Ҡәғбә

Ҡәғбә, (ғәр. الكعبة المشرفة‎) - Мәккә ҡалаһында, Мәсжид әл-Хәрәмдең уртаһында урынлашҡан, мосолмандар өсөн изге бер бина. Намаҙ ҡылған кеше ғибәҙәтен Ҡәғбә яғына ҡарап башҡарырға тейеш. Хаж ғибәҙәтенең төп шарттарынан береһе булып Ҡәғбә тирәләй әйләнеп сығыу тора.

Ҡәғбә тураһында

1 - Ҡара таш (ғәр. حجر أسود‎, Хәжәрүл әсвәд), 2 - Ҡәғбәнең кереше, 3 - улаҡ (ғәр. مزراب‎, Мизраб), 4 - шадырван, 5 - әл-хәтыйм, 6 - мөлтазам, 7 - Мәкамы Ибраһим, 8 - Шәркый, 9 - Йәмәни, 10 - Шами (Сүриә), 11 - Гыйраки, 12 - Ҡәғбәнең кисвәсе, 13 - тауафтың башланыуын белдереүсе таҫма, 14 - Мәкамы Ябраил

• Ҡәғбәнең координаталары 21°25′24″N, 39°49′24″E.
• Ҡәғбәнең үлсәмдәре: төньяҡ-көнсығыш яғы- 12.63 м; төньяҡ-көнбайыш яғы - 11.03 м; көньяҡ-көнбайыш яғы - 13.10 м; көньяҡ-көнсығыш яғы - 11.22 м оҙонлокта һәм бейеклеге 13 метр. 145 м²лыҡ майҙанды биләп тора.

Ҡәғбәнең бер яҡ стенаһына тышҡы яҡтан "ҡара таш" индереп урынлаштырылған.Ҡәғбә тыш яҡтан киҫүә менән ҡапланған. Икенсе быуатта уҡ грек географы Птоломей, Мокарәбәлә (Мәккә ул саҡта шулай аталған) мәжүси ғәрәптәрҙең изге урыны бар тип яҙа. Риүәйәттәргә ҡарағанда, ул ваҡытта был изге урын таш диуар менән әйләндереп тура мөйөшлө йорт булғанлығы әйтелә.