Насибуллина Минзиә Биктимир ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Насибуллина Минзиә Биктимир ҡыҙы
Заты ҡатын-ҡыҙ
Тыуған көнө 20 июнь 1948({{padleft:1948|4|0}}-{{padleft:6|2|0}}-{{padleft:20|2|0}})
Тыуған урыны СССР, РСФСР, Башҡорт АССР-ы, Бишбүләк районы
Вафат булған көнө 5 апрель 2021({{padleft:2021|4|0}}-{{padleft:4|2|0}}-{{padleft:5|2|0}}) (72 йәш)
Вафат булған урыны Рәсәй, Өфө
Һөнәр төрө бейеүсе
Эш биреүсе Фәйзи Ғәскәров исемендәге халыҡ бейеүҙәре ансамбле
Хөсәйен Әхмәтов исемендәге Башҡорт дәүләт филармонияһы
Башҡорт дәүләт академия драма театры

Минзия Биктимер ҡыҙы Насибуллина (20.06.1948 – 5.04.2021) – бейеүсе, Башҡортостандың атҡаҙанған артисы.

Биография[үҙгәртергә | вики-тексты үҙгәртергә]

Минзиә Биктимер ҡыҙы Насибуллина (Ханнанова) 1948 йылдың 20 июнендә Башҡортостандың Бишбүләк районы Саҡмағош ауылында (хәҙер ул ауыл юҡ) донъяға килгән. Ҡыҙға биш йәш тулғанда, атаһы вафат була. Әсәһе ике бала менән тол ҡала, шуға ҡарамаҫтан, ул балалар йортонан иренең тәүге никахтан тыуған улын да тәрбиәгә ала.

Минзиә Насибуллина тыуған ауылында 8-се класты тамамлағандан һуң, күрше Айыт мәктәбендә урта белем ала. Артабан үҙе уҡыған мәктәптә башланғыс кластар уҡытыусыһы булып эшләй. Артист булырға хыялланған Минзиә Стәрлетамаҡ мәҙәниәт-ағартыу училищеһына уҡырға инә, әммә матди сәбәптәр арҡаһында, ул ситтән тороп уҡыуға күсә.

Эшмәкәрлеге[үҙгәртергә | вики-тексты үҙгәртергә]

Шаян ҡыҙҙыр бейеүе.jpg

1965 йылда Минзиә Насибуллина Айыт ауылында клуб мөдире булып эшләй башлай, ә 1966 йылда район Мәҙәниәт һарайына методист һәм директор итеп тәғәйенләнә. Һәләтле ҡыҙ үҙешмәкәр сәнғәт түңәрәгендә шөғөлләнеүселәр менән бик күп фестивалдәрҙә ҡатнаша. Талантлы коллектив Һамар, Силәбе, Ульяновск ҡалаларында концерттар менән сығыш яһай.

1967 йылда Өфөлә ике айлыҡ курстарҙа уҡый һәм “Бейеү коллективының етәксеһе” тигән таныҡлыҡ ала. 1970 йылда Минзиә Нәсибуллина Өфө сәнғәт институтына уҡырға инә, сөнки унда профессиональ артист булыу хыялы шул тиклем көслө була. Һәләтле ҡыҙ театр факультетында уҡый башлағанда уҡ, Фәйзи Ғәскәров исемендәге халыҡ бейеүҙәре ансамбленә конкурс барыуын ишетә һәм үҙен һынап ҡарай. Минзиә Насибуллина комиссия ҡарамағына башҡорт халыҡ бейеүе “Заһиҙә”не тәҡдим итә, ә уның өҫтөндә Фәйзи Ғәскәровтың китабы буйынса үҙе теккән милли кейем була. Ҡыҙҙың үҙен ышаныслы тотоуын, түҙемлеген һәм сибәрлеген күреп, Хашим Мостаев уны данлыҡлы ансамблгә саҡыра.

1971 йылдың 20 мартында, ВЛКСМ-дың 40-йыллығы исемендәге Мәҙәниәт йортонда ул тәү тапҡыр самауыр менән «Шаян ҡыҙҙар» бейеүен башҡара. 18 йылдан ашыу сәхнәлә бейеүсе Минзиә Биктимер ҡыҙының репертуарында «Килен», «Димсе», «Кисен ҡапҡа янында», «Әсә образы» һ.б. бейеүҙәр бар.

Ф.Ғәскәров исемендәге бейеү ансамбленең Советтар Союзында да, сит илдәрҙә лә уңыш һәм дан ҡаҙаныуына Минзиә Биктимер ҡыҙы ла ҙур өлөш индерә. «Килен», «Яусы», «Бөрйән ҡыҙҙары», «Шаян ҡыҙҙар», «Ҡурай моңо саҡыра» кеүек бейеүҙәрен Франция һәм Италияла, Финляндия һәм Швейцарияла, Индия һәм Венгрияла һәм башҡа илдәрҙә көслө алҡыштарға күмәләр.[1]

Минзиә Нәсибуллина-Ханнанова 51 йәшендә ансамблдә бейеүҙән туҡтай, әммә мәҙәниәт өлкәһенән ситләшмәй. 1989-2002 йылдарҙа – филармонияла, 2002-2008 йылдарҙа М.Ғафури исемендәге Башҡорт драма театрында, ә 2008 йылдан Ф.Ғәскәров исемендәге дәүләт академия халыҡ бейеүҙәре ансамблендә баш администратор булып эшләй.

Ҡаҙаныштары[үҙгәртергә | вики-тексты үҙгәртергә]

Минзиә Насибуллина-Ханнанованың сағыу таланты союздаш республикалар дуҫлығы фестивалдәрендә бер нисә тапҡыр билдәләп үтелә. 1989 йылда Башҡортостан Республикаһының атҡаҙанған артисы тигән маҡтаулы исемгә лайыҡ була.


Минзиә Насибуллина-Ханнанова 2021 йылдың 5 апрелендә вафат булды. Өфөлә Мосолмандар зыяратында ерләнде.[2] Балалары – ҡыҙы Сулпан Башҡорт дәүләт университетын тамамлаған, дизайнер. Улы Руслан да юғары белемле - Өфө техник нефть университетын тамамлаған, бокс буйынса тренер.

Иҫкәрмәләр[үҙгәртергә | вики-тексты үҙгәртергә]

  1. [https://gaskarov-ensemble.ru/ensemble/veterans/469-nasibullina-minziya-biktimirovna Государственный академический ансамбль народного танца имени Файзи Гаскарова Республики Башкортостан]
  2. Дим буйҙары. Бишбүләк муниципаль районы гәзите. 29.04.2021