Вафин Мэлс Ғәҙел улы
| Вафин Мэлс Ғәҙел улы | |
| Зат | ир-ат |
|---|---|
| Гражданлыҡ |
 СССР |
| Тыуған көнө | 7 март 1947[1] (77 йәш) |
| Тыуған урыны | Иҫке Яҡшый, Балтаc районы, Башҡорт АССР-ы, РСФСР, СССР[1] |
| Һөнәр төрө | рәссам |
Вафин Мэлс Ғәҙел улы (7 март 1947 йыл), педагогик хеҙмәт ветераны, рәссам, график. 1981—1995 йылдарҙа Өфөләге хәҙерге 155-се лицей уҡытыусыһы, 1996—2007 йылдарҙа Орджоникидзе районының Балалар ижады үҙәге директоры. 2002 йылдан Рәсәй Федерацияһының һәм 1996 йылдан Башҡортостан Республикаһының Рәссамдар союздары ағзаһы Башҡортостан Республикаһының атҡаҙанған мәҙәниәт хеҙмәткәре (1993).
Биографияһы[үҙгәртергә | сығанаҡты үҙгәртеү]
Мэлс[2] Ғәҙел улы Вафин 1947 йылдың 7 мартында Башҡорт АССР-ының Балтас районы Иҫке Яҡшый ауылында уҡытыусы ғаиләһендә тыуған.
Мәктәптә урта белем алғас, Башҡортостан Художество фондында, төҙөлөш ойошмаһында рәссам-биҙәүсе булып эшләй.
1967 йылда Н. К. Крупская исемендәге Мәскәү ситтән тороп уҡыу халыҡ сәнғәт университетының рәсем һәм һынлы сәнғәт факультетын, 1980 йылда — Түбәнге Тагил дәүләт педагогия институтының (артабан дәүләт социаль-педагогия академияһы, 2013 йылдан Екатеринбургтағы Рәсәй дәүләт һөнәри-педагогия университетының филиалы[3] сәнғәт-графика факультетын тамамлай.
1981—1995 йылдарҙа Өфөләге 5-се сәнғәт-сәнәғәт училищеһында (артабан 155-се лицей, хәҙер Өфө художество-гуманитар колледжы) рәсем һәм һынлы сәнғәт уҡытыусыһы.
1996—2007 йылдарҙа Өфө ҡалаһы Орджоникидзе районының Балалар ижады үҙәге мөдире була.
Ижади эшмәкәрлеге[үҙгәртергә | сығанаҡты үҙгәртеү]
Рәссам ижадының төп жанрҙары — графика, портрет һәм пейзаж. Ул майлы быяу, төҫлө аҡбур менән эшләй. Картиналарында ваҡ ҡына деталгә лә оло мәғәнә һала. Яҙған портреттарында кешенең тышҡы ҡиәфәте һәм йөҙ-битенә ҡарағанда тәү сиратта уның эске донъяһын, уй-кисерештәрен һәм, әлбиттә, холоҡ-фиғелен асыуға ныҡ иғтибар бирә.
Пейзаждарында ауыл темаһы тәүге урынды алып тора: «Йәй» (Лето), «Февраль. Зәңгәрһыу көн» (Февраль. Лазурный день), «Тыуған урамға баҫма» (Мостик на родную улицу), «Ямғырҙан һуң» (После дождя), «Иртәнге көтөү» (Утреннее стадо), «Атай йорто. Иртәнге оҙатыу» (Отчий дом. Утренние проводы), «Йома көн — пятничный день».
Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]
- Башҡортостан Республикаһының атҡаҙанған мәҙәниәт хеҙмәткәре (1993)
- Башҡортостан Рәссамдар союзы дипломы (2009)
Иҫкәрмәләр[үҙгәртергә | сығанаҡты үҙгәртеү]
- ↑ 1,0 1,1 http://www.shrb.ru/painting/vafin.htm
- ↑ Мэлс — Маркс, Энгельс, Ленин, Сталин фамилияларының беренсе хәрефтәреннән төҙөлгән исем
- ↑ Приказ МОиН РФ № 1002 от 28.08.2013
Һылтанмалар[үҙгәртергә | сығанаҡты үҙгәртеү]
- Художники и искусствоведы: Вафин Мэлс Гаделович (Уфа). РО ВТОО «Союз художников России» Республики Башкортостан. Официальный сайт (рус.) (Тикшерелеү көнө: 28 март 2022)