Гаврилова Ольга Николаевна
| Гаврилова Ольга Николаевна | |
| рус. Ольга Гаврилова | |
| Зат | ҡатын-ҡыҙ |
|---|---|
| Гражданлыҡ |
 СССР Рәсәй |
| Спортта ил өсөн сығыш яһай |
СССР |
| Тыуған көнө | 8 февраль 1957[1] |
| Вафат булған көнө | 3 ғинуар 2022[2] (64 йәш) |
| Вафат булған урыны | Свободный (ҡала), Амур өлкәһе, Рәсәй[2] |
| Һөнәр төрө | метатель копья, тренер по лёгкой атлетике |
| Спорт төрө | Еңел атлетика |
| Спорт дисциплинаһы | метание копья[d] |
| Ҡатнашыусы | Кубок мира по лёгкой атлетике 1985[d] |
| Маҡтаулы исемдәре һәм башҡа бүләктәре |
 |
Гаврилова Ольга Николаевна (8 февраль 1957 йыл — 3 ғинуар 2022 йыл; кейәүҙәге фамилияһы Дрейко — СССР еңел атлеткаһы, һөңгө ырғытыу буйынса белгес. СССР йыйылма командаһы өсөн еңел атлетика буйынса 1980-се йылдар уртаһында сығыш яһай, Канберралағы Донъя Кубогында еңеүсе, милли әһәмиәтле беренселек призеры, Мәскәүҙә Изге ихтыяр уйындарында ҡатнашыусы. Ленинград һәм «Спартак» спорт йәмғиәте өсөн сығыш яһай. СССР-ҙың халыҡ-ара класлы спорт мастеры. Хәҙер — еңел атлетика буйынса тренер.
Биографияһы
[үҙгәртергә | сығанаҡты үҙгәртеү]Ольга Николаевна Гаврилова 1957 йылдың 8 февралендә тыуған.
Еңел атлетика менән Амур өлкәһе Свободный ҡалаһының урындағы 1-се балалар-үҫмерҙәр спорт мәктәбендә тренер В. Н. Шкап етәкселегендә шөғөлләнә башлаған. 1974 йылда Ленинградта тренер Л. Г. Анокина ҡулы аҫтында күнегеүҙәр үтә, «Спартак» ирекле спорт йәмғиәтенә ҡарап тора. 1980 йылда еңел атлетика многоборьеһы буйынса спорт мастеры нормативын үтәй, артабан бары тик һөңгө ырғытыуға бар көсөн йүнәлтә — А. И. Платоновтың шәкерте була[3].
1984 йылда бөтә союз кимәлендәге өлкәндәр өсөн миҙгелдә тәүге тапҡыр үҙе хаҡында һөңгө ырғытып белдерә, Адлерҙа уҙғарылған СССР ҡышҡы чемпионатында һөңгө ырғытыу буйынса көмөш миҙал яулай — бында бары тик Куйбышев спортсыһы Чистякова Ольганы ғына еңә алмай.
1985 йылда Адлерҙа СССР ҡышҡы чемпионатында һөңгө ырғытыу буйынса көмөш призер була — был юлы уны Могилевтан Коленчукова Наталья уҙып китә. Уңышлы сығыштары арҡаһында совет милли төп йыйылма командаһы составында ил намыҫын яҡлау хоҡуғына эйә булып, Канберралағы Донъя кубогында һөңгө ырғытыуҙа 66,80 метр һөҙөмтәһе менән шәхси зачетта еңеү яулай, шулай итеп ГДР-ҙан килгән буласаҡ Олимпия чемпионы Петра Фельканы еңә — 26 тапҡыр еңелмәй килгән Фелька беренсе тапҡыр еңелә һәм уның еңеү серияһы туҡтала. Гаврилованың еңеүе, шулай уҡ йәҙрә ташлаусы Наталья Лисовскаяның еңеүе команда зачетында совет ҡатын-ҡыҙҙар командаһына икенсе урынды биләргә мөмкинлек бирә.
Донъя кубогынан һуң Гаврилова Ольга СССР командаһы составында тағы ла күпмелер ваҡыт дауамында ҡала һәм байтаҡ эре Халыҡ-ара ярыштарҙа ҡатнаша. Шулай итеп, 1986 йылда ул Мәскәүҙә үткән Изге ихтыяр уйындарында ла ҡатнаша һәм һөңгөһөн 59,48 метрға ырғытыу һөҙөмтәһе менән дүртенсе урынды биләй.
Юғары спорт һөҙөмтәләре өсөн Ольга Николаевна Гавриловаға «СССР-ҙың халыҡ-ара класлы спорт мастеры» маҡтаулы исеме бирелә.
Һуңынан О. Н. Гаврилова Свободный ҡалаһының 1-се балалар-үҫмерҙәр спорт мәктәбендә еңел атлетика буйынса тренер булып эшләй[4][5].
Иҫкәрмәләр
[үҙгәртергә | сығанаҡты үҙгәртеү]- ↑ Olga Gavrilova // https://worldathletics.org/athletes/-/14346328
- ↑ 2,0 2,1 https://www.teleport2001.ru/news/2022-01-04/140468-ushla-iz-zhizni-master-sporta-sssr-amurskiy-trener-olga-dreyko.html
- ↑ Гаврилова Ольга. offsport.ru. Дата обращения: 17 апрель 2020.
- ↑ Владимир Смирнов. 9 апреля в Свободном пройдет Дальневосточный турнир по легкой атлетике на призы Валентина Николаевича Шкапа. амурспорт.ру (8 апрель 2016). Дата обращения: 17 апрель 2020.
- ↑ … И рекорд не устоял. амурспорт.ру (31 ғинуар 2020). Дата обращения: 17 апрель 2020.