Гарин Фёдор Данилович
| Гарин Фёдор Данилович | |
| Зат | ир-ат |
|---|---|
| Гражданлыҡ |
 СССР |
| Тыуған көнө | 10 февраль 1908 |
| Тыуған урыны |
Бәләбәй өйәҙе, Өфө губернаһы, Рәсәй империяһы[1] Һыуыҡҡул ауылы, Йәрмәкәй районы[1] |
| Вафат булған көнө | 1987 |
| Вафат булған урыны | Томск, Томск өлкәһе, РСФСР, СССР |
| Маҡтаулы исемдәре һәм башҡа бүләктәре |
  |
Гарин Фёдор Данилович (10 февраль 1908 йыл — 1987 йыл) — тимер юл эшсеһе. Бөйөк Ватан һуғышында ҡатнашыусы. 1945—1977 йылдарҙа Транссебер тимер юл магистраленең 233-сө төҙөлөш-монтаж поезы эшсеһе. Социалистик Хеҙмәт Геройы (1960).
Биографияһы[үҙгәртергә | сығанаҡты үҙгәртеү]
Фёдор Данилович Гарин 1908 йылдың 10 февралендә Өфө губернаһы Бәләбәй өйәҙе[2] Һыуыҡҡул ауылында тыуған. Башланғыс белемле. Милләте сыуаш.
1937 йылға тиклем шәхси хужалығында һәм «Националь» колхозында эшләй, 1937 йылдан — Йәрмәкәй районының «Еңеү» сәнәғәт артелендә эшсе. 1942 йылда Ҡыҙыл Армия сафына алына, Бөйөк Ватан һуғышында ҡатнаша. 1945 йылдан алып — Транссебер тимер юл магистраленең Кемерово өлкәһендә 233-сө төҙөлөш-монтаж поезының юл эшсеһе.
Фёдор Гарин Төньяҡ-Кавказ тимер юл магистрален аяҡҡа баҫтырыуҙа, Омск — Татарск, Барнаул — Кузнецк, Сталинск (Новокузнецк) — Абакан, Асино — Белый Яр тимер юлы участкаларын төҙөүҙә ҡатнаша.
Сталинск — Абакан тимер юл линияһын төҙөгәндә өлгәшкән ҙур хеҙмәт ҡаҙаныштары өсөн 1960 йылдың 19 майында СССР Юғары Советы Президиумы указы менән Фёдор Гаринға «Социалистик Хеҙмәт Геройы» исеме бирелә.
1968 йылда пенсияға сыға. 1987 йылда вафат була.
Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]
- Социалистик Хеҙмәт Геройы (1960)
- Ленин ордены (1960)
Әҙәбиәт[үҙгәртергә | сығанаҡты үҙгәртеү]
- Герои труда/ Справочник о Героях Социалистического Труда и кавалерах ордена Трудовой Славы трех степеней из Башкортостана./ сост. Р. А. Валишин [и др.]. — Уфа: Китап, 2011. — 432 с.: ил. — ISBN 978-5-295-05228-6.
- Башкирская энциклопедия. Гл. ред. М. А. т. 2. В-Ж. 2006. − 624 с. ISBN 5-88185-062-9.; науч. изд. Башкирская энциклопедия, г. Уфа.
Иҫкәрмәләр[үҙгәртергә | сығанаҡты үҙгәртеү]
- ↑ 1,0 1,1 Башкирская энциклопедия (урыҫ) — Башкирская энциклопедия, 2005. — 4344 с. — ISBN 978-5-88185-053-1
- ↑ хәҙер Башҡортостан Республикаһының Йәрмәкәй районы
Һылтанмалар[үҙгәртергә | сығанаҡты үҙгәртеү]
- Гарин Фёдор Данилович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 9 февраль 2023)
- Тимур Каримов. Гарин Фёдор Данилович. «Герои страны» сайты. Дата обращения: 9 июль 2016.
- ЧУВАШСКАЯ ЭНЦИКЛОПЕДИЯ. Гарин Фёдор Данилович (рус.) (Тикшерелеү көнө: 21 ноябрь 2018)