Регги

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Регги
Йүнәлеше:

Регги

Сығышы:

Ритм-энд-блюз (Ритм-н-блюз) Джаз, Менто, Калипсо, Ска, Рокстеди

Барлыҡҡа килгән урыны һәм ваҡыты:

Ямайка Ямайка, айырыуса Кингстон, 1960-сы йылдар

Таралған йылдары:

Ямайка Ямайка, Бөйөк Британия Бөйөк Британия 1969—1972

Эсендәге жанрҙар:

Даб, Рагга, Дансхолл, Скинхэд-регги

Туғандаш жанрҙар:

Реггетон, 2 Tone Евро-регги

Сығарылма жанрҙар:

Трип-хоп, Драм-энд-бэйс

(аудио)
Crooked Cop
Lance Sitton
Ҡабат тыңлау өсөн ярҙам

Регги (рэгги, реггей[1][2]; ингл. reggae) — заманса музыка йүнәлеше, 1960-сы йылдарҙа Ямайкала барлыҡҡа килә, 1970-се йылдарҙан киң тарала[1].

Африка мәҙәниәтенә ярашлы, ритм, бейеү, музыка хәл һәм ваҡиғалар менән йәнәш килә. Шуға күрә регги бер үк ваҡытта бейеү, тыныс һәм ҡаршылыҡты белдереү музыкаһы була ала[1]. Ҡулланған инструменттар — электрогитара, бас-гитара, һуҡма, электроорган, ҡайһы саҡ — тынлы инструменттар. Танылған регги короле булып йырсы һәм йырҙар авторы Боб Марли һанала.[3]

Атамаһы[үҙгәртергә | вики-тексты үҙгәртергә]

«Реггей» терминының килеп сығышын төрлөсә аңлаталар. Беренсенән, инглиз һүҙбәйләнеше «рэггид-ритм» (ингл. regged rhythm — йыртыҡ, таушалған ритм), икенсеһе — Кингстонда (Ямайканың баш ҡалаһы) урам ҡатынының жаргон исеменән — «стреггей» (streggae). Шулай уҡ «регга» (regga) һүҙгә алына — Танганьикала банту телендә һөйләшкән негр ырыуы. Музыка телмәрендә тәү тапҡыр «реггей» һүҙе 1968 йылда, «Maytals» төркөмөнөң «Do the Reggae»[3] дискы сыҡҡанда, барлыҡҡа килә.

Килеп сығышы[үҙгәртергә | вики-тексты үҙгәртергә]

XX быуаттың икенсе яртыһында Ямайкалағы таралған музыка жанры менто (mento) булған. Ул йырҙарҙы берәҙәк йырсылар башҡарыр булған, йырҙар эсенә дини гимн спиричуэлс, эшселәр йырҙары, калипсо стиле һ.б. ингән. Менто халыҡ йыры булған, америка ауыл блюзына тиң[1].

Икенсе донъя һуғышынан һуң утрауға күбеһенсә Американан яңы музыка төрҙәре үтеп инә. Был ағым радиоалғыстың киң таралыуына бәйле. Ямайка кешеләренә ритм-н-блюз стилендә — Бо Дидли (Bo Didley), Фэтс Домино, Луис Джордан (Louis Jordan), Джеймс Браун, һуңынан рок-н-ролл (rock-n-roll) башҡарыусылар — Чак Берри, Литтл Ричард (Little Richard) һ.б. яҡын була[1].

1950-се йылдарҙа «Ямайка саунд системаһы» феномены килеп сыға. Күпселек халыҡтың ярлы булыу сәбәпле, ҡайһы бер зирәк ямайкалар көслө тауыш системаһы төҙөп, уны арбаға ҡуйып, ҡала, ауыл урамдары буйлап алып йөрөй, үҙенсәлекле дискотека ойоштора[1]

1950-се йылдар аҙағында ҡайһы бер эшҡыуарҙар шәхси музыка студияһын асып, урындағы йырсыларҙың пластинкаларын сығара. Ошо ваҡыттан алып Ямайка музыка индустрияһы баш ҡалаһы Кингстонда үҫешә. Тәүге пластинкаларҙа ритм-н-блюз йондоҙҙары: Деррик Морган (Derrick Morgan), Оуэн Грэй (Owen Gray), Джеки Эдвардс (Jackie Edwards) һ.б. тауыштары яҙыла[1].

