Нафиҡов Гәрәй Абдулла улы

Википедия — ирекле энциклопедия мәғлүмәте
Перейти к навигации Перейти к поиску
Гәрәй Абдулла улы Нафиҡов
Тыуған урыны

Өфө губернаһы, Бәләбәй өйәҙе, Сатый ауылы

Хеҙмәт иткән урыны

Совет Социалистик Республикалар Союзы СССР

Ғәскәр төрө

кавалерия

Хәрби звание
Майор
Командалыҡ итеү

294-се кавалерия полкы (артабан 3-се дәрәжә Суворов ордены 60-сы гвардия Ҡыҙыл байраҡ Томашув кавалерия полкы) 112-се Башҡорт кавалерия дивизияһы (16-сы гвардия Чернигов кавалерия дивизияһы)

Хәрби алыш/һуғыш

Мәскәү аҫтында алыш, Малоярослав шоссеһы,
Сталинград алышы

Гәрәй Абдулла улы (Аҫылгәрәй Абдулҡадир улы) Нафиҡов (25 август, 1907, Өфө губернаһы, Бәләбәй өйәҙенең Сатый ауылы (хәҙер — Башҡортостандың Миәкә районы) — 10 июль 1942, Курск өлкәһе, Лобановка ауылы) — совет военачальнигы. 112 Башҡорт кавалерия дивизияһының 294 полкы командиры..

Биографияһы[үҙгәртергә | вики-тексты үҙгәртергә]

Гәрәй Нафиҡов ярлы крәҫтиән ғаиләһендә тыуған. Өс йыллыҡ башланғыс мәктәпте тамамлаған.

1929 йылдың ноябрь айында Ҡыҙыл Армия сафына саҡырыла һәм ҡыҙылармеец сифатында Урта Азия Хәрби Округы 8-се айырым кавалерия бригадаһы запас полкына билдәләнә. Бында командование ярҙамында 6 айлыҡ үҙерлек курстар тамамлай һәм  Ташкент ҡалаһындағы Ленин исемендәге Берләшкән Урта Азия мәктәбенә уҡыуға инә. Хәрби мәктәп курсанты булараҡ Төркмәнстанда Ураҙгилде баҫмасылары менән көрәштә ҡатнаша.

1941 йылдың 30 сентябрендә Нафиҡов Г. А. 43-се Армияһының 4-се хәрби-ялан дивизияһы төҙөлөш батальоны командиры вазифаһында Мәскәү аҫтында Малоярослав шоссеһындағы ҡаты алышта ҡатнаша. 1941 йылдың 10 декабрендә 112-се Башҡорт кавалерия дивизияһын ойоштороу өсөн йүнәлтелә. 23 декабрҙә 112-се Башҡорт кавалерия дивизияһының 294-се полкы командиры итеп тәғәйенләнә.

1942 йылдың 2 июлендә полк Брянск фронты 3-се армияһы хәрби хәрәкәттәрендә, Сталинград һуғышы оборона алыштарында ҡатнаша.

Гәрәй Абдулла улы 1942 йылдың 10 июлендә Курск өлкәһенең Лобановка ауылын азат иткән саҡта батырҙарса һәләк була[1].

Гәрәй Нафиҡов Икенсе Тербуналарҙа туғандар ҡәберлегендә ерләнгән.


Наградалары[үҙгәртергә | вики-тексты үҙгәртергә]

Гәрәй Нафиҡов Ҡыҙыл байраҡ һәм Ҡыҙыл йондоҙ ордендары, исемле сәғәт менән наградлана.

Хәтер[үҙгәртергә | вики-тексты үҙгәртергә]

2012 йылдың 9 июлендә Тербун районында 112-се башҡорт кавалерия дивизияһының 29-сы кавалерия полкы командиры Гәрәй Нафиҡовтың һәләк булыуына 70 йыл тулыуы айҡанлы иҫтәлекле саралар үтте. Г. А. Нафиҡовты хөрмәтләп иҫкә алыу өсөн Башҡортостандан рәсми делегацияһы килде, шул иҫәптән, легендар командирҙың туғандары — уның ике ир туғаны[2].

Иҫкәрмәләр[үҙгәртергә | вики-тексты үҙгәртергә]