Голубков Николай Николаевич

Википедия — ирекле энциклопедия мәғлүмәте
Перейти к навигации Перейти к поиску
Голубков Николай Николаевич
Заты ир-ат
Хеҙмәт итеүе СССР
Тыуған көнө 25 апрель 1920({{padleft:1920|4|0}}-{{padleft:4|2|0}}-{{padleft:25|2|0}})[1]
Тыуған урыны Рәсәй, Бәләбәй районы
Вафат булған көнө 9 август 1945({{padleft:1945|4|0}}-{{padleft:8|2|0}}-{{padleft:9|2|0}}) (25 йәш)
Вафат булған урыны Маньчжоу-го[d], Саньцзян[d], Фуюань[d]
Ерләнгән урыны Хабаровск
Һөнәр төрө яугир
Маҡтаулы исемдәре һәм башҡа бүләктәре
Ленин ордены Советтар Союзы Геройы I дәрәжә Ватан һуғышы ордены
Һуғыш/алыш Совет-япон һуғышы[d]
Юғалтыуҙың хәрби классификацияһы яуҙа һәләк була[d]

Голубков Николай Николаевич (25 апрель 1920 йыл — 9 август 1945 йыл) — СССР Хәрби-Диңгеҙ флотының совет-япон һуғышында һәләк булған яугире. Йөҙөүсе зенит батареяһының отделение командиры, 1-се статья старшинаһы. Советтар Союзы Геройы (1945).

Биографияһы[үҙгәртергә | вики-тексты үҙгәртергә]

Николай Николаевич Голубков 1920 йылдың 25 апрелендә Дмитриевка ауылында (хәҙер — Башҡортостандың Бәләбәй районы) тыуған. Урта белем алған, Абдуллино станцияһында «Заготзерно» контораһында эшләгән. 1940 йылда Голубков СССР Хәрби-диңгеҙ флотына хеҙмәткә саҡырыла. Уҡыу отрядынан һуң алыҫлыҡты үлсәүсе, Амур хәрби флотилияһы 67-се айырым артиллерия дивизионының радистар отделениеһы командиры, отделение командиры, һуңынан шул уҡ флотилияның «ПВО-1232» йөҙөүсе зенит батареяһы комендор-зенитсылар отделениеһының командиры булып хеҙмәт итә. Совет-япон һуғышында батырлыҡ күрһәтә[2].

1945 йылдың 9 авгусында Фуюань ҡалаһына десант барышында Голубковтың отделениеһы дзоттарҙа һәм ҡала биналарында урынлашып алған дошмандың көслө ҡаршылығына тап була. Голубков беренсе булып дошман дзотына барып инә һәм унда булғандарға гранаталар ташлай, әммә үҙе лә үлемесле яралана[3][4][5][6] СССР Юғары Советы Президиумының 1945 йылдың 14 сентябрендәге указы менән 1-се статьялы старшина Николай Голубков үлгәндән һуң Советтар Союзы Геройы исеменә лайыҡ була[7]. Шулай уҡ Ленин ордены һәм I дәрәжә Ватан һуғышы ордены менән бүләкләнә. Карап экипажы исемлегенә мәңгелеккә индерелә.

Иҫкәрмәләр[үҙгәртергә | вики-тексты үҙгәртергә]

  1. Башҡорт энциклопедияһыБашкирская энциклопедия, 2005. — 4344 с. — ISBN 978-5-88185-053-1
  2. Голубков Николай Николаевич. «Герои страны» сайты.
  3. Мәғлүмәт ОБД «Мемориал» документтар электрон базаһында
  4. Мәғлүмәт ОБД «Мемориал» документтар электрон базаһында
  5. Мәғлүмәт ОБД «Мемориал» документтар электрон базаһында
  6. Рядом находятся могилы контр-адмиралов Несвитского (1883—1945) и Антонова (1907—1948)
  7. Указ Президиума Верховного Совета СССР «Халыҡ батырлығы» мәғлүмәт электрон базаһында (архив материалдары: Ҡалып:ЦВМА)

Әҙәбиәт[үҙгәртергә | вики-тексты үҙгәртергә]

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Подвиги Героев Советского Союза. М., 1981.
  • Подвиги их — бессмертны. — Уфа: Китап, 2000.

Һылтанмалар[үҙгәртергә | вики-тексты үҙгәртергә]