Сәлимов Мөхәррәм Әхмәтша улы
| Сәлимов Мөхәррәм Әхмәтша улы | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 1 май 1935 (89 йәш) |
| Тыуған урыны | Белорет районы, Башҡорт АССР-ы, РСФСР, СССР |
| Һөнәр төрө | инженер, композитор |
| Маҡтаулы исемдәре һәм башҡа бүләктәре | |
Сәлимов Мөхәррәм Әхмәтша улы (1 май 1935 йыл) — инженер-металлург, үҙешмәкәр композитор. Белорет ҡалаһының башҡорт милли ойошмаларының әүҙем ағзаһы. Башҡорт АССР-ының атҡаҙанған мәҙәниәт хеҙмәткәре (1990).
Биографияһы
[үҙгәртергә | сығанаҡты үҙгәртеү]Мөхәррәм Әхмәтша улы Сәлимов 1935 йылдың 1 майында БАССР-ҙың Белорет районында Беҙәк-Әхмәр ауылында Әхмәтша Сәлимов ғаиләһендә тыуған. Әхмәтша Сәлимовтың Зәйнулла ишан менән осрашыуы тураһында хәтирәләр бар [1]
Хеҙмәт юлын бик иртә — Белорет металлургия комбинатында башлай. Ҡалалағы эшсе йәштәр киске урта мәктәбен тамамлай.
1965 йылда Магнитогорск тау-металлургия институтының киске факультетын тамамлай. Хаҡлы ялға сыҡҡансы ул Белорет металлургия комбинатында эшләй, бер үк ваҡытта үҙешмәкәрлектә әүҙем ҡатнаша.
- Мәҙәниәттә һәм йәмәғәт ойошмаларында эшмәкәрлеге
1972 йылдан Мөхәррәм Сәлимов ҡаланың Металлургтарҙың мәҙәниәт һарайында ҡурайсылар түңәрәге алып бара, халыҡ театрында уйнай.
1980 йылдан йырҙар яҙа башлай. Хәҙер инде йөҙҙән ашыу йыры бар, уларҙың яртыһынан күберәге — балалар өсөн. Улар Башҡортостан радио-телевидениеһынан яңғыратылып тора.
Белорет ҡалаһында Бөтә донъя башҡорттары ҡоролтайының урындағы бүлексәһен ойоштороусы, бер нисә йыл уның рәйесе рәйесе булып та һайлана.
1990 йылдан Белорет ҡалаһының Мәктәптән тыш үҫеш үҙәгенең Башҡорт балалары өсөн милли ижад клубы етәксеһе була. Балаларҙы ул ҡурай тартырға өйрәтә, үҙе яҙған йырҙар менән концерттар ҡуялар.
Мөхәррәм Әхмәтша улы республиканың төрлө төбәктәрендә халыҡ ижады буйынса сығыштар яһап йөрөй. ВЦСПС-тың күкрәккә таға торған «Үҙешмәкәр сәнғәттә уңыштары өсөн» билдәһе менән бүләкләнгән[2].
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- ВЦСПС-тың «Үҙешмәкәр сәнғәттә уңыштары өсөн» билдәһе (1984)
- Башҡортостандың атҡаҙанған мәҙәниәт хеҙмәткәре (1990)
Сығанаҡтар
[үҙгәртергә | сығанаҡты үҙгәртеү]- Белорецкая энциклопедия, 2007
- [1] 2018 йыл 19 март архивланған.
- Муса батыр ерендә [2] 2021 йыл 12 июль архивланған.
Иҫкәрмәләр
[үҙгәртергә | сығанаҡты үҙгәртеү]- ↑ Серле һыбайлы. -"Башҡортостан", 2019, 6 дек.
- ↑ Белорецкая энциклопедия, 2007 г
Аудио-видео
[үҙгәртергә | сығанаҡты үҙгәртеү]- YouTube сайтында Видео Сборник песен Мухарама Салимова
- YouTube сайтында Видео Мухаррям Салимов — автор песен, исполнитель кубаира. 2014 г.
- YouTube сайтында Видео Первый зональный конкурс на призы им. Мухарама Салимова
- YouTube сайтында Видео Мөхәрәм Сәлимов Ағай
- Салимов, Мухаррам Ахмедшинович — Кукушка зовет [Ноты : Песни : Для детей мл. шк. возраста]