Бочвар Анатолий Михайлович

Бочвар Анатолий Михайлович
Зат	ир-ат
Гражданлыҡ	Рәсәй империяһы  СССР
Тыуған көнө	17 (29) август 1870
Тыуған урыны	Радомышль[d], Радомысльский уезд[d], Киевская губерния[d], Рәсәй империяһы
Вафат булған көнө	11 сентябрь 1947({{padleft:1947|4|0}}-{{padleft:9|2|0}}-{{padleft:11|2|0}}) (77 йәш)
Вафат булған урыны	Мәскәү, СССР
Ерләнгән урыны	Мәскәүҙәге Дон зыяраты[d]
Балалары	Андрей Анатольевич Бочвар[d]
Һөнәр төрө	университет уҡытыусыһы
Эш урыны	Н. Э. Бауман исемендәге Мәскәү дәүләт техник университеты Рәсәй химия-технология университеты Г. В. Плеханов исемендәге Рәсәй иҡтисад университеты Мәскәү тау академияһы Дәүләт төҫлө металдар һәм алтын университеты
Уҡыу йорто	Н. Э. Бауман исемендәге Мәскәү дәүләт техник университеты
Аспиранттар	Андрей Анатольевич Бочвар[d] һәм Иван Иванович Сидорин[d]
Маҡтаулы исемдәре һәм башҡа бүләктәре

Анатолий Михайлович Бочвар (1870—1947) — совет металл белгесе, Мәскәү металл белеме мәктәбенә нигеҙ һалыусы, профессор (1917), РСФСР-ҙың атҡаҙанған фән һәм техника эшмәкәре (1933).

Биографияһы

1870 йылдың 17 авгусында 1877 йылда вафат булған ҡала табибы ғаиләһендә тыуған. Ул 14 йәшендә генә уҡый башлай. 1891 йылда Санкт-Петербург беренсе реаль училищеһын тамамлағас, Мәскәү техник училищеһының инженер-технология бүлегенә уҡырға инә, уны 1897 йылда инженер-технолог һөнәре алып ҡыҙыл диплом менән тамамлай. Ул лаборант сифатында органик булмаған матдәләрҙең химик технологияһы кафедраһында ҡалдырыла.

1898 йылдың сентябренән училищела технология, 1901 йылдан — металлургия уҡыта башлай; 1902 йылдың ноябренән өҫтәмә рәүештә 5-се курста махсус проектлау уҡыта. 1902 йылдан металлургия лабораторияһы менән етәкселек итә.

1908 йылда Мәскәүҙә беренсе металлография лабораторияһын ойоштора һәм металлография курсын уҡый башлай. 1917 йылдан Мәскәү техник училищеһының металлургия һәм металл белеме кафедраһы буйынса экстраординар профессор.

Шул уҡ ваҡытта, 1907 йылдан башлап, ул Мәскәү коммерция институтында тауар фәне һәм минераль матдәләр технологияһы курсы уҡыта, унда 1913 йылдың майынан ул махсус лаборатория мөдире һәм химия технологиялары кафедраһы доценты булып тора. 1910-сы йылдарҙа Мәскәү Сәнәғәт училищеһында уҡыта. 1919-1930 йылдарҙа ул шулай уҡ Мәскәү тау академияһында төҫлө металлдар металлографияһы кафедраһын етәкләй.

1930 йылда Мәскәү төҫлө металл һәм алтын институтына күсә, һәм унда төҫлө металдарҙың махсус металлографияһы курсын уҡый һәм металлография лабораторияһын етәкләй.

Уҡытыусы хеҙмәте менән бер рәттән, ул ҡара һәм төҫлө металлургия өлкәһендә киң тикшеренеүҙәр алып бара. Уның төп эше — аҡ антифрикцион эретмәләр, ҡорос суйындар, һоро суйындарҙы термик эшкәртеү буйынса. Авиация өсөн бер нисә яңы еңел иретмәләр булдыра. А. М. Бочвар тарафынан башҡарылған подшипник иретмәләрен тикшеренеүҙәре ҙур танылыу ала, ул эшләгән Баббит (Б-16) меңләгән тонна аҡҡурғашты экономияларға мөмкинлек бирә.

Ул 1947 йылдың 11 сентябрендә Мәскәүҙә вафат була. Ул яңы Донский зыяратының төньяҡ-көнсығыш мөйөшөндә-ҡатыны Ольга Петровна менән бергә ерләнгән (1875-1951). Уларҙың улы Андрей Анатольевич Бочвар - СССР Фәндәр академияһы академигы, күренекле совет металлургы, Совет атом сәнәғәтенә нигеҙ һалыусыларҙың береһе.

Маҡтаулы исемдәре һәм бүләктәре

- Ленин ордены (28.08.1945)

- «Почёт Билдәһе» ордены

- РСФСР-ҙың атҡаҙанған фән һәм техника эшмәкәре

Әҙәбиәт

• Волков В. А., Куликова М. В. Московские профессора XVIII — начала XX веков. Естественные и технические науки. — М.: Янус-К; Московские учебники и картолитография, 2003. — С. 37. — 294 с. — ISBN 5—8037—0164—5.
• Бочвар, Анатолий Михайлович // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

Һылтанмалар

• Биография(недоступная ссылка) Калып:Недоступная ссылкалып:Недоступная ссылка
• Биография