Хәжирә йыры (йыр)
| Хәжирә йыры | |
| Атамаһы | Хәжирә йыры |
|---|---|
| Сәнғәт формаһы | Йыр |
| Жанр | башҡорт халыҡ йыры[d] |
| Ил |
 Башҡорт АССР-ы |
| Әҫәрҙең теле | башҡортса |
«Хәжирә йыры», «Хәжирәкәй» — башҡорт халыҡ йыры, оҙон көй.
Тарихы
[үҙгәртергә | сығанаҡты үҙгәртеү]Йырҙың көйөн тәүләп Н. Шоңҡаров 1965 йылда БАССР-ҙың Учалы районы Туңғатар ауылында Г. Яҡуповтан яҙып алған. Лирик-эпик характерҙағы был йырҙың барлыҡҡа килеү ваҡытын ғалимдар XIX быуаттың беренсе яртыһына бәйләй.
Риүәйәткә ярашлы, йырҙы М. Я. Буҙыҡаевтың ҡыҙы Хәжирә сығарған. Уны 1-се мишәр кантоны Ихсан Азаматовтың улы Шаһишәрифкә кейәүгә биргәндәр. Хәжирәнең әсәһе, Буҙыҡаевтың беренсе ҡатыны Йәмилә (бәлки, Йоғра) ниндәйҙер ғәйебе өсөн каторгаға һөрөлгән була. Хәжирә үҙенең йырында яҡындарын хәтерләп моңлана, тыуған яғын һәм әсәһен һағына. «Хәжирә йыры»ның көйө «Азамат» йырының көйөнә тартым.
Башҡарыусылар
[үҙгәртергә | сығанаҡты үҙгәртеү]«Хәжирә йыры»н башҡарыусылар араһында С. М. Ильясов, Х.С. Йәнбирҙина [1] бар.
Әҙәбиәт
[үҙгәртергә | сығанаҡты үҙгәртеү]- Ильясов Спартак. «Күңелдәргә бигерәк зауҡы икән» «Ватандаш» журналы. 2007, №2 [2] 2019 йыл 26 октябрь архивланған..
- Хәжирә йыры (йыр) // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.