Сыңғыҙхандың Цонжин-Болдогтағы статуяһы

Сыңғыҙхандың Цонжин-Болдогтағы статуяһы
Нигеҙләү датаһы	2008
Дәүләт	Монголия
Административ-территориаль берәмек	Налайх[d]
Төп тема	Сыңғыҙхан
Жанр	конная статуя[d]
Барлыҡҡа килгән, эшләнгән	тутыҡмай торған ҡорос[d]
Һүрәтләнгән объект	Ат, верховая езда[d], Сыңғыҙхан һәм ир
Бейеклеге/буйы	40 метр һәм 10 метр
Сыңғыҙхандың Цонжин-Болдогтағы статуяһы Викимилектә

Сыңғыҙхандың атлы статуяһы (монг. Чингис хааны морьт хөшөө) — Монголияла, Цонжин-Болдогта урынлашҡан Сыңғыҙхандың иң ҙур һәйкәлдәренең, донъялағы ҙур атлы статуяларҙың береһе.

Тасуирлама

Атлы статуяһы Улан-Баторҙың үҙәгенән көньяҡ-көнсығышҡа табан 54 километр алыҫлыҡта, Улан-Батор ҡалаһының Найлах административ районы составына ингән, Туве аймағынан, Туул йылғаһы ярынан алыҫ түгел, риүәйәттәр буйынса, Сыңғыҙ алтын ҡамсы тапҡан урында — Цонжин-Болдогта урынлашҡан. Скульптор Д. Эрдэнэбилэг статуя проектын архитектор Ж. Энхжаргал ҡатнашлығында эшләй. Монумент 2008 йылдың 8 сентябрендә рәсми асыла.

Статуяһының бейеклеге, ун метрлыҡ постаментты иҫәпкә алмағанда — 40 метр. Һын 250 тонна ауырлығындағы тутыҡмай торған ҡорос менән ҡапланған һәм Сыңғыҙхандан алып Лигдэнханға тиклем Монгол империяһы хандарын символлаштырыусы 36 колонна менән уратылған. Ике ҡатлы постаментта сәнғәт галереяһы, хунну дәүере музейы, бильярд залы, ресторандар, сувенирҙар кибете һәм конференц-зал урынлашҡан. Ат башында — күҙәтеү майҙансығы.

Тематик парк

Статуяның тирә-яғын монголдарҙың малға һалынған ырыу келәймәһе формаһында урынлашҡан ике йөҙ туристик тирмә менән тултырыу күҙаллана. Улар XIII быуат монгол көнкүрешенә арналған, алты: хәрби, һөнәрселек, шаманлыҡ, китап, хан һәм малсылыҡ секцияларына бүленгән тематик паркты тәшкил итергә тейеш. Шулай уҡ гольф уйнау яланын йыһазландырыу, яһалма күл эшләү, асыҡ һауалағы театр төҙөү планлаштырыла. Комплекс булдырыуға әле 28 миллиард ₮ тотонолған.

Галерея

• 
  Сыңғыҙхандың статуяһына илтеүсе төп юл
• 
  Сыңғыҙхандың статуяһындағы күҙәтеү майҙанынан тематик парк күренеше