Хәҙисов Әхмәт Мостафа улы

Википедия — ирекле энциклопедия мәғлүмәте
Перейти к навигации Перейти к поиску
Хәҙисов Әхмәт Мостафа улы
Тыуған көнө 1905
Сәйәси фирҡә ағзаһы Советтар Союзы Коммунистар партияһы

Хәҙисов Әхмәт Мостафа улы (19051938) — журналист, Башҡортостандың күренекле партия һәм дәүләт эшмәкәре. Башҡортостан өлкә комсомол комитетының беренсе секретары (май 1929—ноябрь 1931). Сәйәси золом ҡорбаны (1938).

Хәҙисов Әхмәт Мостафа улы 1905 йылда БАССР-ҙың Учалы районындағы Ҡолош ауылында тыуған. 1920 йылда партия сафына инә. 1925—1926 йылдарҙа Туңғатар улус комитетының секретары булып эшләй. 1926−1927 йылдарҙа — Тамьян-Ҡатай кантоны комитетының инструкторы, ойоштороу бүлеге мөдире, секретарь урыбаҫары. 1927−1928 йылдарҙа — ВЛКСМ-дың Башҡортостан өлкә комитетының мәктәп төҙөлөшө бүлегенең мөдире, ойоштороу бүлеге мөдире. 1928—1929 йылдарҙа — «Йәш юҡһыл» һәм «Башҡортостан йәштәре» гәзиттәренең мөхәррире. 1929—1931 йылдарҙа — ВЛКСМ-дың Башҡортостан өлкә комитетының яуаплы секретары. 1931−1934 йылдарҙа — РКП(б)-ның Башҡортостан өлкә комитетының агитмасса бүлеге мөдире. 1934−1935 йылдарҙа — «Башҡортостан» гәзите мөхәрриренең урынбаҫары.

1935−1936 йылдарҙа Мәскәүҙә ВКП(б)-ның Үҙәк комитеты янындағы марксизм-ленинизм курстарында уҡый.

1936 йылда — РКП(б)-ның Башҡортостан өлкә комитетының инструкторы.

1936−1937 йылдарҙа Мәскәүҙә ИПИКП-ла уҡый.

1937 йылда — РКП(б)-ның Башҡортостан өлкә комитетының мәҙәниәт-ағартыу бүлеге мөдире.

1934 йылда СССР яҙыусыларының I съезында делегаты булараҡ ҡатнаша (кәңәшләшеү хоҡуғы менән)[1].

1937 йылда ҡулға алына. 1938 йылдың 19 апрелендә атып үлтерелә.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]