Гоголев Кронид Александрович
| Гоголев Кронид Александрович | |
 | |
| Тыуған көнө | |
|---|---|
| Вафат булған көнө | |
| Ил | |
 Гоголев Кронид Александрович Викимилектә | |
Кронид Александрович Гоголев (1926 йылдың 13 июле, Прутское ауылы, Новгород губернаһы — 2013 йылдың 10 апреле, Сортавала, Карелия Республикаһы) - Россия Федерациясының халыҡ рәссамы, Россия Дәүләт премияһы лауреаты, РСФСР һәм Карелия Бассрҙың атҡаҙанған мәҙәниәт хеҙмәткәре.
Биография
[үҙгәртергә | сығанаҡты үҙгәртеү]Кронид Гоголев 1926 йылдың 13 июлендә Новгород губернаһы Прутское ауылында дин әһеле ғаиләһендә тыуа.
1941 йылда ете йыллыҡ мәктәп мәктәпте тамамлай. 16 йәштә фронтҡа эләгә, Бөйөк Ватан һуғышын үтә, 1950 йылда демобилизациялана.
1953-1957 йылдарҙа Ленинград сәнғәт-график педучилищеһында уҡый, уны тамамлағас, Карелияға саҡырыу буйынса Кистень ҡасабаһына китә. 1961 йылдан Сортавала ҡалаһының балалар сәнғәт мәктәбендә рәсем уҡытыусыһы булып эшләй. 1966 йылда Т.А. Гоголев ситтән тороп Герцен исемендәге университеттың сәнғәт-графика факультетын тамамлай.
Рәссам беренсе тапҡыр ағасҡа мөрәжәғәт итә, бер аҙҙан ул уның ижадының төп материалына әүерелә. 1985 йылда Кронин Гоголев Карелия Рәссамдар берлегенә ҡабул ителә. 1989 йылда Сортавалала рәссамдың шәхси күргәҙмә залы асыла.
Т.А. Гоголев эштәре Мәскәүҙә декоратив-ғәмәли сәнғәт музейында, политехника музейында, Санкт-Петербург этнография музейында, Валаам утрауында музейҙа, АҠШ, Япония, Германия, Финляндия, Швецияның шәхси коллекцияларында урынлашҡан. Айырым алғанда, рәссамдың әҫәрҙәре Владимир Путин, Борис Ельцин, Анатолий Чубайс һәм башҡа бик күп танылған Россия һәм сит ил шәхестәренең шәхси коллекцияларында бар.
2013 йылдың 10 апрелендә Сортавала ҡалаһында вафат була.
Ижады
[үҙгәртергә | сығанаҡты үҙгәртеү]Кронид Гоголев күп һанлы матур картиналар, ағас скульптуралар авторы, әммә уға ағас буйынса рельефлы резьба менән башҡарылған эштәр ҙур танылыу килтерә.
Ҡағиҙә булараҡ, резьба композиция рәссам тарафынан махсус әҙерләнгән йүкә тында, монолит техникала — клеен детальдәр ҡулланмайса башҡарылған. Рәссам , айырым алғанда, ҡышҡы осорға арналған әҫәрҙәр өсөн тәфсирҙәр ҡалдырғанда ағас төҫмөрҙәре менән ҙур эш алып бара.
Гоголев эштәре урыҫ төньяғына, урыҫ төньяҡ тәбиғәтенә, халыҡ көнкүрешенә арналған. Рәссам ижадындағы әкиәт сюжеттарынан тыш, Сортавала, Петрозаводск, Валаам арналған эштәр ҙә табырға була, библия сюжеттары ла, «Калевала» эпосы мотивтары буйынса композициялар ҙә табылған.
Сығанаҡтар
[үҙгәртергә | сығанаҡты үҙгәртеү]- Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. — 400 с. : ил.,карт. — стр. 256 ISBN 978-5-8430-0123-0 (т. 1)
- Кронид Гоголев. Каталог выставки. Петрозаводск, 1986
- Кронид Гоголев: [Альбом] / Авт. текста Л. Барыкина. Петрозаводск, 2003
- Судаков В. Кронид Гоголев // «Север». 2006. № 7—8.