Савельев-Сас Александр Сергеевич

Савельев-Сас Александр Сергеевич
	Савельев-Сас Александр Сергеевич
Зат	ир-ат
Гражданлыҡ	СССР; Рәсәй
Тыуған көнө	26 сентябрь 1932
Тыуған урыны	Юламан, Талбазы ауыл Советы (Ауырғазы районы), Ауырғазы районы, Башҡорт АССР-ы, РСФСР, СССР
Вафат булған көнө	12 июнь 2021 (88 йәш)
Һөнәр төрө	яҙыусы, шағир, тәржемәсе

Савельев-Сас Александр Сергеевич (26 сентябрь 1932 йыл — 12 июнь 2021 йыл) — сыуаш шағиры, яҙыусы. Халыҡ мәғарифы алдынғыһы. М. Трубина, Ф. Кәрим, Ауырғазы район хакимиәтенең Ғәлимйән Ибраһимов исемендәге премиялар лауреаты. Рәсәй Яҙыусылар союзы ағзаһы (1994). Әлеге ваҡытта Башҡортостанда йәшәй һәм эшләй.

Биографияһы[үҙгәртергә | сығанаҡты үҙгәртеү]

Александр Сергеевич Савельев-Сас 1932 йылдың 26 сентябрендә Башҡорт АССР-ының Ауырғазы районындағы Юламан тигән сыуаш ауылында тыуа.

Ете йыллыҡ мәктәпте тамамлағандан һуң, туған колхозында эшләй. 1951—1954 йылдарҙа хәрби хеҙмәттә була. Киске мәктәпте тамамлап, Стәрлетамаҡ пединститутында юғары белем ала.

Туған мәктәбендә уҡыта, район гәзитендә эшләй.

Күп хикәйә һәм повестарын Чебоксарҙың гәзит-журналдарында баҫтыра. Уларҙың иң билдәлеһе — «Ют арăм» (Сит ҡатын) повесы. Әҙәбиәт хеҙмәткәре барлығы алты китап сығара.

Яҙыусының әҫәрҙәре урыҫ, татар, башҡорт телдәренә тәржемә ителгән.

Әҙип 2021 йылдың 12 июнендә вафат була.

Әҫәрҙәре[үҙгәртергә | сығанаҡты үҙгәртеү]

Китаптары: «Кама пысăкрах» — Кем бейегерәк (1975), «Ялти сукмаксем» — Ауыл һуҡмаҡтары (1981), «Кашкăр сукмакĕ» — Бүре һуҡмағы (1987), «Шăнкăравлă пĕкĕ» — Дөңгөрлө дуға (1993), «Сăвăсем» — Шиғырҙар (2000).

Әҙәбиәт[үҙгәртергә | сығанаҡты үҙгәртеү]

«Чăваш литературин антологийĕ», составители: Д. В. Гордеев, Ю. А. Силэм. Шупашкар, 2003. ISBN 5-7670-1279-2

Һылтанмалар[үҙгәртергә | сығанаҡты үҙгәртеү]

Про А. С. Савельева-Сас (сыуаш.)