Сабитов Рәшит Мәхмүт улы

Википедия — ирекле энциклопедия мәғлүмәте
(Рәшит Сабитов битенән йүнәлтелде)
Перейти к навигации Перейти к поиску
Рәшит Сабит
Сабитов Рәшит Мәхмүт улы
Тыуған көнө:

27 март 1937({{padleft:1937|4|0}}-{{padleft:3|2|0}}-{{padleft:27|2|0}}) (83 йәш)

Тыуған урыны:

Башҡорт АССР-ы Ғафури районы Яңғыҙҡайын ауылы

Эшмәкәрлеге:

Шағир, педагог

Наградалары:

РСФСР-ҙың матбуғат алдынғыһы.

Сабитов Рәшит Мәхмүт улы (27 март 1937 йыл) — башҡорт яҙыусыһы.


Биографияһы[үҙгәртергә | вики-тексты үҙгәртергә]

Ғафури районы Яңғыҙҡайын ауылында тыуған. Тыуған ауылында мәктәптә уҡыған ваҡытта уҡ стена гәзите редакторы була. Сөнки ул шиғырҙар яҙыу менән бергә, бик оҫта итеп һүрәт тә төшөрә. Бик матур килеп сыға гәзиттәре. Шул уҡ вакытта Рәшит район гәзитенә лә шиғырҙарын, мәктәп тормошонан хәбәрҙәрен ебәреп тора. Бара-тора «Пионер» (хәҙерге «Аманат») журналына ла яҙыштыра. Ул саҡтағы мөхәррир Шәриф Бикҡолдан: «Яҙышып тор, бәйләнеште өҙмә»,- тигән эстәлекле хаттар алыу уны ҡанатландыра. Ауылдарында мәктәпте тамамлағас, Стәрлетамаҡ ҡалаһындағы ауыл хужалығын механизациялау училищеһендә уҡып, киң профилле тракторист-машинист һөнәре ала, Яңғыҙҡайын МТС-нда эшләп ала. Ҡара диңгеҙ флотында өс йыл хәрби бурысын үтәгәндән һуң ул Урта Азия тарафтарына юллана. Унда Бохара ҡалаһы янында нефть эҙләү экспедицияһы идаралығында быраулаусы ярҙамсыһы булып хеҙмәт сынығуы ала. Аҙаҡ, кире Башҡортостанға ҡайта. 1967 йылда Башҡорт дәүләт университетын тамамлай һәм Ҡырмыҫҡалы районы Һәүәләй урта мәктәбендә татар теле һәм әҙәбиәте уҡытыусыһы булып эш башлай. Әммә уны ижад тарта. 1968 йылдан Өфөлә "Ҡыҙыл таң" гәзитенә эшкә килә. Артабанғы тормошо Өфө менән бәйле. 1975 йылдан "Пионер" журналына әҙәби хеҙмәткәр булып эшкә килә. 1979-1988 йылдарҙа Башҡортостан китап нәшриәте мөхәрирре, 1993- 1997 йылдарҙа "Заман-Башҡортостан" гәзитенең баш мөхәрирре урынбаҫары.

Ижад юлы[үҙгәртергә | вики-тексты үҙгәртергә]

«Йәшлегем йөҙө» исемле тәүге шиғырҙар йыйынтығы 1980 йылда баҫылып сыға. Артабан бер-бер артлы 1981 йылда «Ыласындар бейек оса», 1985 йылда «Ҡыйғаҡ‑ҡыйғаҡ ҡаҙ ҡысҡыра», 1988 йылда «Һүнгән йондоҙ яҡтыһы» хикәйәләр һәм повестар йыйынтыҡтары донъя күрә. Балалар өсөн яҙылған «Һаумы, мәктәп!» (1983), «Мин нефтсе булам — Я буду нефтяником» (1987) китаптары ла бар. Уның шиғырҙарына композиторҙар Н.Ғ.Сабитов, Д. Д.Хәсәншин, Х. Ф.Әхмәтов һ.б. йырҙар яҙған.

Тәржемәләр[үҙгәртергә | вики-тексты үҙгәртергә]

  • Уның әҫәрҙәре урыҫ, украин, ҡаҙаҡ телдәренә тәржемә ителгән.
  • Ул шулай уҡ, Д.Бедный, К. В. Иванов, М. Д. Львов һәм башҡа яҙыусылар әҫәрҙәрен башҡорт теленә тәржемә иткән.

Ҡаҙаныштары, бүләктәре[үҙгәртергә | вики-тексты үҙгәртергә]

  • РСФСР матбуғаты алдынғыһы - 1987;
  • Яҙыусылар берлеге ағзаһы - 1984;



Сығанаҡтар[үҙгәртергә | вики-тексты үҙгәртергә]