Әсәҙуллина Әлфиә Нәжип ҡыҙы

Әлфиә Әсәҙуллина
	Әлфиә Әсәҙуллина
	Әсәҙуллина Әлфиә Нәжип ҡыҙы
Тыуған көнө:	2 март 1959 (65 йәш)
Тыуған урыны:	Башҡорт АССР-ы Ауырғазы районы Үтәймулла ауылы
Гражданлығы:	→
Эшмәкәрлеге:	Шиғриәт

Википедияла Әсәҙуллина фамилиялы башҡа кешеләр тураһында мәҡәләләр бар.

Әсәҙуллина Әлфиә Нәжип ҡыҙы (2 март 1959 йыл) — башҡорт шағиры, 2004 йылдан Башҡортостан Республикаһының һәм Рәсәй Федерацияһының Яҙыусылар союздары ағзаһы. Башҡортостандың атҡаҙанған матбуғат һәм киң мәғлүмәт хеҙмәткәре (2010). Ауырғазы районының Ғәлимйән Ибраһимов исемендәге премияһы лауреаты (2013).

Биографияһы[үҙгәртергә | сығанаҡты үҙгәртеү]

Әлфиә Нәжип ҡыҙы Әсәҙуллина 1959 йылдың 2 мартында Башҡорт АССР-ының Ауырғазы районының Үтәймулла ауылында тыуған. Башланғыс кластарҙа уҡығанда уҡ шиғырҙар яҙа башлай. Республика гәзит-журналдарында, район гәзите "Ватан юлы"нда, «Йәш көстәр» альманахында баҫыла. 1982 йылда Башҡорт дәүләт университетына уҡырға керә.

Бер үк ваҡытта Башҡортостан китап нәшриәтендә (хәҙер Зәйнәб Биишева исемендәге «Китап» нәшриәте) эш башлай. Тәүҙә корректор була. 1992 йылдан алып балалар әҙәбиәте мөхәррире. 2005 йылдан балалар әҙәбиәте редакцияһы мөдире.

Ижади эшмәкәрлеге[үҙгәртергә | сығанаҡты үҙгәртеү]

Шағирә Әлфиә Әсәҙуллина «Күбәләк күлдәк ҡотлата», «Сайҡала сауҡалар», «Ҡояшҡа таж кейҙерәм», «Һанашмаҡтар», «Зоопарк килде беҙгә», «Һәр бер һөнәр кәрәкле», «Ысыҡлы ҡояш», «Хыял осошо» исемле балалар һәм өлкәндәр өсөн китаптар авторы.

Ваҡытлы матбуғатта баҫылған әҫәрҙәре һәм мәҡәләләре[үҙгәртергә | сығанаҡты үҙгәртеү]

Тарих һөйләй әҫәрҙәре. «Башҡортостан» гәзите, 2017, 1 март^[1].

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

Башҡортостандың атҡаҙанған матбуғат һәм киң мәғлүмәт хеҙмәткәре (2010)
Ғәлимйән Ибраһимов исемендәге премия лауреаты^[2]
Хеҙмәт ветераны.

Иҫкәрмәләр[үҙгәртергә | сығанаҡты үҙгәртеү]

↑ Тарих һөйләй әҫәрҙәре. , 2017, 1 март, 2017 йыл 1 май архивланған. (Тикшерелеү көнө: 2 март 2017)
↑ ОТДЕЛ КУЛЬТУРЫ И РАЙОННЫЙ ДВОРЕЦ КУЛЬТУРЫ АУРГАЗИНСКОГО РАЙОНА. Официальный сайт. ПРЕМИЯ ИМЕНИ ГАЛИМЗЯНА ИБРАГИМОВА (рус.) (Тикшерелеү көнө: 27 август 2018)

Сығанаҡтар[үҙгәртергә | сығанаҡты үҙгәртеү]

Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с., стр. 61. ISBN 978-5-295-06338-1 (рус.)
Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)
«Китап» нәшриәте сайтында

[1] Тарих һөйләй әҫәрҙәре. , 2017, 1 март, 2017 йыл 1 май архивланған. (Тикшерелеү көнө: 2 март 2017)

[2] ОТДЕЛ КУЛЬТУРЫ И РАЙОННЫЙ ДВОРЕЦ КУЛЬТУРЫ АУРГАЗИНСКОГО РАЙОНА. Официальный сайт. ПРЕМИЯ ИМЕНИ ГАЛИМЗЯНА ИБРАГИМОВА (рус.) (Тикшерелеү көнө: 27 август 2018)

[1]

[2]