.

1985 йылда Өфө ҡалаһы Киров районы эске эштәр бүлегенең Тәүтикшереү отделениеһы начальнигы итеп тәғәйенләнә.

1987-1990 йылдарҙа СССР Эске эштәр министрлығы Академияһы адъюнктураһында уҡый.

1990 йылда енәйәт процессы проблемаһы буйынса кандидатлыҡ диссертацияһын яҡлай. Шул уҡ йылда Рәсәй Федерацияһы Эске эштәр министрлығы Өфө Юғары мәктәбендә енәйәт процессы һәм криминалистика кафедраһында уҡыта башлай.

1991 йылдан 1992 йылға тиклем — енәйәт процессы һәм криминалистика кафедраһының өлкән уҡытыусыһы. 1992 йылдан 1994 йылға тиклем — шул уҡ кафедраның доценты.

1994 йылда Рәсәй Федерацияһы Эске эштәр министрлығы Өфө Юғары мәктәбендә енәйәт процессы һәм криминалистика кафедраһы начальнигы, 1996-1998 йылдарҙа — Рәсәй Эске эштәр министрлығы Өфө юридик институтының енәйәт процессы һәм криминалистика кафедраһы начальнигы.

1998-2003 йылдарҙа — институт начальнигының уҡыу-уҡытыу эше буйынса урынбаҫары.

2003 йылда Рәсәй Эске эштәр министрлығы Өфө юридик институты начальнигы итеп тәғәйенләнә.

2004 йылда докторлыҡ диссертацияһын яҡлай.

1999 йылда «Башҡортостан Республикаһының атҡаҙанған юрисы» исеме бирелә.

Өфө ҡала советының ике саҡырылышы депутаты, законлылыҡ буйынса комиссия рәйесе була. 1999 йылда тәжрибә уртаҡлашыу һәм енәйәт-башҡарыу системаһының тәжрибәһен өйрәнеү өсөн Бөйөк Британияла була.

20032011 йылдарҙа Рәсәй Эске эштәр министрлығы Өфө юридик институты начальнигы[2]. «Рәсәй юристар ассоцияцияһы» яуаплылығы сикләнгән йәмғиәте Башҡортостан төбәк бүлексәһе рәйесе[3]. Башҡортостан Республикаһының юғары уҡыу йорттары ректорҙары советы составына инә[4]. «Правовое государство: теория и практика» журналы редколлегияһына инә[5]

Ғаиләһе[үҙгәртергә | вики-тексты үҙгәртергә]

Өйләнгән, ике улы бар.

Иҫкәрмәләр[үҙгәртергә | вики-тексты үҙгәртергә]