Вәлинуров Ринат Ғаян улы

Википедия — ирекле энциклопедия мәғлүмәте
Перейти к навигации Перейти к поиску
Отсутствует элемент Викиданных

Вәлинуров Ринат Ғаян улы (27.05. 1952, БАССР‑ҙың Асҡын районы Асҡын ауылы) — психиатр. Медицина фәндәре докторы (1999), профессор (2000). Рәсәй Федерацияһының (1995) һәм БАССР-ҙың (1989) атҡаҙанған табибы, СССР- ҙың (1988), Рәсәй Федерацияһының (2007), Башҡортостан Республикаһының (2009) һаулыҡ һаҡлау отличнигы.

Биографияһы[үҙгәртергә | вики-тексты үҙгәртергә]

Вәлинуров Ринат Ғаян улы 1952 йылдың 27 майында БАССР‑ҙың Асҡын районы Асҡын ауылында тыуған. 1976 йылда Башҡорт дәүләт медицина институтын тамамлағандан һуң 1‑се Республика психиатрия дауаханаһында эшләй: 1979 йылдан алып бүлек мөдире, 1980 йылдан — 2‑се филиал мөдире; 1982 йылдан башлап Башҡортостан Республикаһы Һаулыҡ һаҡлау министрлығының баш табибы, бер үк ваҡытта 1996 йылдан алып баш психиатры һәм 1997 йылдан башлап БДМУ‑ла уҡыта.

Башҡортостан Республикаһы психиатрҙары ассоциацияһы президенты (1996 йылдан алып). Башҡортостан Республикаһы Дәүләт Йыйылышы— Ҡоролтайҙың 4‑се саҡырылыш депутаты.

2012 йылдың 23 майындағы Башҡортостан Республикаһы Дәүләт Йыйылышы — Ҡоролтай Президиумы ҡарары менән Социаль сәйәсәт һәм һаулыҡ һаҡлау буйынса комитет ағзаһы, 1-се Республика психиатрия дауаханаһының баш табибы Вәлинуров Ринат Ғаян улы «Башҡортостан Республикаһы ҡануниәтен үҫтереүгә айырым өлөш индергән өсөн» Почет билдәһе менән бүләкләнә.

Ижади эшмәкәрлеге[үҙгәртергә | вики-тексты үҙгәртергә]

Вәлинуров Ринат Ғаян улының фәнни тикшеренеүҙәре ғәҙәттән тыш хәлдәрҙә һәм һәләкәттәрҙә зыян күргәндәргә, шулай уҡ ауыр енәйәттәр ҡылған психик ауырыуҙарға медицина‑психологик һәм психиатрик ярҙам ойоштороу проблемаларына арналған. Ринат Ғаян улы ҡатнашлығында 1‑се Психиатрия дауаханаһында локаль һуғыштарҙа алған йәрәхәттәрҙән һуң стрестан ҡаҡшағандарҙы реабилитациялау өсөн тергеҙеү бүлеге асылған. 200‑ҙән ашыу фәнни хеҙмәт авторы.

Хеҙмәттәре[үҙгәртергә | вики-тексты үҙгәртергә]

  • Семейная психотерапия. Өфө, 2009 (авторҙаш).

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • Рәсәй Федерацияһының атҡаҙанған табибы (1995)
  • БАССР-ҙың атҡаҙанған табибы (1989)
  • СССР- ҙың һаулыҡ һаҡлау отличнигы (1988)
  • Рәсәй Федерацияһының һаулыҡ һаҡлау отличнигы(2007)
  • Башҡортостан Республикаһының һаулыҡ һаҡлау отличнигы (2009)
  • «Башҡортостан Республикаһы ҡануниәтен үҫтереүгә айырым өлөш индергән өсөн»

Почет билдәһе 2012

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]