Американ ритм-н-блюз стилен кариб ритмикаһына яҡынлатыр өсөн, ямайка музыканттары яңы стиль уйлап таба. Ска (ska) тип аталған стилгә бәүелеү хас, һуңынан был сифат реггига күсә. Көй йүнәлешен тынлы инструменттар алып бара. Иң билдәле төркөмдәр: «Скаталайтс» (Skatalites), «Ска Кингс» (Ska Kings) һәм «Соул Вендорз» (Soul Vendors). Шулай уҡ («Соулеттс»/Soulettes, «Блу Бастерз»/Blue Busters) вокал төркөмдәре иғтибар яулай. 1960-сы йылдар уртаһында «Скаталайтс» төркөмө менән бер нисә яҙманы Боб Марли эшләй.

Дискотекаларҙа ска-йырҙарҙы уйнатҡанда, «тауыш системаһы» хужалары уға үҙ аңлатмаһын өҫтәй (ул яңғыраған көй өҫтөнән әйтелә). Шулай итеп тостинг (toasting) жанры килеп сыға, үҙ сиратында ул хип-хоп формалашыуына өлөш индерә[1].

АҠШ-та ҡара халыҡтың үҙ хоҡуҡтары өсөн көрәшеүҙең киҫкенләшеүе, «Ҡара инҡилап», «Ҡара власть» (Black Power) ағымының үҫеше Ямайка музыкаһына йоғонто яһай. Ул ваҡытта яҙылған йырҙар тамырҙарға әйләнеп ҡайтырға, ҡара кешене иҙгән системаға ҡаршы торорға саҡыра. Регги йырҙары зыянһыҙ хистәрҙән Библия образдары һәм сюжеттары менән алмашына[1].

Боб Марли

1960—1970-се йылдарҙа «Апсеттерз» (The Upsetters), «Бёрнин Спиир» (Burning Spear), «Уэйлерз» (The Wailers) һәм «Эбиссинианс» (The Abyssinians)[1] регги-төркөмдәре билдәлелек яулай.

1970-се йылдар башында тәү планға Боба Марлиҙың «The Wailers» төркөмө сыға, уның өсөнсө студия альбомы донъяны шаҡ ҡатыра[1].

1970-се йылдарҙың утраһынан регги бар донъяға билдәле була, Боб Марли — стилдең символына әйләнә. Регги төрлө музыка стилдәре араһына үтеп инә, уның ритмикаһы тыңлаусыларҙы йәлеп итә.[1].

Фильмдар[үҙгәртергә | вики-тексты үҙгәртергә]

  • «Reggae» (1970) — документаль
  • «Шыраулы юл» (ингл. The Harder They Come) (1972) — нәфис
  • «Рокер» (ингл. Rockers) (1978) — нәфис
  • «Вавилон» (ингл. Babylon) (1980) — нәфис
  • «Кантримэн» (ингл. Countryman) (1982) — нәфис
  • «Reggae — The Story of Jamaican Music» (2002) — документаль
  • «Йәйғор» (2005) — документаль
  • «Made in Jamaica» (2006) — документаль
  • «Roots Time» (2006) — нәфис
  • «Марли» (2012) — документаль

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 1,2 1,3 1,4 1,5 1,6 1,7 1,8 1,9 Зайцев Александр Рэгги. Кругосвет. Тәүге сығанаҡтан архивланған 31 май 2012. 13 март 2012 тикшерелгән.
  2. Русский орфографический словарь Российской академии наук. Отв. ред. В. В. Лопатин.
  3. 3,0 3,1 Рэггей. Краткий энциклопедический словарь джаза, рок- и поп-музыки. Тәүге сығанаҡтан архивланған 31 май 2012. 13 март 2012 тикшерелгән.

Һылтанмалар[үҙгәртергә | вики-тексты үҙгәртергә]