Вәлмөхәмәтов Радик Сәфәрғәле улы
| Вәлмөхәмәтов Радик Сәфәрғәле улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 12 февраль 1966[1] (58 йәш) |
| Тыуған урыны | Ташбулат, Әбйәлил районы, Башҡорт АССР-ы, РСФСР, СССР[1] |
| Һөнәр төрө | йырсы |
| Уҡыу йорто | Заһир Исмәғилев исемендәге Өфө дәүләт сәнғәт институты[1] |
| Әүҙемлек урыны | Х.Әхмәтов исемендәге Башҡорт дәүләт филармонияһы һәм Нефтекама дәүләт филармонияһы[1] |
| Маҡтаулы исемдәре һәм башҡа бүләктәре | |
Вәлмөхәмәтов Радик Сәфәрғәле улы (12 февраль 1966 йыл) — йырсы. 2003 йылдан хәҙерге Хөсәйен Әхмәтов исемендәге Башҡорт дәүләт филармонияһының «Йәдкәр» фольклор ансамбле солисы, 2005 йылдан — «Ихлас» эстрада төркөмө етәксеһе, 2007 йылдан «Эстрада легендалары» ретро-төркөмө вокалсыһы. Башҡортостан Республикаһының халыҡ артисы (2011), күп кенә халыҡ-ара һәм республика йыр конкурстары лауреаты.
Биографияһы
[үҙгәртергә | сығанаҡты үҙгәртеү]Радик Сәфәрғәле улы Вәлмөхәмәтов 1966 йылдың 12 февралендә Башҡорт АССР-ының Әбйәлил районы Ташбулат ауылында тыуған.
1991 йылда Өфө сәнғәт училищеһын (А. К.Мәсәлимова класы), 2001 йылда З. Исмәғилев исемендәге Өфө дәүләт сәнғәт академияһын тамамлай (Р. М. Мусина класы).
1991 йылдан «Таусылар» мәҙәниәт һарайы ансамблендә йырлай. 2003 йылдан «Йәдкәр» фольклор ансамблендә эшләй, ә 2005 йылдан Башҡорт дәүләт филармонияһында «Ихлас» төркөмөнә етәкселек итә. 2007 йылдан йырсы «Эстрада легендалары» ретро-төркөмө составында сығыш яһай[2].
2008 йылда Р. Вәлмөхәмәтовтың «Тыуған яҡты һағынам» аудиоальбомы сыҡты.
Яңғыҙ йырлау партиялары
[үҙгәртергә | сығанаҡты үҙгәртеү]Композиторҙар Хөсәйен Әхмәтов, Нур Дауытов, Заһир Исмәғилев, Салауат Низаметдинов, Рим Хәсәнов йырҙары; башҡорт халыҡ йырҙарын («Ильяс», «Сәлимәкәй», «Сибай», «Урал», «Эскадрон», «Хәтирә»), татар халыҡ йырҙары («Сәрмән», «Шахта») башҡара, «Урал моңо» (1993), «Яҙғы моңдар» (1995), «Туған тел» (2008; барыһы ла — Өфө), «Дуҫлыҡ йыры» (Нефтекама ҡалаһы, 1995) конкурстарында ҡатнаша.
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Башҡортостан Республикаһының халыҡ артисы (2011)
- Башҡортостан Республикаһының атҡаҙанған артисы (2003)
- Башҡорт йәштәренең «Урал моңо» республика конкурс‑фестивале лауреаты (1993)
- Башҡорт йырҙарын башҡарыусылар «Яҙғы моңдар» республика конкурсы (1995)
- Татар йырҙарын йәш башҡарыусыларҙың «Туған тел» конкурсы (2008)
- Башҡорт һәм татар йырҙарын башҡарыусыларҙың «Дуҫлыҡ йыры» халыҡ‑ара фестивале лауреаты (1995)
- Башҡорт халыҡ йырҙарын башҡарыусыларҙың «Ирәндек моңдары» төбәк конкурсы лауреаты (1997).
Иҫкәрмәләр
[үҙгәртергә | сығанаҡты үҙгәртеү]- ↑ 1,0 1,1 1,2 1,3 Башкирская энциклопедия (урыҫ) — Башкирская энциклопедия, 2005. — 4344 с.
- ↑ ЛЕГЕНДЫ ЭСТРАДЫ, ретро группа. Официальный сайт Башгосфилармонии (рус.) (Тикшерелеү көнө: 10 февраль 2021)
Һылтанмалар
[үҙгәртергә | сығанаҡты үҙгәртеү]- Вәлмөхәмәтов Радик Сәфәрғәле улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 10 февраль 2021)
- http://www.bashgf.ru/personalii/445/(недоступная ссылка)