Аҙнабаева Флүрә Фәтхи ҡыҙы

Флүрә Фәтхи ҡыҙы Аҙнабаева
Тыуған көнө	29 март 1937({{padleft:1937|4|0}}-{{padleft:3|2|0}}-{{padleft:29|2|0}}) (87 йәш)
Тыуған урыны	Силәбе өлкәһе, Сосновка районы, Туҡтыбай ауылы
Ил	СССР, Рәсәй
Альма-матер	Башҡорт дәүләт университеты (1961)
Ниндәй өлкәлә танылған	дәреслектәр төҙөүсө

Аҙнабаева Флүрә Фәтхи ҡыҙы (29 март 1937 йыл) — башҡорт педагог-методисы, педагогия фәндәре кандидаты (1988).

Биографияһы

Флүрә Фәтхи ҡыҙы Аҙнабаева 1937 йылдың 29 мартында Силәбе өлкәһе Сосновка районы Туҡтыбай ауылында тыуған.

1961 йылда Башҡорт дәүләт университетын тамамлай.

1961—1962 йылдарҙа Белореттың 1-се урта мәктәбендә уҡыта.

1962 йылдан алып «Башҡортостан уҡытыусыһы» журналы хеҙмәткәре, «Русский язык в башкирской школе» журналының яуаплы секретары.

1986 йылдан башлап Рәсәй Федерацияһының Милли мәғариф проблемалары институтының Башҡортостан филиалында өлкән ғилми хеҙмәткәр, 1993 йылдан — мөдир, бер үк ваҡытта 1999—2006 йылдарҙа Башҡортостан мәғарифты үҫтереү институты уҡытыусыһы.

Ғилми эшмәкәрлеге

Фәнни тикшеренеүҙәре башҡорт мәктәптәренең башланғыс кластарында рус телен уҡытыуҙың яңы технологияларына, үҫтереүсе белем биреү проблемаларына арналған. 70-тән ашыу фәнни һәм уҡытыу-методик хеҙмәт, шул иҫәптән башҡорт мәктәптәренең башланғыс кластары өсөн рус теле дәреслектәре авторы.

Хеҙмәттәре

• Русский язык: учеб. для 1 класса башкир.шк. — Уфа, 2000;
• Русский язык: учеб. для 4 класса башкир. шк. — Уфа, 2000;
• Русский язык; учеб. для 3 класса башкир. шк. по системе развивающего обучения Д. Б. Эльконина — В. В. Давыдова. — Уфа, 2009 (авторҙ.).

Маҡтаулы исемдәре һәм башҡа бүләктәре

• Башҡортостан Республикаһының атҡаҙанған халыҡ мәғарифы хеҙмәткәре (1993).

Һылтанмалар

• Аҙнабаева Флүрә Фәтхи ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 28 март 2022)